BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ولجاس سۇلەيمەنوۆ – 80 جاستا

استانا. 9 مامىر. baq.kz. ٴال-فارابي اتىنداعى قازاق ۇلتتىق ۋنيۆەرسيتەتىندە «ولجاس سۇلەيمەنوۆتىڭ شىعارماشىلىعى جانە ۇلتتىق سانانىڭ وزەكتى ماسەلەلەرى» اتتى حالىقارالىق عىلىمي كونفەرەنسيا ٴوتتى. 

بەلگىلى اقىن، قازاقستاننىڭ مەملەكەت جانە قوعام قايراتكەرى، حالىقارالىق «نەۆادا-سەمەي»انتيادرولىق قوزعالىسىنىڭ پرەزيدەنتى ولجاس سۇلەيمەنوۆتىڭ 80 جىلدىق مەرەيتويىنا ارنالعان جيىن جاعىمدى نوتادا باستالدى. قوناقتار ۇلتتىق اسپاپتار ٴانسامبلىنىڭ سۇيەمەلدەۋىمەن تانىمال سۋرەتشى اماندوس اقانايەۆتىڭ شىعارمالارى، ونىڭ ىشىندە مەرەيتوي يەسىنىڭ پورترەتى قويىلعان كورمەنى ارالادى.
پلەنارلىق وتىرىستىڭ شىمىلدىعىن تۇرە وتىرىپ، قازۇۋ رەكتورى عالىم مۇتان ۇلى ولجاس ومار ۇلىنىڭ بۇگىندە ەل يگىلىگى ٴۇشىن قىزمەت ەتىپ جۇرگەن ازاماتتاردىڭ ٴبىرى ٴارى بىرەگەيى ەكەنىن اتاپ ٴوتتى. «مەن ولجاس ومار ۇلىنىڭ نەگىزگى ٴۇش قىزمەتىن اتاپ وتكىم كەلەدى. ول پوەزيا، عىلىمي پروزا جانە پۋبليسيستيكا، ونىڭ ازاماتتىق ۇستانىمىنىڭ ٴىس جۇزىندەگى كورىنىسى. اقىن رەتىندە ول الپىسىنشى جىلدارداعى اندرەي ۆوزنەسەنسكيي، روبەرت روجدەستۆەنسكيي،ەۆگەنيي ەۆتۋشەنكو، بەللا احمادۋللينا، نوۆەللا ماتۆەەۆا، يۋننا موريس جانە وزگە دەتانىمال اقىندار تىزىمىندە ويىپ الار ورنى بار تۇلعا. ول «نەت ۆوستوكا ي زاپادا نەت،ەست وگرومنوە سلوۆو زەمليا» دەپ الەمگە جار سالدى. وسىلايشا 1961 جىلدان كەيىن ٴوزىنىڭ ولەڭدەرىمەن امەريكا مەن باتىس ەۋروپانى باۋراپ الدى. ونىڭ شىعارماشىلىق كەشتەرىندە زال ىشىندە ينە شانشىرلىق جەر بولمايتىن ەدى»، دەدى رەكتور.
ولجاس سۇلەيمەنوۆ باتىل ارەكەتتەر ادامى. ٴدال سوندىقتان، قىسقا مەرزىمدە«نەۆادا-سەمەي» قوزعالىسى قۇرىلدى. از ۋاقىت ىشىندە ناتيجەلى ەڭبەكتەر اتقارىلدى. ماقساتى ايقىن اقىندىقتى جانىنا تۋەتكەن ازامات ٴارقاشان ەل يگىلىگى ٴۇشىن قىزمەت ەتتى. ٴارى قاراي دا سولاي بولا بەرمەك.
«ولجاس سۇلەيمەنوۆ ٴوزىنىڭ ەڭ العاشقى 1961 جىلى ساۋىردە جازعان «ادامعا تابىن جەر ەندى» پوەماسىمەن بۇكىل دۇنيەجۇزىنە قالاي تانىلسا، سول تانىلعان بيىگىنەن، ٴوزىنىڭ سول رۋحاني ۇلى كەڭىستىگىنەن جازباي، جاڭىلماي كەلەدى. ولجاستىڭ ەڭ باستى بايلىعى، ەڭ باستى ەرەكشەلىگى ونىڭ بويىندا قازاقتى الەمگە تانىتاتىن ۇلكەنرۋحتىڭ، ۇلكەن اسقاقتىقتىڭ بار ەكەندىگى. ونىڭ پوەزياسى بىرتە-بىرتە كەمەڭگەرلەرگەتان ويشىلدىققا ويىستى. ول عىلىم مەن ادەبيەتتى بىر-بىرىمەن ۇيلەستىرىپ، ٴۇشتاستىرابىلدى. وسى ٴۇردىستى ٴقازىر دە جالعاستىرىپ كەلە جاتىر. ولجاكەڭ حالقىنىڭ ماحابباتىنا بولەنگەن تۇلعا. حالقىمەن قاشاندا وسىلاي بىرگە بولا بەرەدى»، - دەپ ٴاتاپوتتى قازاقستان جازۋشىلار وداعىنىڭ ٴتوراعاسى، اقىن، سەناتور نۇرلان ورازالين.
جازۋشى، پۋبليسيست، لينگۆيست ولجاس سۇلەيمەنوۆتىڭ 80 جىلدىق مەرەيتويىنا وراي ۇيىمداستىرىلعان شاراعا ارنايى شاقىرىلعان مادەنيەتتانۋشى، پۋبليسيست، قوعامقايراتكەرى م.اۋەزوۆ قاتىسىپ، «ولجاس سۇلەيمەنوۆ جانە ۇلتتىق يدەيا» تاقىرىبىندا بايانداما جاسادى. ول: «بۇگىنگى ۇلكەن قۋانىشتى كۇن ولجەكەڭنىڭ قۋانىشى عانا ەمەس،بۇكىل قازاقتىڭ قۋانىشى. ولجاس ەڭبەكقورلىعىنىڭ ارقاسىندا وسىنشا بەدەلگە جەتتى.تەك قانا ٴوزىن عانا تاربيەلەمەي، قازاقتىڭ ابىرويلى تاعدىرى ٴۇشىن زور ۇلەسىن قوستى. ٴدۇيىم جۇرتتىڭ اراسىندا پاتريوتتىقتى ناسيحاتتاپ، ۇلتتىق سانا سەزىمدى وياتقان جانە دۇرىس جولعا سالعان وسى ولجەكەڭ بولاتىن. ولجاستىڭ ٴجۇرىپ وتكەن جولى كەز كەلگەن جانعا ۇلگى، جەتكەن جەڭىسى بۇكىل قازاق بالاسىنا ونەگە. اقىن تەرەڭ ويدىڭ ازاماتى، رۋحتى ادام. سول مىقتى رۋحىنىڭ ارقاسىندا ەلىمىزدىڭ ابىرويىن اسقاقتاتتى»،- دەي كەلە، اقىننىڭ اتقارعان ەڭبەگىندەگى ۇلتتاربيەسىنە قاتىستى تىڭ دۇنيەلەرمەن تانىستىرىپ ٴوتتى.
القالى جيىن كونفەرەنسيانىڭ سەكسيالىقوتىرىستارىندا جالعاستى. ٴىس-شارا بارىسىندا بارلىعى 50-دەن استام بايانداماتىڭدالىپ، ولجاس ومار ۇلى شىعارمالارىنىڭ قۇرىلىمدىق، ستيلدىك ەرەكشەلىكتەرى تالداندى.
ۇرپاققا ۇلگى، حالقىنىڭ ماڭدايىنا جارىق جۇلدىز بولىپ بىتكەن نار تۇلعا مەرەيتويىنىڭ العاشقى لەگى وسىنداي لەپپەن باستالدى. العاشقى بولىپ قۇتتىقتاعان الما-ماتەر ۇجىمى ولجاس ومار ۇلىنا قاجىماس قايرات، سارقىلماس ٴتوزىم مەن زور دەنساۋلىق تىلەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي