BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«مۇحتار اۋەزوۆ» ەلەكتروندى كىتاپحاناسىنىڭ تۇساۋى كەسىلدى

استانا. 3 ٴساۋىر. baq.kz - بۇگىن الماتىدا قر ۇلتتىق كىتاپحاناسىندا تولىق ٴماتىندى «مۇحتار اۋەزوۆ» ەلەكتروندى كىتاپحاناسىنىڭ تۇساۋى كەسىلدى.

بۇل اقپاراتتىق رەسۋرستىڭ نەگىزگى ماقساتى - مۇحتار اۋەزوۆتىڭ ادەبي مۇراسىنا ٴبىرىڭعاي قولجەتىمدىلىكتى قامتاماسىز ەتۋ، الەمدىك جانە وتاندىق قوعامداستىقتى قازاق كلاسسيگىنىڭ شىعارمالارىمەن تانىستىرۋ جانە ۇلى جازۋشىنىڭ ٴومىرى مەن قىزمەتى جايلى ٴبىلىمدى كەڭەيتۋ. جاڭا پورتال قازاق، ورىس جانە اعىلشىن تىلدەرىندە جۇمىس ىستەيدى.

پورتالعا مۇحتار اۋەزوۆتىڭ تولىق اكادەميالىق شىعارمالار جيناعى، ياعني عىلىمي ەڭبەكتەرى، كوركەم شىعارمالارى، ماقالالارى، كينوسسەناريلەرى، حاتتارى مەن زەرتتەۋ جۇمىستارى قويىلعان. بارلىعى 50 تومدى قۇرايدى. سونىمەن قاتار ەلەكتروندى رەسۋرسقا جازۋشىنىڭ جەكە مۇراعاتىنداعى ماتەريالدار، م.اۋەزوۆ اتىنداعى ادەبيەت جانە ونەر ينستيتۋتىنىڭ ساندىق جۇيەگە ەنگىزىلگەن قولجازبالارى جانە قر ۇلتتىق كىتاپحاناسىنىڭ باي توپتاماسى ەنگىزىلدى.

ولاردىڭ ىشىندە جازۋشىنىڭ جارىق كورمەگەن قولجازبالارى، حاتتارى، فوتوسۋرەتتەرى مەن بەينە جانە اۋديوماتەريالدارى سايتتى پايدالانۋشىلاردىڭ ەرەكشە قىزىعۋشىلىعىن تۋعىزارى انىق.

قر ۇلتتىق كىتاپحاناسى وكىلدەرىنىڭ ايتۋىنشا، «مۇحتار اۋەزوۆ الەمى» جوباسىن قولعا الۋعا تۇرتكى بولعان ۋكرايندىق ارىپتەستەرى ەكەن. ولار تاراس شەۆچەنكونىڭ 200 جىلدىعىنا وراي «سەنىڭ شەۆچەنكوڭ» اتتى جوبا ٴۇشىن ماتەريالدار جيناۋ ماقساتىندا كومەك سۇراپ ۇلتتىق كىتاپحانامىزعا جۇگىنىپتى. سونىمەن قاتار رەسەيلىك «بۇكىل تولستوي» جوباسىن جاساۋ تاجىريبەسى دە پايدالانىلدى. ول جوبانى جاساۋ قازاقستاندىق جوبانى ازىرلەۋ جۇمىستارىمەن قاتار جۇرگەن.

«ٴبىز كەمەڭگەر جازۋشى، ۇلى فيلوسوف مۇحتار اۋەزوۆ الەمىنىڭ قايتا جاڭعىرۋىنىڭ كۋاسى بولىپ وتىرمىز. ال ونىڭ الەمىنىڭ ۇشى-قيىرى جوق. مىنە، قاجىرلى دا كۇردەلى جۇمىس جاسالدى. بۇل جوبا قازاقستان ٴۇشىن عانا ەمەس، بۇكىل الەمدىك ادەبيت پەن مادەنيەت ٴۇشىن دە قاجەت. بۇل ەرەكشە جوبا. ول قازاقستاندىقتاردىڭ ۇرپاقتارى مەن شەتتە جۇرگەن قانداستارىمىزدى بىرىكتىرە تۇسەدى دەپ سەنەمىن»، - دەدى بەلگىلى قازاقستاندىق مادەنيەتتانۋشى مۇرات اۋەزوۆ.

بۇل جوبانى جۇزەگە اسىرۋشىلار - قر ۇلتتىق كىتاپحاناسى، مۇحتار اۋەزوۆتىڭ عىلىمي كابينەتى، «اۋەزوۆ ٴۇي» عىلىمي-مادەني ورتالىعى جانە م.اۋەزوۆ اتىنداعى ادەبيەت جانە ونەر ينستيتۋتى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي