BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

«قازاق پەن كلۋبىنىڭ» جاڭا لاۋرەاتتارى بەلگىلى بولدى

استانا، baq.kz. جىل سوڭىندا شىعارماشىلىق ۇجىمنىڭ جىلدى قورىتىندىلاعان جالپى جينالىسى بولىپ ٴوتتى. اتقارىلعان جۇمىستارعا تولىققاندى باعا بەرىلدى، الداعى مىندەتتەر سارالاندى. كلۋب مۇشەلەرى تولعاقتى ويلارىن ورتاعا سالدى.

«قازاق پەن كلۋبىنىڭ» تىكەلەي ارالاسۋىمەن جانە قارجىلىق دەمەۋشىلىگىنىڭ ارقاسىندا شەتەلدەن جارىق كورگەن قازاق قالامگەرلەرىنىڭ شىعارمالارى تۋرالى پىكىرلەرى جينالعانداردىڭ كوڭىلدەرىنەن شىقتى. بۇل باستاما الداعى ۋاقىتتا دا جالعاسىن تاپسا دەگەن نيەتتەرىن ٴبىلدىردى. ەندىگى كەزەكتە شەت تىلىنە اۋدارىلاتىن تۋىندىلار الدىن الا تالقىلاۋدان وتكىزىلەتىن بولىپ شەشىلدى.

قوعامدىق بىرلەستىك ٴتوراعاسى ب. عابدۋللين جىل ىشىندە اتقارىلعان جۇمىستارعا ەسەپ بەردى. ەسەپ بىرلەستىك مۇشەلەرى تاراپىنان قاناعاتتانارلىق دەپ باعالانىپ، كوپشىلىك داۋىسپەن ب. عابدۋللين ٴتوراعالىققا قايتا سايلاندى.

وتىرىستىڭ قىزىعى پەن-كلۋبتىڭ ٴداستۇرلى لاۋرەاتتارىن انىقتاۋ ەدى. التى-جەتى قالامگەردىڭ شىعارماشىلىق الەۋەتى، شىعارمالارىنىڭ بۇگىنگى كۇن تالاپتارىنا ساي كەلۋى جانە وقىرمانداردىڭ تالعام-تارازىسىنان ٴوتۋى دەگەن سەكىلدى كريتەرييلەر جان-جاقتى سارالاندى. قورىتىندىسىندا جازۋشى قۋانىش جيەنباي مەن ورىس تىلىندە جازاتىن قالامگەر، اۋدارماشى اسلان جاقسىلىقوۆ «م. اۋەزوۆ»، «م. ماقاتايەۆ» مەدالدارىمەن ماراپاتتالىپ، سىيلىقتىڭ لاۋرەاتتارى دەپ تانىلدى. ارىپتەستەرگە شىعارماشىلىق تابىستار تىلەيمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي