BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇر وتان» پارتياسى « ۇلى دالا» شىعارماشىلىق بايقاۋىن جاريالادى

استانا، baq.kz. «نۇر وتان» پارتياسى قازاقستان جازۋشىلار وداعىمەن بىرلەسىپ جاس اقىن-جازۋشىلار مەن قالامگەرلەرگە ارنالعان « ۇلى دالا» شىعارماشىلىق بايقاۋىن جاريالادى.

بۇگىن كوپشىلىككە تانىستىرىلعان بۇل بايقاۋ ەلباسىنىڭ «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» اتتى باعدارلامالىق ماقالالارىندا ايتىلعان باسىمدىقتاردى دارىپتەۋگە باعىتتالعان قوعامدىق ٴىس-شارا.

"وتكەن اپتادا عانا جاريالانعان ەلباسىمىزدىڭ « ۇلى دالانىڭ جەتى قىرى» اتتى ماقالاسى ەلىمىزدىڭ رۋحاني ومىرىندەگى ەلەۋلى وقيعا رەتىندە قابىلدانىپ، وسى سالاعا تىڭ سەرپىن بەرگەنى ٴسوزسىز. سول سەبەپتى دە ماقالادا ايتىلعان يدەيالار مەن قۇندىلىقتار قوعام تاراپىنان قىزۋ قولداۋعا يە بولىپ، ٴتۇرلى دەڭگەيدەگى تالقىلاۋلاردىڭ وزەگىنە اينالدى. ٴتىپتى ولاردى جۇزەگە اسىرۋعا قاتىستى كوپتەگەن ۇسىنىستار مەن پىكىرلەر دە ايتىلىپ جاتىر.
وسى رەتتە بۇل جۇمىستارعا ۇكىمەتتىك ەمەس ۇيىمدار، ساياسي پارتيالار جانە قوعام بەلسەندىلەرىمەن بىرگە ەلىمىزدىڭ زيالى قاۋىم مەن شىعارماشىلىق سالا وكىلدەرىنىڭ دە بەلسەنە قاتىسقانى ابزال. اسىرەسە، پروزا، پوەزيا، دراماتۋرگيا مەن كوركەم جانە دەرەكتى فيلمدەردىڭ ماڭىزى زور. وسىنى ەسكەرىپ، ٴبىز اتالعان بايقاۋ ارقىلى قوعامىمىزدىڭ رۋحاني جاڭعىرۋىنا اسەر ەتەتىن ەڭبەكتەر مەن تاريحىمىزداعى ۇلى تۇلعالاردىڭ ونەگەلى ٴومىرىن ناسيحاتتايتىن شىعارمالاردىڭ جازىلۋىنا ٴوز ۇلەسىمىزدى قوسۋدى كوزدەپ وتىرمىز" - دەدى پارتيا ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ.

ونىڭ ايتۋىنا قاراعاندا، بايقاۋ جەڭىمپازدارى «پروزا»، «پوەزيا»، «دراماتۋرگيا، كوركەم فيلمدەر مەن تەلەسەريال سسەناريى»، «پۋبليسيستيكا» جانە «بالالارعا ارنالعان شىعارما» سياقتى بەس اتالىم بويىنشا انىقتالادى.

ٴار اتالىمدا ٴۇش ورىن بەلگىلەنگەن. ناتيجەسىندە جەڭىمپازدارعا – 1،5 ملن، 2-ورىن يەگەرلەرىنە – 750 مىڭ، ال 3-ورىن العان قاتىسۋشىلارعا 500 مىڭ تەڭگەدەن بەرىلەدى. سوندىقتان بۇل بايقاۋدى جاس قالامگەرلەرگە بەرىلىپ وتىرعان زور مۇمكىندىك دەپ تە قابىلداۋعا بولادى.

"الداعى ۋاقىتتا جازۋدى سەرىك ەتكەن جاستارىمىز وسى بايقاۋ ارقىلى ەلباسىنىڭ ماقالاسىندا ايتىلعان باسىمدىقتاردىڭ ٴمانى مەن ماڭىزىن دارىپتەۋگە جانە ولاردى جۇزەگە اسىرۋعا ٴوز ۇلەستەرىن قوسادى دەپ سەنەمىز. سوندىقتان بارشا جاس شىعارماشىل قاۋىمدى بايقاۋعا بەلسەنە قاتىسۋعا شاقىرامىز" - دەدى ماۋلەن اشىمبايەۆ.

بايقاۋعا 18 بەن 40 جاس ارالىعىنداعى قالامگەرلەر قاتىسا الادى. قاتىسۋشىلاردىڭ جۇمىستارى 2018 جىلدىڭ 28 قاراشاسى مەن 2019 جىلدىڭ 15 قاڭتارى ارالىعىندا قابىلدانادى.

بايقاۋ تۋرالى تولىعىراق مىنا جەردەن بىلۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي