BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرليندە نازاربايەۆتىڭ «تاۋەلسىزدىك ٴداۋىرى» كىتابى تانىستىرىلدى

استانا، baq.kz. قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى قر گەرمانيا فەدەراتيۆتىك رەسپۋبليكاسىنداعى ەلشىلىگىمەن بىرلەسىپ ن.ٴا. نازاربايەۆتىڭ نەمىس تىلىندە جارىق كورگەن «تاۋەلسىزدىك ٴداۋىرى» كىتابىنىڭ تۇساۋكەسەرىن وتكىزدى.

تۇساۋكەسەر ٴراسىمى «قازاقستان: بولاشاققا ۇمتىلعان ەل» عىلىمي-تاجىريبەلىك كونفەرەنسياسى اياسىندا گۋمبولدت اتىنداعى بەرلين ۋنيۆەرسيتەتىندە ۇيىمداستىرىلدى (بەرلين، گەرمانيا).

ٴىس-شاراعا قر گفر توتەنشە جانە وكىلەتتى ەلشىسى بولات ٴنۇسىپوۆ، گۋمبولدت اتىنداعى بەرلين ۋنيۆەرسيتەتىنىڭ ۆيسە-پرەزيدەنتى، پروفەسسور پەتەر فرەنش، گفر ۇكىمەتىنىڭ رەسەي، ورتالىق ازيا ەلدەرىمەن جانە «شىعىس سەرىكتەستىك» قوعامارالىق ىنتىماقتاستىق بويىنشا ۋاكىلەتتى ديرك ۆيزە، گفر ٴسىم شىعىس ەۋروپا، وڭتۇستىك كاۆكاز جانە ورتالىق ازيا ەلدەرى بويىنشا ۋاكىلەتتى ميحاەل زيبەرت، گەرمان بۋندەستاگىنىڭ «گەرمانيا – ورتالىق ازيا» پارلامەنتتىك توبىنىڭ ٴتوراعاسى، بۋندەستاگتاعى حدو/ٴحاو فراكسياسى ٴتورالقاسىنىڭ مۇشەسى مانفرەد گرۋند، بۇرىنعى مەملەكەتتىك مينيستر گەرنوت ەرلەر، گفر ەكونوميكا جانە تەحنولوگيانىڭ بۇرىنعى فەدەرالدى ٴمينيسترى ميحاەل گلوس، قازاقستان-گەرمان دوستىق قوعامىنىڭ ٴتوراعاسى، بۋندەستاگ دەپۋتاتى كارين شترەنس، بۋندەستاگ دەپۋتاتتارى اندرە حاحن جانە ارمين-پاۋليۋس حامپەل، «schneider group» كومپانيالار توبىنىڭ باس ديرەكتورى جانە قۇرىلتايشىسى، شىعىس كوميتەتى ەۋرازيالىق توبىنىڭ جەتەكشىسى ۋلف شنايدەر، گفر مينيسترلىكتەر مەن ۆەدومستۆولاردىڭ وكىلدەرى قاتىستى.

«پرەزيدەنتتىڭ «تاۋەلسىزدىك ٴداۋىرى» اتتى كىتابى حالىقارالىق تىلدەرگە اۋدارىلىپ، ماسكەۋ، سانكت-پەتەربۋرگ، لوندون جانە باكۋ قالالارىندا تۇساۋى كەسىلدى. بۇگىن تۇڭعىش پرەزيدەنت قورىنىڭ ارقاسىندا بىزدە بەرليندە ٴوتىپ جاتىر. بۇل ٴىس-شارا جەلتوقساندا اتاپ وتىلەتىن قازاقستاننىڭ ۇلكەن مەرەكەلەرى – تۇڭعىش پرەزيدەنت جانە تاۋەلسىزدىك كۇندەرى قارساڭىندا وتكىزىلىپ وتىر. مەرەكەلەردىڭ بىر-بىرىنە جاقىن تۇرۋى زاڭدىلىق، سەبەبى ولاردىڭ اراسىندا تەرەڭ اجىراماس بايلانىس بار»، - دەيدى قر گفر توتەنشە جانە وكىلەتتى ەلشىسى بولات ٴنۇسىپوۆ .

قازاقستان پرەزيدەنتىنىڭ جاڭا كىتابى ٴار وقىرمانعا وزىنشە تۇسىنىك بەرەدى. ونىڭ بىرەگەيلىگى – كەڭ اۋقىمدى اۋديتورياعا ارنالعان.

«تاۋەلسىزدىك ٴداۋىرى» ٴتورت بولىمنەن تۇرادى، ول تاۋەلسىز قازاقستاننىڭ قالىپتاسۋى بارىسىنداعى تاريحي كەزەڭدەر تۋرالى باياندايدى. وندا قازاقستان جاڭعىرۋىنىڭ ٴۇش تولقىنى جانە تابىستارى سيپاتتالعان. وقيعاعا تىكەلەي قاتىسۋشى رەتىندە، پرەزيدەنت قازاقستاننىڭ وتكەن كۇردەلى جولدارى تۋرالى ٴوز كوزقاراسىن بىلدىرەدى.

سونىڭ ىشىندە 2000-2010 جىلدارداعى كەزەڭ ارالىعىندا 1997 جىلى مەملەكەت باسشىسى قابىلداعان «قازاقستان - 2030» ستراتەگياسىن ىسكە اسىرۋ قادامدارى قامتىلعان.

كىتاپتىڭ سوڭعى ٴبولىمى 2010 جىلدارداعى كەزەڭ ارالىعىنا ارنالادى. ول كەزدە قازاقستان جەتكەن جەتىستىكتەرىمەن شەكتەلمەي، جاڭا امبيسيالىق «قازاقستان - 2050» ستراتەگياسىن ورىنداۋعا كىرىسەدى.

مەملەكەت باسشىسىنىڭ «تاۋەلسىزدىك ٴداۋىرى» كىتابى قازاقستاندىق وقىرمانعا 2017 جىلعى جەلتوقساندا جول تارتتى.

ايتا كەتۋ كەرەك، تۇڭعىش پرەزيدەنت قورىنىڭ قىزمەتى ادامي كاپيتالدى دامىتۋعا ارنالعان جوبالاردى ىسكە اسىرۋعا، دارىندى جاستاردىڭ باستامالارى مەن شىعارماشىلىق پوتەنسيالىن قولداۋعا باعىتتالعان.

بۇل تۇرعىدا «تاۋەلسىزدىك ٴداۋىرى» كىتابىنىڭ ستراتەگيالىق جولداۋ رەتىندە وسكەلەڭ ۇرپاققا ارنالعاندىعى اسا ماڭىزدى.

سونداي-اق، ەلباسى ەڭبەگىنىڭ تۇساۋكەسەرى اياسىندا تۇڭعىش پرەزيدەنت قورى دايىنداعان استانانىڭ 20 جىلدىعىنا ارنالعان «استانا – ۇلى دالانىڭ جاۋھارى» اتتى فوتوكورمەسى ۇيىمداستىرىلدى. وندا استانانىڭ بىرەگەي عيماراتتارى بەينەلەنگەن 40 سۋرەت قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي