BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كىتاپ مادەنيەتىنە ۇلەس قوسقاندار ماراپاتتالادى

 استانا. 19 جەلتوقسان. baq.kz – ەلىمىزدە «كىتاپ مادەنيەتىنە قوسقان زور ۇلەسى ٴۇشىن» مەدالى بەكىتىلدى. بۇل تۋرالى ۇلتتىق كىتاپ پالاتاسىنىڭ ٴباسپاسوز قىزمەتى حابارلادى.

 «ەلىمىزدىڭ كىتاپ شىعارۋ ٴىسى، باسپا-پوليگرافيا سالاسى، كىتاپحانا جۇيەسى قىزمەتكەرلەرى، قالامگەرلەر، سونىمەن بىرگە كىتاپ مادەنيەتىن ارتتىرۋعا زور ۇلەس قوسىپ جۇرگەن ەلىمىزدىڭ جانە شەتەلدىڭ كورنەكتى مادەنيەت، ساياسات قايراتكەرلەرىن ىنتالاندىرۋ ماقساتىندا ۇلتتىق مەملەكەتتىك كىتاپ پالاتاسى قازاقستان باسپاحانا ماماندارىنىڭ قاۋىمداستىعى، قازاقستاننىڭ جازۋشىلار وداعى، قازاقستاننىڭ باسپاگەرلەر مەن كىتاپ تاراتۋشىلار قاۋىمداستىعى، كىتاپحانا قاۋىمداستىعى «كىتاپ مادەنيەتىنە قوسقان زور ۇلەسى ٴۇشىن» مەدالىن بەكىتتى»، - دەلىنگەن پالاتا ٴباسپاسوز قىزمەتى تاراتقان حاباردا.
مەدالمەن جىلىنا ەكى رەت باسپا كۇنى قارساڭىندا – 28 ماۋسىمدا جانە تاۋەلسىزدىك كۇنى قارساڭىندا – 16 جەلتوقساندا تاپسىرىلىپ تۇرادى. العاشقى ماراپاتتاۋ سالتاناتى 20 جەلتوقساندا الماتىدا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي