BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ٴتىلىنىڭ ٴبىرتومدىق ۇلكەن تۇسىندىرمە سوزدىگى جارىققا شىقتى

استانا. 18 جەلتوقسان. baq.kz - بۇگىن استانادا قر ۇلتتىق اكادەميالىق كىتاپحاناسىندا قر مادەنيەت جانە اقپارات ٴمينيسترى مۇحتار قۇل-مۇحاممەد قازاق ٴتىلىنىڭ ٴبىرتومدىق ۇلكەن تۇسىندىرمە «قازاق سوزدىگىنىڭ» تۇساۋكەسەر ٴراسىمىن وتكىزدى. 

اتالمىش سوزدىك تىلدەردى قولدانۋ دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى اياسىندا جارىققا شىعىپ وتىر.

«2011 جىلى قازاق ٴتىلىنىڭ 15 تومدىق تۇسىندىرمە سوزدىگى شىقتى. ٴبىز قازاقستاندا تۇڭعىش رەت 150 مىڭنان استام ٴسوز بەن ٴسوز تىركەسىنىڭ ۇلكەن رەەسترىن قۇراستىردىق. ماسەلەن، قىرعىز اعايىنداردىڭ شىعارعان 2 تومدىق تۇسىندىرمە سوزدىگىندە 50 مىڭنان استام عانا ٴسوز بەن ٴسوز تىركەسى بار ەكەن. وزبەكتەردىڭ 5 تومدىق تۇسىندىرمە سوزدىگىنە 80 مىڭعا جۋىق ٴسوز بەن ٴسوز تىركەسى ەنگەن. ىستامبۇلدا ابدەن تولىقتىرىلعان ٴ11-شى رەداكسيامەن شىققان تۇرىك ٴتىلىنىڭ تۇسىندىرمە سوزدىگىنە 92 مىڭ اتاۋ ٴسوز كىرگەن، ٴسوز تىركەستەرىن قوسا ەسەپتەگەندە 130 مىڭنىڭ ماڭايىندا شىعادى. وسى 15 تومدىقتىڭ سىعىمدالعان 1 تومدىق ۇلگىسى بۇگىن جارىق كورىپ وتىر. بۇل سوزدىكتە 106 مىڭ اتاۋ ٴسوز بەن 48 300 ٴسوز تىركەسى قامتىلىپ وتىر. بۇل قازاق ٴتىلى دۇنيەجۇزىنىڭ 30-دان استام حالىقتارىنىڭ تىلدەرى ىشىندە ەڭ باي ٴتىل ەكەندىگىن دالەلدەيتىن باسىلىم»، - دەدى مينيستر.

ەلباسى ن.نازاربايەۆ وسى سوزدىككە بەرگەن العىسوزىندە: «ٴتىل - ۇلتپەن بىرگە جاساپ، تولاسسىز تولىعىپ وتىراتىن قۇبىلىس. قولدارىڭىزعا ۇستاپ «قازاق سوزدىگى» - ٴبىزدىڭ مەملەكەتتىك ٴتىلىمىزدىڭ تۇركى تىلدەر توبىنداعى ەڭ باي ٴتىل ەكەندىگىن ايعاقتايتىن بىرەگەي باسىلىم» دەپ باعا بەردى.

«قازاق سوزدىگىن» ٴتۇزۋ وتاندىق جانە الەمدىك داستۇرلەرگە جانە تەوريالىق زەرتتەۋلەرگە سۇيەنىپ جاسالعان. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي