BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ناركەسكەن» كلۋبىنىڭ العاشقى وتىرىسىندا اۋدارما تۇيىتكىلدەرى تالقىلاندى

فوتو: автор

الماتى، baq.kz ٴتىلشىسى. "قازاق گازەتتەرى" ٴجشس-ى جانىنان "ناركەسكەن" ينتەللەكتۋالدىق-پىكىرسايىس الاڭىن قۇرىلدى، كلۋبتىڭ العاشقى وتىرىسى "اۋدارماداعى تۇيتكىلدەر" تاقىرىبىمەن اشىلدى.

جيىنعا اۋدارما سالاسىنىڭ جانە قازاق تىلىندە تەرمين قالىپتاستىرۋعا اتسالىسقان ماماندار، جۋرناليست قاۋىمى مەن قازاق ٴتىلىنىڭ جاناشىرلارى قاتىسىپ، قازىرگى اۋدارمانىڭ ماسەلەلەرىن تالقىلادى.

القالى جيىننىڭ اشىلۋى كەزىندە «انا ٴتىلى» گازەتىنىڭ باس رەداكتورى جاناربەك ٴاشىمجان «ناركەسكەن» ينتەللەكتۋالدى-پىكىر سايىس كلۋبىنىڭ اۆتورى بۇكىل «قازاق گازەتتەرىنىڭ» ينتەرنەت رەسۋرسىنىڭ جەتەكشىسى ەسەنگۇل كاپقىزى ەكەندىگىن ايتىپ ٴوتتى.

«نەگىزگى ماقساتىمىز – ايىنا ٴبىر رەت قوعامداعى ۋاقىتى جەتكەن تاقىرىپتاردى كوتەرۋ، قوعامدا بولىپ جاتقان جاعدايلارعا كاسىبي مامانداردى شاقىرا وتىرىپ تالقىلاپ، ونى جۇرتشىلىققا جەتكىزۋ. تاۋەلسىزدىك العالى اقساپ كەلە جاتقان سالانىڭ ٴبىرى اۋدارما سالاسى. ٴقازىر بارلىق اقپارات قۇرالدارىندا وسى جايىندا نەشەالۋان پىكىرلەر ايتىلىپ جاتادى. تىلگە، كوركەم ادەبي تۋىندىلارعا قاتىستى، ودان كەيىن تەلەارنالار مەن راديولاردا بەرىلىپ جاتقان ٴتۇرلى باعدارلامالارداعى اۋدارما تۇيىتكىلدەرىنە قاتىستى تىلشىلەرىمىزدىڭ تاراپىنان كوپتەگەن كەمشىلىكتەر كەتىپ جاتادى. وسى جايىندا كوپتەگەن وقىرماندار حات جازىپ، وزدەرىنىڭ رەنىشتەرىن بىلدىرۋدە. سوندىقتان بۇگىنگى تاقىرىپ وسى اۋدارما ماسەلەسىنە ارنالىپ وتىرمىز»، -دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي