BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان جازۋشىلار وداعىنىڭ جاڭا جارعىسى قابىلداندى

الماتى، baq.kz ٴتىلشىسى. الماتىدا وتكەن قازاق جازۋشىلارىنىڭ ٴى پلەنۋمىندا قالامگەرلەرگە تۇزەتۋلەر ەنگىزىلگەن وداقتىڭ جاڭا جارعىسى تانىستىرىلىپ، كوپشىلىكتىڭ كەلىسىمىمەن ٴبىراۋىزدان قابىلداندى.

القالى جيىن بارىسىندا قازاقستان جازۋشىلار وداعى باسقارماسى ٴتوراعاسىنىڭ ٴبىرىنشى ورىنباسارى اقبەرەن ەلگەزەك كوپشىلىكتى جاڭادان دايىندالعان جارعىنىڭ مازمۇنىمەن تانىستىرىپ ٴوتتى.

«قازاقستان جازۋشىلار وداعىنىڭ 2018 جىلدىڭ 12 ناۋرىزىندا وتكەن iv قۇرىلتاي شەشىمىنىڭ 6 شى تارماعىنا جانە «قازاقستان جازۋشىلار وداعى» رەسپۋبليكالىق قوعامدىق بىرلەستىگى جارعىسىنىڭ 7.3.2. ٴشى تارماعىنا سايكەس وزگەرىستەر مەن تولىقتىرۋلار ەنگىزىلدى. بىرىنشىدەن، قولدانىستاعى جارعىمىز كوپ وزگەرگەن جوق، جارعىنىڭ 80 پايىزى سول قالپى قالدى. ەكىنشىدەن، زاڭگەرلەرمەن جۇمىس ىستەۋ بارىسىندا قر «كوممەرسيالىق ەمەس ۇيىمدار تۋرالى» زاڭىنىڭ كەيبىر تالاپتارىنا ٴبىزدىڭ ٴبىرقاتار باپتارىمىز سايكەس ەمەس ەكەندىگى انىقتالدى»، -دەدى ول.

ونىڭ ايتۋىنشا، جارعىداعى زاڭعا سايكەس كەلمەيتىن تۇستارى ەرتەڭ جازۋشىلار وداعى قىزمەتىنە كەرى اسەر ەتپەك. سول سەبەپتەن، قولدانىستاعى جارعى قر «كوممەرسيالىق ەمەس ۇيىمدار تۋرالى» زاڭىنىڭ تالاپتارىنا بارىنشا سايكەستەندىرىلگەن

«ەندى جارعىمىزعا قانداي جاڭا باپتار مەن تارماقتار كىرىپ وتىرعاندىعىن جانە قاي باپتارىنا وزگەرىستەر ەنگەنىنە توقتالسام. 1 باپ بويىنشا 1.2. تارماقتا قازاقستان جازۋشىلار وداعىنىڭ اعىلشىن تىلىندەگى اتاۋى قوسىلدى. تولىق – republican public association "union of writers of qazaqstan" دەگەن جازۋ قوستىق. لاتىنشا جازىلعان اتاۋىن ازىرگە ەنگىزگەن جوقپىز. سەبەبى، وزدەرىڭىز بىلەسىزدەر لاتىن الىپبيىنە قاتىستى مامانداردىڭ ناقتى شەشىمى ٴالى شىققان جوق. ونى ەلىمىزدىڭ جالپى قۇجاتتاماسى لاتىن الىپبيىنە كوشكەن سوڭ، وزگەرتەتىن بولامىز»، - دەيدى ا. ەلگەزەك.

سونداي-اق ول، 1.9. تارماقتا جازۋشىلار وداعىنىڭ رەسمي باسىلىمدارى بەلگىلەندىگىن، «قازاق ادەبيەتى» گازەتى، «جۇلدىز» جانە «پروستور» جۋرنالدارى جازۋشىلار وداعىنىڭ رەسمي باسىلىمدارى ەكەندىگىن جەتكىزدى.

«قازاقستان جازۋشىلار وداعىنىڭ رەسمي باسىلىمدارىمەن قاتار، ٴوزىنىڭ جەكە رەسمي ۆەب-سايتى، الەۋمەتتىك جەلىلەردەگى رەسمي اككاۋنتار مەن باسقا دا ينتەرنەت قۇرالدارى بولادى. بۇل تارماق قولدانىستاعى جارعىنىڭ 1 بابىندا جوق ەدى. ٴبىز بۇل تارماقتى تايعا تاڭبا باسقانداي قىلىپ، ادەيى قوسىپ وتىرمىز. ويتكەنى، وداق باسىلىمدارىنا قاتىستى ٴار كەزدە ٴارتۇرلى ارەكەتتەر بولعانىن سىزدەر جاقسى بىلەسىزدەر. بىلايشا ايتقاندا، بولاشاقتا سونداي ىس-ارەكەتتەر بولىپ جاتسا دەگەن ويمەن مۇنىڭ الدىن الىپ وتىرمىز. ەندى بۇل باسىلىمدارعا بىرەۋ قۇدا ٴتۇسىپ جاتسا، وندا ەڭ الدىمەن جارعىنى وزگەرتۋى كەرەك بولادى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي