BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«كوكجيەككە قارايمىن قىرعا بارىپ...» اتتى جىر جيناعى جارىق كوردى

 استانا. 26 اقپان. baq.kz – «اتىراۋ» وبلىستىق گازەتى باس رەداكتورىنىڭ ورىنباسارى، تاۋمان اماندوسوۆ اتىنداعى سىيلىقتىڭ يەگەرى، قىزىلقوعا اۋدانىنىڭ قۇرمەتتى ازاماتى نۇرلان قابىلوۆتىڭ «كوكجيەككە قارايمىن قىرعا بارىپ...» ولەڭدەر جيناعى «اتىراۋ-اقپارات» جشس باسپاحاناسىنان جارىققا شىقتى. جۋىردا ن.ٴجانتورين اتىنداعى وبلىستىق فيلارمونيانىڭ زالىندا وسى كىتاپتىڭ تۇساۋكەسەر ٴراسىمى بولىپ ٴوتتى. بۇل تۋرالى اتىراۋ وبلىسى اكىمى اپپاراتىنىڭ ٴباسپاسوز قىزمەتى حابارلادى.

 وبلىستىق مادەنيەت، مۇراعاتتار جانە قۇجاتتاما باسقارماسى مەن ع.سلانوۆ اتىنداعى وبلىستىق عىلىمي امبەباپ كىتاپحانانىڭ مۇرىندىق بولۋىمەن ۇيىمداستىرىلعان بۇل شارانى بەلگىلى جۋرناليست، ولكەتانۋشى وتەپبەرگەن الىمگەرەي اشىپ، جۇرگىزىپ وتىردى. اتالمىش شارانى اشقان وبلىستىق مادەنيەت، مۇراعاتتار جانە قۇجاتتاما باسقارماسىنىڭ باسشىسى التىنبەك نىسانعاليەۆ قالامگەر دوسى تۋرالى سىرىمەن ٴبولىسىپ، باسقارما اتىنان ەسكەرتكىش سىيلىعىن ۇسىندى.
كوپشىلىكتىڭ قوشەمەتتەۋىمەن «كوكجيەككە قارايمىن قىرعا بارىپ...» جىر جيناعىنىڭ تۇساۋكەسەر ٴراسىمىن قازاقستاننىڭ قۇرمەتتى جۋرناليستەرى يساتاي بالماعامبەتوۆ پەن تولەگەن جاڭاباي جاساپ، شىعارماشىلىق تابىس تىلەدى. جاڭا كىتاپتىڭ مازمۇنى مەن كوركەمدىگى حاقىندا وبلىستىق «اتىراۋ» گازەتى باس رەداكتورىنىڭ ورىنباسارى ەرمەك بيعاليەۆ شولۋ جاسادى. سونداي-اق، ن.تىلەنديەۆ اتىنداعى كىشى ونەر اكادەمياسىنىڭ شاكىرتتەرى جيناققا ەنگەن ولەڭدەردەن ۇزىندىلەردى مانەرلەپ وقىدى.
تۇساۋكەسەر ٴراسىمىن ۇيىمداستىرىپ، وتكىزۋگە اتسالىسقاندارعا ريزاشىلىعىن بىلدىرگەن نۇرلان دوستان ۇلى جىر جيناعىنىڭ ون داناسىن ع.سلانوۆ اتىنداعى وبلىستىق عىلىمي امبەباپ كىتاپحانانىڭ ديرەكتورى گۇلجاناي قاليەۆاعا تابىستادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي