BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق جازۋشى «زولوتوە پەرو رۋسي» سىيلىعىنا يە بولدى

 استانا. 5 اقپان. baq.kz – قازاقستاندىق جازۋشى، پسيحولوگ، ەزوتەريك كارينا سارسەنوۆانىڭ شىعارماشىلىعى رەسەيدە تانىلدى. وعان «زولوتوە پەرو رۋسي» بەدەلدى ادەبيەت سىيلىعى بەرىلدى، ەندى ول رف جازۋشىلار وداعى مۇشەلەرىنىڭ قاتارىنا ەندى. بۇل تۋرالى يتار-تاسس حابارلادى.

 «زولوتوە پەرو رۋسي» پرەزيدەنتى، قۇرىلتايشىسى جانە ٴادىلقازىلار ٴتوراعاسى سۆەتلانا ساۆيسكايا «كارينا بۇل سىيلىققا لايىق، ول وقىرماندارىن ٴوزىنىڭ تۋىندىلارىمەن قۋانتا بەرەدى دەپ سەنەمىن»، دەپ اتاپ ٴوتتى. ساۆيسكايا الماتىدا قازاقستاندىق جازۋشىعا تازا التىننان جاسالعان توسبەلگىنى تاقتى.

"زولوتوە پەرو رۋسي" سىيلىعىنا كونكۋرس جىل سايىن ادەبيەت الەمىندەگى جاڭا ەسىمدەر مەن دارىنداردى انىقتاۋ ماقساتىندا وتكىزىلەدى. وعان الەمدەگى 50 ەلدەن اۆتورلار قاتىسادى.

سارسەنوۆانىڭ تۋىندىلارى رەسەيلىك كىتاپ سورەلەرىندە وتكەن جىلى پايدا بولدى. بىرنەشە تۋىندىلارىن جاريالاۋعا وعان رەسەيلىك ٴىرى باسپا وكىلى ۇسىنىس بەرگەن ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي