BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاننىڭ زياتكەرلىك مەنشىگى» جۋرنالىنىڭ مەرەيتويلىق ٴنومىرىنىڭ تۇساۋكەسەرى ٴوتتى

استانا. 31 قاڭتار. baq.kz – قر ادىلەت مينيسترلىگىنىڭ «ۇلتتىق زياتكەرلىك مەنشىك ينستيتۋتى» رمك-نىڭ «قازاقستاننىڭ زياتكەرلىك مەنشىگى» جۋرنالىنىڭ مەرەيتويلىق ٴنومىرىنىڭ تۇساۋكەسەرى ٴوتتى.

پرەزەنتاسياعا س. سەيفۋللين اتىنداعى قازاق اگروتەحنيكالىق ۋنيۆەرسيتەتى، «نازاربايەۆ ۋنيۆەرسيتەت» اق، ل.ن. گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ قىزمەتكەرلەرى جانە ستۋدەنتتەرى، «قتج» ۇك» اق عىلىمي-تەحنيكالىق اقپاراتتى جانە تالداۋ ورتالىعىنىڭ، قر ۇلتتىق كاسىپكەرلەر پالاتانىڭ وكىلدەرى، جۋرنال وقىرماندارى قاتىستى.

جۋرنالدىڭ پرەزەنتاسياسىن "ۇزمي" رمك ديرەكتوردىڭ ورىنباسارى ساۋلە جۇسىپبەكوۆا اشتى. ول ٴوزىنىڭ قۇتتىقتاۋ سوزىندە زياتكەرلىك مەنشىكتىڭ قۇقىعىن ساقتاۋ جانە قورعا ەلدىڭ يننوۆاسيالىق-يندۋستريالدىق دامۋ، قازاقستاننىڭ دسۇ كىرۋ، بۇكىلالەمدىك باسەكەلەستىك يندەكسىنىڭ رەيتينگىندە قر جايعاسىمداردى جاقسارتۋ سىندى فاكتورلار ٴۇشىن وتە ماڭىزدى ەكەندىگىن ايتتى.

سونىمەن قاتار قازاقستان رەسپۋبليكاسىندا ونەرتابىستاردى جانە پايدالى مودەلدەردى پاتەنتتەۋ ٴرولى جونىندە، زياتكەرلىك مەنشىك وبەكتىلەرىن ساقتاۋدى قامتاماسىز ەتۋ تۋرالى "ۇزمي" رمك باسقارماسىنىڭ باسشىلارى ا.ا.كازيەۆا جانە گ.ك. يلياسوۆا، س.سەيفۋللين اتىنداعى قازاتۋ يەقۇجاتكەرى يۋ.ا.بالدجي ٴسوز سويلەدى.

پرەزەنتاسيا اياقتالعان سوڭ بارلىق قالاۋشىلارعا جۋرنالعا جازىلۋ مۇمكىندىگى بەرىلدى.

ايتا كەتەيىك، ۇستىمىزدەگى جىلى «قازاقستاننىڭ زياتكەرلىك مەنشىگى» جۋرنالىنىڭ العاشقى ٴنومىرىنىڭ باسىلىپ شىققانىنا 10 جىل تولدى. عىلىمي-پراكتيكالىق جۋرنالدىڭ بەتتەرىندە ونەرتاپقىشتار، زاڭگەرلەر، سۋديالار، پاتەنتتىك سەنىم بىلدىرىلگەن وكىلدەر، كااسىپكەرلەر، باسپاگەرلەر مەن اۆتورلار زياتكەرلىك مەنشىك سالاسىندا بىلىكتى كومەك پەن كەڭەس الا الادى. جۋرنالدىڭ بىرنەشە ايدارى بار، ولار زياتكەرلىك مەنشىك سالاسىنداعى زاڭنامانى جەتىلدىرۋ ماسەلەسىنە، سوت تاجىريبەسىنە، اۆتورلىق قۇقىق، ونەركاسىپتىك مەنشىك قۇقىعىنا ارنالعان. بۇل باسىلىم، سونىمەن قاتار ٴوز وقىرماندارىن جاڭا جوبالارمەن، ونەرتاپقىشتىق سالاسىنداعى جاڭا جەتىستىكتەرمەن تانىستىرىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي