BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

​​​​​​​«قازاق پەن قالا» پروزا بايقاۋى

رەسپۋبليكالىق «جاس الاش» گازەتى مەن «التىن قالام» قورى، قازاقستان جازۋشىلار وداعى بىرلەسىپ، الماتى قالالىق اكىمدىگىنىڭ ىشكى ساياسات باسقارماسىنىڭ قولداۋى جانە قارجىلاندىرۋىمەن قالا پروزاسىنا ارنالعان «قازاق پەن قالا» رەسپۋبليكالىق بايقاۋىن جاريالايدى. قالا پروزاسىنا ارنالعان بايقاۋ قازاقستاندا تۇڭعىش رەت وتكەلى وتىر.

«قازاق پەن قالا» پروزالىق بايقاۋىنىڭ ەرەجەسى

بايقاۋدىڭ ماقساتى: قازاق پروزاسىندا ٴبىرلى-جارىم شىعارمالار بولماسا، قالانىڭ كۇندەلىكتى تىنىس-تىرشىلىگى مەن قالا ادامدارىنىڭ ويلاۋ جۇيەسى، دۇنيەتانىمى مەن مادەنيەتى، قازاقتىڭ قالاعا بەيىمدەلۋى ماسەلەلەرى ٴالى كۇنگە تولىق قامتىلماي كەلە جاتقان تاقىرىپ. بايقاۋدىڭ نەگىزگى ماقساتى – سوڭعى جىلدارى ٴجيى كوتەرىلىپ جۇرگەن وسى ماسەلەگە ­– قازاق ادەبيەتىنىڭ قالا پروزاسى جانرىن دامىتۋعا ۇلەس قوسۋ.

بايقاۋدىڭ مىندەتى:

جازۋشىلارعا شىعارماشىلىق قولداۋ كورسەتۋ;

قازاق پروزاسىنىڭ تاقىرىپتىق اۋقىمىن كەڭەيتۋ;

قازاق جازۋشىلارىن قالا تاقىرىبىن يگەرۋگە ىنتالاندىرۋ;

بۇگىنگى زامانعى قالا كەلبەتى مەن تىنىس-تىرشىلىگىن ادەبي شىعارمالار ارقىلى تاريحتا قالدىرۋ.

بايقاۋدىڭ شارتتارى: بايقاۋعا قاتىسۋشىلار ادەبيەت پەن مادەنيەتتىڭ ورتالىعى – الماتىنىڭ بۇگىنگى تىنىس-تىرشىلىگى مەن ونداعى تۇرعىنداردىڭ قيلى تاعدىرلارىن سۋرەتتەگەن پروزالىق شىعارمالارىن جولداي الادى;

بايقاۋ، جالپى، قالا پروزاسىنا ارنالعاندىقتان، قالا اتىنىڭ ناقتى اتالۋى شارت ەمەس;

پروزالىق شىعارمانىڭ كولەمىنە (اڭگىمە، پوۆەست، رومان) شەكتەۋ قويىلمايدى;

بايقاۋعا ۇسىنىلعان شىعارما بۇرىن ەشقايدا جاريالانباعان بولۋى ٴتيىس;

بايقاۋعا قاتىسۋشىلاردىڭ جاسىنا شەكتەۋ قويىلمايدى;

شىعارمالار 5 قىركۇيەكتەن باستاپ 30 قاراشاعا دەيىن قابىلدانادى.

بايقاۋ جەڭىمپازدارىن ەلگە بەلگىلى ادەبيەتشىلەر مەن اقىن-جازۋشىلاردان قۇرىلعان قازىلار القاسى انىقتايدى.

بايقاۋعا ۇسىنىلعان شىعارمالاردى باعالاۋ كەزىندە ولاردىڭ:

كوركەمدىك دەڭگەيىنىڭ جوعارى بولۋى;

قالا پروزاسى جانرىنا قويىلاتىن تالاپتارعا ساي بولۋى;

قالا ادامىنىڭ پسيحولوگياسى مەن قالا كورىنىستەرىنىڭ سەنىمدى سۋرەتتەلۋى;

ارىپتىك جانە ستيلدىك قاتەلىكتەردىڭ بولماۋى تالاپ ەتىلەدى.

تالاپقا ساي ەمەس نەمەسە كوركەمدىك دەڭگەيى تومەن شىعارمالار ىرىكتەۋدەن وتپەيدى.

بايقاۋعا ۇسىنىلاتىن شىعارمالاردىڭ تاقىرىپتىق اۋقىمى:

بايقاۋ قاتىسۋشىلارىنا تاقىرىپتىق شەكتەۋ قويىلمايدى. قالا، ۋربانيزاسيا، ۋربانيستىك مادەنيەت تاقىرىبىنا ارنالعان كەز كەلگەن شىعارما قابىلدانادى.

سونىڭ ىشىندە:

قازاق پەن قالا;

الماتى – تاۋەلسىزدىكتىڭ التىن بەسىگى;

تاريح تولقىنىنداعى قالا;

بۇگىنگى قالا تىرشىلىگى;

قالاداعى جاستار ٴومىرى;

قازاقتىڭ قالاعا بەيىمدەلۋى;

ۋربانيزاسيا;

قالا مادەنيەتى;

قازاق ۇعىمىنداعى قالا مەن شىنايى ومىردەگى قالا («قالا – قازاققا جاۋ»; «قالا – قازاققا جاناشىر» ت.ب.);

قالادا تۋىپ، قالادا وسكەن ادامداردىڭ بەينەسى;

اۋىلدا تۋىپ، قالادا وسكەن ادامداردىڭ بەينەسى;

قىلمىستى قالا (دەتەكتيۆ) ت.ب.

بايقاۋعا قاتىسۋ ٴۇشىن: شىعارمالار كومپيۋتەردە تەرىلىپ، times new roman ٴقارپى، 14 كەگل ولشەمى بويىنشا (1 جولارالىق ولشەم) جازىلىپ، ەلەكتروندى نۇسقادا ٴتيىستى مەكەنجايعا جولدانادى;

قاتىسۋشى ٴاتى-جونى، تۇرعىلىقتى مەكەنجايى، تەلەفون ٴنومىرى، ەلەكتروندى ادرەسى، ٴومىربايانى مەن شىعارماشىلىعى تۋرالى قىسقاشا اقپاراتتى ەلەكتروندى نۇسقادا قوسا جولداۋى ٴتيىس.

«قازاق پەن قالا» رەسپۋبليكالىق بايقاۋىنىڭ جۇلدە قورى:

1-ورىن – 1 ميلليون (1 000 000) تەڭگە;

2-ورىن – 500 مىڭ (500 000) تەڭگە;

3-ورىن – 300 مىڭ (300 000) تەڭگە;

ارنايى سىيلىقتار – 200 مىڭ (200 000) تەڭگە;

ىنتالاندىرۋ سىيلىقتارى – 100 مىڭ (100 000) تەڭگە.

قوسىمشا اقپارات: بايقاۋدى ٴادىل تۇردە وتكىزۋ ماقساتىندا بارلىق تالاپتارعا ساي جازىلعان شىعارمالاردى وقىرماندار «جاس الاش» گازەتىنەن وقي الادى. جوعارىدا كورسەتىلگەن ولشەمگە سايكەس، التى بەتتەن اسپايتىن شىعارمالار گازەت بەتىنە، التى بەتتەن اساتىن شىعارمالار گازەت سايتىنا جاريالانىپ وتىرادى. بۇل ٴوز كەزەگىندە قازىلار القاسىنىڭ ٴادىل شەشىم شىعارۋىنا جانە بايقاۋدىڭ اشىق تۇردە وتكىزىلۋىنە ىقپال ەتەدى.

بايقاۋ جەڭىمپازدارى انىقتالعان سوڭ، بايقاۋعا قاتىستىرىلعان (گازەتتە جاريالانعان) بارلىق شىعارمالار جيناقتالىپ، پروزالىق جيناق شىعادى.

ۇمىتكەرلەر شىعارمالارىن «قازاق پەن قالا» بايقاۋىنا قاتىسۋ ٴۇشىن!» دەگەن ەسكەرتپەمەن zhasalash2017@gmail.com ەلەكتروندى پوشتاسىنا جولدايدى.

بايقاۋ قورىتىندىسى ماراپاتتاۋ راسىمىندە عانا جاريالانادى. ماراپاتتاۋ تاۋەلسىزدىك كۇنى قارساڭىندا الماتى قالاسىندا وتەدى (وزگەرىستەر بولسا ارنايى حابارلانادى). بايقاۋ جەڭىمپازدارى انىقتالعان سوڭ، اۆتورلار جەكە حابارلاندىرىلادى.

مەكەنجايىمىز:

050044، الماتى قالاسى

دوستىق داڭعىلى 97/ب ٴۇي، 7/3 كەڭسە

رەسپۋبليكالىق «جاس الاش» گازەتى

تەلەفوندار:

قابىلداۋ ٴبولىمى – 8(727) 346-89-54

ەلەكتروندى پوشتا: zhasalash2017@gmail.com


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي