BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق جازۋشىلارىنىڭ شىعارمالارى تۇرىكشەگە اۋدارىلدى

انكارا قالاسى كەچيورەن اۋدانىنىڭ باستاماسىمەن قازاق جازۋشىلاردىڭ شىعارمالارى تۇرىك تىلىنە اۋدارىلدى، دەپ حابارلايدى ۆaq.kz اقپارات اگەنتتىگى.

الماتىداعى ۇلتتىق كىتاپحانادا 5 قازاق جازۋشىسىنىڭ تۇرىك تىلىنە اۋدارىلعان شىعارمالارىنىڭ تۇساۋكەسەرى بولدى. اتالعان شىعارمالاردى تۇرىكشەگە اۋدارۋعا انكارا قالاسى كەچيورەن اۋدانى مەن تۇركياداعى قازاقستاننىڭ ەلشىلىگى مۇرىندىق بولعان. سالتاناتتى شاراعا كەچيورەن اۋدانى گۋبەرناتورى مۇستافا اك باستاعان انكارالىق دەلەگاسيا قاتىستى.

تۇرىك تىلىنە اۋدارىلعان تۋىندىلار اراسىندا سۇلتانماحمۇت تورايعىروۆتىڭ «قامار سۇلۋى» ، سپانديار كوبەەۆتىڭ «قالىڭمالى»، ٴمىرجاقىپ دۋلاتتىڭ «باقىتسىز جامالى»، تايىر جومارتباي ۇلىنىڭ «قىز كورەلىگى»، بەردىبەك سوقپاقبايەۆتىڭ «مەنىڭ اتىم قوجاسى» بار.

كەچيورەن گۋبەرناتورى مۇستافا اك مىرزانىڭ ايتۋىنشا، قازاقستان ۇلتتىق كىتاپحاناسىمەن بىرلەسە وتىرىپ، بىرنەشە تاريحي-ادەبي شىعارما تۇرىكشەگە اۋدارىلاتىن كورىنەدى.

تۇركيا مەملەكەتىنىڭ قازاقستانداعى باس كونسۋلى رىزا قاعان يىلماز بەي بۇگىن تۇساۋى كەسىلگەن 5 تۋىندىنىڭ ەندىگى تۇرىك وقىرمانىنا جول تارتقانىن جەتكىزدى.

«قازاق پەن تۇرىك – باۋىرلاس حالىق. ەكى ەلدىڭ اقىن-جازۋشىلارىنىڭ شىعارماشىلىعىن بىر-بىرىنە تانىتۋ ارقىلى تاريحي جانە رۋحاني بىرلىگىمىزدى كۇشەيتەمىز. وسى ماقساتتا، بىرنەشە تۇرىك جازۋشىسىنىڭ تۋىندىلارى قازاقشاعا اۋدارىلدى. قازاقستاننىڭ لاتىن الىپپەسىنە كوشۋگە شەشىم قابىلداۋى دا – ٴتىلى، ٴدىلى، ٴدىنى ٴبىر تۇركىلەردىڭ بىرلىگىن نىعايتۋعا سەپ»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي