BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەي سيرياداعى اسكەرىنىڭ نەگىزگى بولىگىن قايتارادى

استانا. 15 ناۋرىز. baq.kz - بۇگىننەن باستاپ رەسەي اسكەرىنىڭ نەگىزگى بولىگى سيريا اۋماعىنان شىعارىلا باستايدى.  بۇل تۋرالى ۆلاديمير پۋتين سىرتقى ىستەر جانە قورعانىس مينيسترلەرىمەن وتكەن كەزدەسۋىندە مالىمدەدى.

. رەسەي پرەزيدەنتى كرەملدىڭ بۇل قادامى سيرياداعى قارسى تاراپتاردى بىتىمگە شاقىرۋ ٴۇشىن جاسالعانىن ايتتى. كۇنى بۇگىنگە دەيىن سيرياداعى اسكەري وپەراسيالار بارىسىندا رەسەي كۇشتەرى 400 ەلدى مەكەندى جەرگىلىكتى بيلىك اسكەرىنىڭ باقىلاۋىنا وتكىزۋگە كومەكتەسكەن. اۋە سوققىلارى ارقىلى لاڭكەستىك ۇيىمداردىڭ باقىلاۋىندا بولعان 209 مۇناي ٴوندىرۋ نىسانىن قيراتتى. ۆلاديمير پۋتين، رەسەي فەدەراسياسىنىڭ پرەزيدەنتى -قورعانىس مينيسترلىگىنە جۇكتەلگەن تاپسىرمالار ورىندالدى دەپ ەسەپتەيمىن. سوندىقتان قورعانىس مينيسترىنە 15 ناۋرىزدان باستاپ ٴبىزدىڭ اسكەردىڭ نەگىزگى بولىگىن سيريا اراب رەسپۋبليكاسىنان شىعارۋدى بۇيىرامىن. رەسەي تاراپىنىڭ بۇل ۇيعارىمىنا قاتىستى قازاقستان پارلامەنتى سەناتىنىڭ ٴتوراعاسى ٴوز پىكىرىن ٴبىلدىردى.

قاسىم-جومارت توقايەۆ: «كرەملدىڭ سيريا اۋماعىنان اۆياسياسىن شىعارۋ جانە اسكەري ارەكەتتەرىن دوعارۋ تۋرالى شەشىمى قاقتىعىسقان تاراپتاردىڭ بەيبىت كەلىسىمگە كەلۋىنە قولايلى جاعداي جاسايدى»، – دەپ ەسەپتەيدى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي