BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ميعا وپەراسيا جاساعان دارىگەرلەر ساكسوفون قولداندى

استانا. 18 جەلتوقسان. baq.kz - يسپانيانىڭ مالاگا قالاسىندا ميعا وپەراسيا جاساعان حيرۋرگتار ساكسوفون قولدانىپتى. بۇل تۋرالى 24.kz جازدى. 

12 ساعاتقا سوزىلعان وپەراسيا كەزىندە ناۋقاس وياۋ جاتىپ، ساكسوفون ويناپ شىققان. «بۇل – ونىڭ ەستۋ، سويلەۋ جانە قوزعالىس قابىلەتىن تەكسەرۋ ٴۇشىن جاسالعان شارا»، - دەيدى دارىگەرلەر. باس ميىنان پايدا بولعان قاتەرلى ىسىك 27 جاستاعى جىگىتتىڭ مۋزىكا قابىلداۋ قاسيەتىنە نۇقسان تيگىزە جازداعان. ٴبىراق تىعىرىقتان شىعۋدىڭ جولىن ىزدەگەن ماماندار اقىرى سوڭىندا ىندەتتىڭ بۇل تۇرىنە تىڭ ەم تاپقان. ولاردىڭ ايتۋىنشا، بۇنداي وپەراسيا ەۋروپادا العاش رەت جاسالىپ وتىر. گيلەرمو يبانەز، نەيروحيرۋرگ: - ەمدەلۋشىنىڭ ساكسوفوندا ويناعانى وپەرسيانىڭ ٴساتتى وتۋىنە زور كومەگىن تيگىزدى. وسىلايشا، ٴبىز وپەراسيا بارىسىندا ونىڭ ەستۋ قابىلەتىن باقىلاي الدىق. سونداي-اق قوزعالىسقا جاۋاپتى باس مي قابىعىنا زاقىم كەلمەۋىن دە قاداعالاپ وتىردىق.

كارلوس اگيلەرا، ەمدەلۋشى:

- وسىدان ەكى اي بۇرىن اۋرۋدىڭ سالدارىنىن مەن توسەك تارتىپ قالعان ەدىم. ٴبىراق ٴقازىر جاڭا بەلەستەردى باعىندىرۋعا دايىنمىن. ٴوزىمدى ومىرگە قايتا كەلگەندەي سەزىنەمىن. مەنىڭ سويلەپ تۇرۋىمنىڭ ٴوزى جاعدايىمنىڭ جاقسارىپ بارا جاتقانىن دالەلدەيدى. سوندىقتان بارلىقتارىڭىزعا راقمەت!
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي