BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىتايدا جەرلەۋدىڭ جاڭا ٴتۇرى پايدا بولدى

استانا. 30 ٴساۋىر. baq.kz. «شانحايدا قايتىس بولعان جانداردى جەرلەۋدىڭ جاڭا ٴتاسىلى پايدا بولدى. ويتكەنى، قازىرگى ۋاقىتتا ۇلكەن مەگاپوليستەگى زيراتتا ورىن جوق. 

سوندىقتان جانازا شىعارۋمەن اينالىساتىن جەرگىلىكتى بيۋرو قىمبات ەمەس ەكولوگيالىق قىزمەت ٴتۇرىن ويلاپ تاپتى. ودۇنيەلىك بولعان ادامنىڭ مۇردەسى ورتەلىپ، كۇللى بيولوگيالىق تىڭايتقىشقا اينالىپ كەتەتىن ىدىسقا سالىنادى. ال ونىڭ ۇستىنە گۇل وتىرعىزىلادى.
ٴۇش ايدان كەيىن بارلىعى توپىراققا ٴسىڭىپ كەتەدى. جەرلەۋ قىزمەتىن كورسەتەتىن بيۋرو بۇل كۇندەرى شانحاي تۇرعىندارىن وسى ٴتاسىل ارزان ٴارى ەكولوگيالىق تازا دەپ ۇگىتتەپ باعۋدا. ٴتىپتى وسى جولدى تاڭداعان تۇرعىندارعا اقشالاي جەڭىلدىك جاسايدى. ٴقازىر ەكولوگيالىق جەرلەۋ ٴتاسىلىن 30 پايىز حالىق قۇپتايدى ەكەن. ويتكەنى قىتايدا قايتىس بولعان ادامدى اقتىق ساپارعا شىعارىپ سالۋ تىم قىمباتقا تۇسەدى.
شانحايلىقتار ٴۇشىن تاعى ٴبىر ٴتاسىل بار. جاڭا تەحنولوگيا بويىنشا سۇيەكتى ورتەپ، كۇلگە ەمەس، 150-دەي شاعىن كريستالعا اينالدىرادى. ونى ۇيگە ساقتاپ قويۋعا بولادى نەمەسە القا، سىرعانىڭ تاسىنا اينالادى. بۇل ٴتاسىل دە قىتايلىقتار ٴۇشىن ەكى ەسە ارزانعا تۇسەدى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي