BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«پەندە مەن پەردە» كىتابى وقىرمانعا جول تارتتى

استانا. 25 مامىر. baq.kz – بۇگىن قىزىلوردادا بەلگىلى جۋرناليست ەرجان بايتىلەستىڭ «پەندە مەن پەردە» كىتابىنىڭ تانىستىرىلىمى ٴوتتى. شاراعا قوعام قايراتكەرلەرى مەن قالامگەرلەر، ستۋدەنت جاستار قاتىستى. 

بۇل ەرجان بايتىلەستىڭ تۇڭعىش تۋىندىسى. 1981 جىلى قىزىلوردا وبلىسى، شيەلى اۋدانىندا دۇنيەگە كەلگەن ول الماتىداعى ٴال-فارابي اتىنداعى قازاق ۇلتتىق ۋنيۆەرسيتەتىن جۋرناليستيكا فاكۋلتەتىندە ٴبىلىم الدى. «قازاقستان»، «اق جول قازاقستان» مەن «الماتى اقشامى» گازەتتەرىندە ٴتىلشى، اعا ٴتىلشى، ٴبولىم مەڭگەرۋشىسى قىزمەتتەرىن اتقارعان. رەسپۋبليكالىق «انا ٴتىلى» گازەتىندە باس رەداكتوردىڭ ٴبىرىنشى ورىنباسارى بولدى. ال 2011 جىلدان بەرى «ەگەمەن قازاقستان» گازەتىنىڭ قىزىلوردا وبلىسىنداعى مەنشىكتى ٴتىلشىسى. جيناققا ٴجۋرناليستىڭ باس باسىلىمداردا ٴار جىلداردا جازعان سۇحباتتارى مەن ماقالالارى، پۋبليسيستيكالىق جازبالارى ەنگەن. كىتاپ 7 بولىمنەن تۇرادى. ازىرگە مىڭ داناسى باسىلىپ شىققان تۋىندى ەلىمىزدىڭ ٴىرى كىتاپحانالارىنا تاراتىلماق. سونىمەن قاتار، ساتىلىمعا دا شىعارىلادى. اۆتور ەگەر كىتاپ شىعارسام، اتى «اق پەن قارا» بولادى دەگەن ارمانى بولعانىن ايتادى. الايدا بۇل تاقىرىپتا باسقا قالامگەرلەردىڭ تۋىندىلارى جارىققا شىعىپ قويعاندىقتان، جيناققا «پەندە مەن پەردە» اتاۋىن قويعان.

- جيناقتىڭ «پەندە مەن پەردە» اتالۋىنىڭ سەبەبى ادام بالاسى پەندەشىلىگىن جاسىرىپ، جاقسى كورىنۋگە ۇمتىلادى. قالاي بولعاندا دا كەز-كەلگەن جان جامان قاسيەتتەرىن جاسىرۋ ماقساتىندا باسقاشا تانىلىپ، ياعني بەت پەردە كيىپ جۇرەدى. سوندىقتان، بۇگىنگى كۇنگە دەيىن كورىپ، تۇيگەنىم، جاقسىلار مەن جايساندار تۋرالى از-كەم جازعانىم، ناعىز قايراتكەر تۇلعالارمەن سۇحباتتارىم جيناقتالعان، - دەيدى اۆتور.

سالتاناتتى شاراعا كەلگەن قالامگەرلەر ەرجان بايتىلەستىڭ گازەتپەن عانا شەكتەلمەي، جازۋشىلىق قىرىنان كورىنىپ جاتقانىنا قۋانىشتى ەكەندىكتەرىن جەتكىزدى. ولار ونىڭ ٴوز ٴىسىنىڭ بىلىكتى، ٴبىلىمدى مامانى عانا ەمەس، ادامدىعى مەن پاراساتى بيىك ازامات ەكەنىن دە كوپكە ۇلگى ەتتى.

- ەگەر ەرجان بايتىلەس وسى باستاماسىن ٴارى قاراي جالعاستىراتىن بولسا، وندا قازاق ادەبيەتىنە ولجا سالاتىن جازۋشى دۇنيەگە كەلدى، - دەپ تانىمال اقىن، جۋرناليستەر وداعىنىڭ مۇشەسى شاھيزادا ابدىكارىموۆ باعاسىن بەردى.

اۆتوردىڭ ايتۋىنشا جيناققا ەنگەن ٴار ماقالانىڭ وزىندىك تاريحى بار. اسىرەسە، ول اققان جۇلدىزداي جارق ەتىپ، سونگەن بەكزات ساتتارحانوۆ تۋرالى ماقالانىڭ قالاي جازىلعاندىعىن ەرەكشە ىقىلاسپەن اڭگىمەلەپ بەردى. شارا سوڭىندا بولاشاق جۋرناليستەر ساۋالدارىن قويىپ، پىكىر الماستى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي