BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مارالتاي رايىمبەك ۇلىنىڭ ولەڭى پرەزيدەنتتىڭ كوڭىلىنەن شىقتى

بۇگىن استانادا ٴوتىپ جاتقان «تاۋەلسىزدىك. كەلىسىم. بولاشاعى ٴبىرتۇتاس ۇلت» اتتى قازاقستان حالقى اسسامبلەياسىنىڭ xxiv سەسسياسىندا اقىن مارالتاي رايىمبەك ۇلى «ماڭگىلىك ەل» ولەڭىن وقىپ بەردى، دەپ حابارلايدى baq.kz ٴتىلشىسى.  

كوك تۇرىكتەردىڭ بۇگىنگى ۇرپاعى تاريح ساحناسىندا كوپ ۇلىستى باۋىرىنا باسقان دارا بولمىستى مەملەكەت رەتىندە بەلگىلى. ٴبىز ٴوزىمىزدىڭ ٴسالت-داستۇرىمىزدى، ٴتىلىمىز بەن ٴدىلىمىزدى ساقتاي وتىرىپ، بابالار اماناتىن ورىنداۋعا، ەلباسى كورسەتكەن «نۇرلى جولمەن» ۇلى دالا ەلىنىڭ بولاشاعىنا بولىسا بەرەمىز. اتا-بابالارىمىزدىڭ رۋحى قولداپ، ەلباسىمىزدىڭ جۇرەگىن تەربەتكەن ماڭگىلىك ەلدىڭ باقىتى تارقاماسىن. سوناۋ عۇن مەنەن ساق، كوك تۇرىكتەن بەرىدە، قازاق بالاسىنا بۇكىل الەم تورىنە قارۋ ەمەس، اقىلىمەن جول اشقان وسى نۇرسۇلتان نازاربايەۆ قانا!

ماڭگىلىك ەل – ارمانىمنىڭ اسقارى.
ماڭگىلىك ەل – باقىتىمنىڭ باستاۋى.
ماڭگىلىك ەل – تاريحىمنىڭ داستانى.
ماڭگىلىك ەل – نۇرلى جولعا باستادى.

ماڭگىلىك ەل – مەنىڭ اپپاق مۇراتىم.
بولاشاققا نۇرىن شاشىپ تۇراتىن.
ماڭگىلىك ەل – نۇرلى جولى قازاقتىڭ
بار الەمگە مويىنداتار قۋاتىن.

ماڭگىلىك ەل – شەجىرەسى دالامنىڭ.
ماڭگىلىك ەل – اق تىلەۋى انامنىڭ.
ماڭگىلىك ەل – ماڭگىلىككە امانات.
ماڭگىلىك ەل – نۇرلى جولى بابامنىڭ.

ماڭگىلىك ەل – ىنتىماق پەن بىرلىكتە.
ماڭگىلىك ەل – ىمىرالى تىرلىكتە.
ماڭگىلىك ەل – ەرتەڭىڭدى ۇلىقتاۋ.
ماڭگىلىك ەل – وتكەنىڭدى ۇمىتپاۋ.

ماڭگىلىك ەل – ماڭداي تەرى حالىقتىڭ.
ماڭگىلىك ەل – نۇرلى ٴۇمىت، جارىق كۇن.
ماڭگىلىك ەل – ٴىز قالدىرۋ ماڭگىگە.
ماڭگىلىك ەل – تاۋسىلمايتىن اڭگىمە.

ماڭگىلىك ەل – بەيبىت ٴومىر اۋەنى.
ماڭگىلىك ەل – ەل انامداي ادەمى.
ماڭگىلىك ەل – تاۋەلسىزدىك تىرەگى.
ماڭگىلىك ەل – ۇلت پەن ۇلىس تىلەگى.

ماڭگىلىك ەل – نۇراعامنىڭ ٴدىلى ەدى.
نۇراعامدى بۇكىل الەم بىلەدى!
قازاق دەگەن كوك تۇرىكتىڭ ۇلى ەلى.
نۇراعامنىڭ نۇر جولىمەن جۇرەدى!!!

«جارايسىڭ، مارالتاي، امان بول! قاتىردىڭ بۇل جولى. مىنانى گازەتكە بەرەيىك. ٴبىراق نۇر اعا دەگەندى الىپ تاستايىق»، - دەدى ن.نازاربايەۆ.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي