BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق سپورتىندا قالىپتاسقان تەرىس ٴداستۇر — لەگيونەر

استانا. 9 مامىر. baq.kz. سپورتقا سىرتتان كەلىپ قوسىلعان سپورتشىلار، ياعني، ررلەر ەشقاشان نازاردان تىس قالعان ەمەس. قازىرگى سپورت سالاسىندا كەڭ ەتەك جايىپ تۇرعان «لەگيونەر شاقىرتۋ» قۇبىلىسىن ەلىمىزدە توقتاتۋدى سۇراعاندار دا تابىلعان. ٴبىراق حالىقارالىق دودالاردا قازاقستاننىڭ اتىنان سىنعا تۇسەتىن شەتەلدىك سپورتشىلار ٴالى كۇنگە دەيىن ازايعان جوق. تالاي اڭگىمەگە ارقاۋ بولعان لەگيونەرلەر ماسەلەسى تاياۋدا پارلامەنت ماجىلىسىندە ٴسوز بولدى. 

«بىزگە وسىنداي سپورت كەرەك پە؟»

ارينە، شەت مەملەكەتتەردەن سپورتشىلار شاقىرۋ الەمدىك سپورت سالاسىندا قالىپتاسقان قۇبىلىس. ٴقازىر سىرتتان لەگيونەرلەردى تارتۋ ەشكىمگە دە تاڭسىق ەمەس. الايدا ٴبىزدىڭ ەلىمىزدە لەگيونەرلەرگە كورسەتىلەتىن «قۇرمەتتىڭ» تىم جوعارى بولۋى حالىق قالاۋلىلارىنىڭ دا اشۋىن تۋعىزعان ٴتارىزدى. پارلامەنت ماجىلىسىندە مادەنيەت جانە سپورت ٴمينيسترى ارىستانبەك مۇحامەدي ۇلىنىڭ قاتىسۋىمەن وتكەن ۇكىمەت ساعاتىندا ٴماجىلىس دەپۋتاتى مۇحتار تىنىكەەۆ «لەگيونەرلەردىڭ جالاقىسىن رەتتەۋ كەرەك» دەپ كەسىپ ايتتى. «كەشە سەمەيدە قازاقستان چەمپيوناتى اياقتالدى، وعان 350-گە تارتا قازاقستاندىق سپورتشى قاتىستى. وعان دەيىن ٴبىر اپتا بۇرىن قاراعاندىدا «nomad مما» چەمپيوناتى دا وتكەن بولاتىن. وسىنىڭ بارىنە ٴبىر تيىن دا مەملەكەتتىك قولداۋ بولعان جوق. ال ەندى باسقا سپورت تۇرلەرىن قاراپ كورەيىكشى: ماسەلەن، ارشاۆينگە ميلليون دوللاردان استام جالاقى تولەنگەلى وتىر. جىلىنا ميلليون دوللاردان اسادى. ايىنا 30 مىڭ دوللار الاتىن لەگيونەرلەر بار. ال بىزگە وسىنداي فۋتبول كەرەك پە؟ بۇل قاراجات نەگە بالالار سپورتىنا جولدانبايدى»، – دەگەن ويىن ٴبىلدىردى دەپۋتات مينيسترگە قاراتا. ايتا كەتەيىك، ۇكىمەت ساعاتىنداعى دەپۋتات مۇحتار تىنىكەەۆتىڭ ٴارشاۆيننىڭ جالاقىسىنا قاتىستى ويىنان كەيىن «قايرات» كلۋبى جاۋاپ قايتاردى. كلۋبتىڭ رەسمي سايتىندا جاريالانعان دەرەككە سۇيەنسەك، «قايراتتىڭ» بىردە-بىر ويىنشىسى مۇنداي جالاقى المايدى ەكەن. «اندرەي ٴارشاۆيندى كوماندانىڭ حالىقارالىق تاجىريبەسىن بايىتادى دەگەن سەنىممەن الدىق. ول قازاقستان فۋتبولىنىڭ اتىن شەتەلدىك ارەنادا شىعارادى دەپ ويلايمىز. سوڭعى ۋاقىتتا ارشاۆين كەلگەلى فۋتبول ماتچتارىنا كەلەتىندەر سانى كوبەيگەن. سونداي-اق، مۇحتار باكىر ۇلىنا ايتارىمىز، «قايرات» – ەلدەگى بالالار فۋتبولىنا باسا ٴمان بەرەتىن جالعىز كلۋب. سوڭعى ٴۇش جىلدا بالالار مەن جاسوسپىرىمدەرگە ارنالعان ەكى اكادەميا سالدى. وعان حالىقارالىق دايىندىق جۇيەسىن ەنگىزدى. س.پ. كۆوچكين اتىنداعى بالالار اكادەمياسى 2 گەكتار اۋماقتا ورنالاسقان. مۇندا 7-13 جاسقا دەيىنگى بالالار وقيدى. سوڭعى ٴۇش جىلدا «قايرات» فۋتبول كلۋبى 14 فۋتبول الاڭىن، 6 دايىندىق ورتالىعىن، 2 جابىق فۋتبول الاڭىن سالۋعا مۇرىندىق بولدى»، – دەپ جاۋاپ­ قاتتى «قايرات» كلۋبىنىڭ وكىلدەرى.
ال دەپۋتات فۋتبولداعى لەگيو­نەر­لەردى عانا سىنعا الىپ قويعان جوق، كىل سىرتتان كەلگەن سپورتشىلاردان جاساقتالعان «بارىس» حوككەي كلۋبىن دا اتاپ ٴوتتى. «بارىس» حوككەي كلۋبىندا جالعىز قازاق دامير رىسپايەۆ، ونىڭ ٴوزى مۇز ايدىنىنا توبەلەسۋ ٴۇشىن شىعادى. ەكى حوككەيشى ماۋسىمداعى مالىمەت بويىنشا جىلىنا 1 ميلليون 300 مىڭ دوللاردان 1،8 ميلليون دوللارعا دەيىن جالاقى الادى. ٴتورت حوككەيشى 900 مىڭ دوللاردان 1،3 ميلليون دوللارعا دەيىن. ٴبىر ادام! ەلەستەتىپ كورىڭىزدەر! نەگە؟ بىزگە مۇنداي سپورتتىڭ نە كەرەگى بار؟ بۇعان جاۋاپ بەرەتىن ادامدار شەشىم جاساسىن!»، – دەدى دەپۋتات. راسىندا دا، ٴدال وسى سپورت ٴتۇرى بويىنشا ەسىمى ەل اۋزىندا جۇرگەن قازاق حوككەيشىلەرى جوقتىڭ قاسى. 2015 جىلعى الەم چەمپيوناتىنداعى ۇلتتىق قۇرامادا ٴبىر عانا قازاق حوككەيشىسى ونەر كورسەتكەنى بەلگىلى. قازاقستاندىق حوككەي كوماندالارىنىڭ قاتارىندا شەتەلدىك لەگيونەرلەر كوپ. رەسەي، اقش، كانادا سىندى مەملەكەتتەردىڭ حوككەيشىلەرى ٴالى دە وتاندىق كوماندالار ساپىندا. ٴتىپتى، ولاردىڭ كوپشىلىگى قازاقستان ازاماتتىعىن الىپ العان. الايدا ولاردىڭ قازاقستاندىق حوككەي قۇراماسى ٴۇشىن قانشالىقتى جان بەرىپ وينايتىنى كوپشىلىككە بەيمالىم. وزگە ەلدىڭ ازاماتى قازاق حوككەيىن شىرقاۋ بيىككە كوتەرەدى دەگەن سەنىمنەن گورى كۇمان كوبىرەك.


لەگيونەرلەر جەتىستىگى – ۋاقىتشا ناتيجە

حالىق قالاۋلىلارى لەگيونەرلەرگە تولەنەتىن جالاقىنى رەتكە كەلتىرۋ ارقىلى بالالار سپورتىنا قارجى ٴبولىپ، اۋىلداعى سپورتتى دامىتۋدى قولعا الۋ قاجەتتىگىن تىلگە تيەك ەتتى. بۇل ماسەلە بيىك مىنبەردەن ٴبىرىنشى رەت ەستىلىپ جاتقان جوق. بۇعان دەيىن دە سپورتتاعى لەگيونەرلەر ماسەلەسىن دەپۋتاتتار تالاي رەت قوزعاعان. ٴبىراق «باياعى جارتاس – سول جارتاس». لەگيونەرلەر ماسەلەسىن بايىپپەن قاراۋعا مينيسترلىك تە، جاۋاپتى سالا ماماندارى دا ق ۇلىقسىز سەكىلدى. قىرۋار قارجىنى شىعىنداپ شەتەلدەن لەگيونەرلەردى اكەلگەننەن گورى ٴوز سپورتشىلارىمىزدى تاربيەلەگەن الدەقايدا ٴتيىمدى ەكەندىگىنە لاۋازىمدى جانداردى ٴالى دە سەندىرە الماي كەلەمىز. وسى ۋاقىتقا دەيىن سان مارتە شۋ تۋعىزعان سىرتتان كەلەتىن سپورتشىلار ماسەلەسى سونىڭ ايعاعى. لەگيونەرلەرگە وسى ۋاقىتقا دەيىن تولەگەن ميلليونداعان قاراجاتقا بۇگىندە قانشاما اۋىل-ايماقتاردا سپورت ورتالىقتارى سالىنىپ، جۇزدەگەن، مىڭداعان بالالاردى سپورتقا تاربيەلەۋگە مۇمكىندىك تۋار ەدى. اۋىلدا وسكەن قازاق بالاسىنىڭ سپورتقا بەيىم ەكەندىگىن كانىگى ماماندار دا، قاراپايىم جۇرت تا ايتۋدان جالىققان ەمەس. تەك سول بالالاردى ارى قاراي شىڭداپ، كاسىبي سپورتقا باۋليتىن ورتالىقتار مەن مەكتەپتەر قاجەت.
شەتەلدەن اتتاي قالاپ اكەلىپ جاتقان جالدامالى سپورتشىلار حالىقارالىق دەڭگەيدە ۇزدىك ونەر كورسەتىپ جۇرگەن جۇزدەن جۇيرىكتەر بولسا، مۇنشالىقتى قارسىلىق تانىتىلماس پا ەدى، كىم ٴبىلسىن؟! ٴبىراق لەگيونەرلەردىڭ باسىم كوپشىلىگىن شەت جۇرتتا ەشكىم دە تانىمايدى. ال قازاقستان سول سپورتشىلاردى كوككە كوتەرىپ، توردەن ورىن ۇسىنادى. سودان كەيىن ٴوز سپورتشىلارىمىز وزگەلەرگە جالتاقتاپ جۇرەدى. لەگيونەرلەرگە قاراپ بوي تۇزەۋگە تىرىسقان جاس تالانتتار دا كورىنە قويار ەمەس. ٴبىر كەزدەرى كەيبىر سپورت تۇرىندەگى جەتىستىكتەر مەن جەڭىستەرگە ٴىشىنارا لەگيونەرلەردىڭ ارقاسىندا قول جەتكىزگەنىمىز راس. دەگەنمەن، ٴقازىر كوك تۋىمىزدى تومەن تۇسىرمەيتىن ٴوز سپورتشىلارىمىز بار ەمەس پە؟ سوندىقتان بولار، 2013 جىلى سپورت جانە دەنە شىنىقتىرۋ اگەنتتىگى قازاقستان سپورتىنداعى شەتەلدىك جالدامالى سپورتشىلاردىڭ سانى قىسقارتىلاتىندىعىن ايتىپ، جۇرتتى ٴبىر قۋانتقان. وكىنىشكە قاراي، بارلىق سپورت تۇرلەرى بويىنشا اۋەلى وبلىستىق كوماندالاردا لەگيونەرلەر سانىن ازايتىپ، بىرتە-بىرتە ۇلتتىق قۇراما كوماندالاردى قولعا الۋعا ۋادە بەرگەن اگەنتتىك تە سوزىندە تۇرا المادى.
جالپى، قازاقستاندا وزگە ەلدەن سپورتشى شاقىرۋ ٴۇردىسى 90-جىلداردان باستاۋ العان. العاشىندا ەلىمىزدىڭ اۋىر اتلەتيكا فەدەراسياسى سىرتتان لەگيونەرلەردى الدىرۋعا قاتتى اۋەس بولاتىن. ويتكەنى ەلىمىزدە ەڭ كوپ لەگيونەرلەردى شاقىرىپ، مارتەبەلەرىن كوتەرگەن اۋىر اتلەتيكا ەكەن. فەدەراسيا قۇرامىنا كەلىپ، قازاقستان ازاماتتىعىن العان ەدۋارد تيۋكين، ۆياچەسلاۆ ەرشوۆ، اللا ۆاجەنينا، سۆەتلانا پودوبەدوۆا سەكىلدى رەسەيلىك زىلتەمىرشىلەردىڭ جەتىستىكتەرىن اتاپ وتۋگە ٴتيىسپىز. ودان كەيىن قىتايلىق ٴزۇلفيا چينشانلو مەن مايا مانەزا دا قورجىنىمىزدى مايلادى. شەتەلدىك سپورتشىلاردى تارتۋ ارقىلى جەتىستىككە قول جەتكىزگەن اۋىر اتلەتيكا فەدەراسياسىنىڭ بۇل قادامى كەيىن وزگە سپورت سالالارىن دا دەندەي باستادى. تەننيس، كۇرەس، فۋتبول، ۆەلوسپورت سىندى سپورتتا «قازاقستاننىڭ جاڭا ازاماتتارى» كوبەيە باستادى. ٴبىراق بارلىق فەدەراسيانىڭ قادامى تابىستى بولدى دەپ ايتا المايمىز. اسىرەسە، تەننيستە رەسەيدىڭ ەكىنشى دەڭگەيلى ويىنشىلارىن ەلگە الدىرىپ، سول ٴۇشىن قازىنادان قىرۋار قارجى بولگەنىمىزبەن، ناتيجە كوڭىل كونشىتەرلىكتەي بولا قويمادى. نە كەرەك، قازاققا ەتەنە جاقىن سپورت ٴتۇرى – كۇرەستەن دە سىرتتاعىلاردى سىناپ كوردىك. قازاقتىڭ بىلەكتى ٴھام جۇرەكتى جىگىتتەرى تۇرعاندا لەگيونەرلەر جاستارعا ۇلگى بولادى دەگەن تىم ورەسكەل ۇستانىم ەكەنىن ەسكەرگەندەر ساۋساقپەن سانارلىق. لەگيونەرلەردى شاقىرتۋعا قۇمارلاردىڭ ايتار ٴۋاجى بىرەۋ – قازاقستاننىڭ حالىقارالىق بەدەلىن كوتەرۋ، ٴيميدجىن قالىپتاستىرۋ دەگەن سىلتاۋ. جاساندى بەدەل الىپ ەلگە ابىروي بولا قويماسىن ەسكەرگەندەر دە تىم از. 2008 جىلى وتكەن بەيجىڭ وليمپياداسى كەزىندە باپكەرلەردىڭ اقجۇرەك تاڭاتاروۆتىڭ ورنىنا ياكۋت لەونيد سپيريدونوۆتى جىبەرگەنى ٴالى دە ەستە. كۇرەس فەدەراسياسى ٴدال وسى بايراقتى باسەكەدە رەسەيدەن شاقىرتىلعان تايمۋراز تيگيەۆ ٴۇشىن نۇرجان قاتايەۆتىڭ سپورتتاعى تاعدىرىن قۇربان قىلعان. فەدەراسيا باسشىلارى قازاق جىگىتى قاتايەۆتى وليمپياداعا باراتىندار تىزىمىنەن سىزىپ تاستاپ، ونىڭ ورنىنا تيگيەۆتى قوسقان بولاتىن. قازاقتىڭ جاس سپورتشىلارىن ەڭ ۇلكەن دودالاردىڭ بىرىنەن سىرت قالدىرعاننان كەيىن كەيبىرەۋلەر قازاق سپورتىنىڭ قامىن جەپ ٴجۇر دەگەنگە سەنۋ دە قيىنداۋ.
ەلىمىز تاۋەلسىزدىك العاننان بەرى، اقشا ٴۇشىن قازاقستان ساپىندا ونەر كورسەتكەن تالاي سپورتشىلار كەلىپ، كەتىپ جاتقانى بەلگىلى. شەتەلدەن كەلگەن جالدامالى سپورتشىلاردىڭ جەتىستىكتەرى ٴبىز ٴۇشىن ۋاقىتشا ناتيجە ەكەندىگىن ۇعىنۋىمىز قاجەت. بۇگىن قازاقستاننىڭ اتىنان سىنعا تۇسكەن سپورتشىنىڭ ەرتەڭ وزگە ەلدىڭ نامىسىن قورعايتىنى انىق. ٴبىر وليمپيادادا قازاقستاننىڭ نامىسىن قورعاپ، ودان كەيىن ەلىنە تايىپ تۇراتىن لەگيونەرلەر جوق ەمەس. مىسالى، ترياتلونشى دانيل ساپۋنوۆ قىتايداعى باسەكەدە كورسەتكەن ٴساتسىز ونەرىنەن كەيىن ۋكرايناعا قايتا ورالعان. جوعارىدا اتى اتالعان اللا ۆاجەنينا دا بەيجىڭدە كۇمىس جۇلدەگە قول جەتكىزىپ، 150 مىڭ دوللاردى العاننان كەيىن «ٴشۇۋ، قاراقۇيرىق» دەپ، رەسەيگە قايتىپ كەتكەنى دە ەستە. مۇنداي «ٴبىر رەتتىك» لەگيونەرلەر ٴبىزدىڭ سپورت سالاسىندا جەتىپ-ارتىلادى. ال مۇنىڭ قانشالىقتى قاجەتى بار؟ كەز كەلگەن سپورت تۇرىنەن جەڭىسكە جەتۋ ٴۇشىن ويىنشىنىڭ بويىندا ۇلتتىق رۋح بولۋى ٴتيىس. ٴبىر ەلدەن ەكىنشى ەلگە اۋىسىپ جۇرەتىن سپورتشىلاردا ۇلتتىق رۋح قايدان بولسىن؟


لەگيونەرلەر لەگى قاشان توقتايدى؟

سوڭعى ۋاقىتتا جاسىل الاڭدا قازاق فۋتبولشىلارىنىڭ سانى ارتقانىن بايقاپ، ٴىشىمىز ٴبىر جىلىپ قالدى. بۇگىندە ۇلتتىق قۇراما ساپىندا ەلدوس احمەتوۆ، ابزال بەيسەبەكوۆ، باۋىرجان يسلامحان، ۇلان قونىسبايەۆ، ەرمەك قۋانتايەۆ سىندى الاڭدا جاقسى ويىن ورنەگىن كورسەتىپ جۇرگەن قازاق فۋتبول مەكتەبىنەن شىققان ويىنشىلار بار. مۇنداي قازاق ازاماتتارىنىڭ قازاقستان قۇراماسىندا جۇرگەنى كوڭىل قۋانتادى. دەسەك تە، ۇلتتىق قۇرامانىڭ قاقپاسىن كۇزەتەتىن قاقپاشىلار قاتارىندا بىردە ٴبىر قازاق ازاماتى جوق. بۇدان قانداي قورىتىندى شىعارۋعا بولادى؟ قازاق ۇشقان دوپتى قاعىپ الا الماي ما؟ شاشۋعا عانا جاراتىلعان داراقى مىنەزىمىز وسىندايدا ٴقاۋىپ بەتىن قايتارۋعا كەلگەندە سىر بەرگەنى مە؟
قالاي دەسەك تە، سىرتتان لەگيونەر شاقىرتۋدا فۋتبول فەدەراسياسى قاراپ قالىپ جاتقان جوق. قازاق فۋتبولىنىڭ وركەندەۋىنە ٴبىر جاعىنان قولداۋ، ەكىنشى تۇرعىدان تۇساۋ بولىپ تۇرعان دا وسى ماسەلە، ياعني، وتاندىق فۋتبول كوماندالارىندا قازاق فۋتبولشىلارىنىڭ ازدىعى. ٴيا، سىرتتان لەگيونەرلەر شاقىرۋ الەم ەلدەرىنىڭ تاجىريبەسىندە كەزدەسەتىن ٴۇردىس. ەۋروپاداعى مىقتى فۋتبول كلۋبتارىنىڭ بارلىعىندا دا لەگيونەرلەر بار. الايدا ولار ۇلتتىق قۇراما ٴۇشىن ەڭ الدىمەن ٴوز ۇلتىنىڭ، ەلىنىڭ ازاماتىن دايىنداۋ­دى ۇمىتپايدى. ەۋروپالىق كلۋبتار قۇرامدارىنا شەتەلدىك ويىنشىلاردى شاقىرعانىمەن، ولار ٴوز ەلىنىڭ جاستارىن ەشقاشان نازاردان تىس قالدىرمايدى. ۇلتتىق قۇرامانىڭ ساپىنا شەتەلدىكتەردى الۋ ٴۇشىن ٴبىزدىڭ ەلىمىزدەگىدەي وڭدى-سولدى ازاماتتىق اپەرمەيدى. ال قازاقستاندا ٴوزىمىزدىڭ سىرتتان كەلگەن قانداستارىمىز ازاماتتىق الا الماي جۇرگەندە، شەتەلدەن كەلگەن لەگيونەر اپ-ساتتە «قازاق» اتانىپ شىعا كەلەدى. ونىمەن قويماي، ولاردىڭ بار جاعدايى جاسالادى. ال تاسادا قالعان تالانتتى قازاق فۋتبولشىلارىنىڭ اياعىنا تۇساۋ سالىپ قويادى.
شەتەلدىڭ ۇزدىك دەگەن فۋتبولشىلارىنا قوماقتى اقى تولەۋ جانە ازاماتتىق بەرۋ ارقىلى ۇلتتىق قۇراما قاتارىنا قوستىق دەلىك. ال ولار بىر-ەكى جىلدان كەيىن قاراپايىم كوپ اياق دوپشىنىڭ بىرىنە اينالارىن كورىپ تە ٴجۇر جۇرت. ۇزدىكسىز جوعارى دەڭگەيلى ونەر كورسەتە بەر دەي المايسىڭ. ولاي بولۋى مۇمكىن دە ەمەس. سوندا… ازاماتتىعىمىزدى ساۋداعا سالعانىمىز با؟
بىرنەشە جىل بۇرىن شەتتەن كەل­گەن لەگيونەرلەردىڭ ۇلتتىق قۇ­راما كوماندالاردىڭ ساپىندا ونەر كور­سەتۋىنە دەپۋتاتتار دا اشىق قار­سىلىق بىلدىرگەن بولاتىن. سوندا دەپۋتات نۇرتاي سابيليانوۆ: «شەتتەن لەگيونەر تاسىعاندى دوعارۋ كەرەك. ونىڭ ەسەسىنە، اۋىل سپورتىن دامىتۋدى قولعا العان ٴجون. سولارعا جۇمسالاتىن قارجىنى سپورت مەكتەپتەرىندە جۇرگەن قازاق بالالارىنىڭ جاعدايىن جاقسارتىپ، اياقدوپقا مەيلىنشە باۋلۋعا جۇمساۋ قاجەت. اۋىل-اۋىلداعى بالالاردى اكەلگەندە عانا ناعىز قازاق فۋتبولىن كورە الامىز. سوندا عانا ناتيجە بولادى. ٴوز ۇلدارىمىز وينامايىنشا، ەشكىم دە ٴبىز ٴۇشىن جانتالاسىپ، ارامتەر بولمايدى. ەشكىم دە قازاقتىڭ نامىسىن قورعاپ جارىتپايدى. سول سەبەپتى جەرگىلىكتى فۋتبولشىلارعا كوپ كوڭىل ٴبولىنۋى كەرەك. ۇلتتىق قۇراما ساپىندا شەتەلدەن كەلگەن ويىنشىلار كوبەيىپ بارادى. ولاردىڭ باستى ماقساتى – اقشا الۋ، ٴوزىنىڭ جاعدايىن جاقسارتۋ، حالىقارالىق دەڭگەيدە كوزگە ٴتۇسىپ، باسقا كومانداعا تەز اۋىسىپ كەتۋ. ٴبىر سوزبەن ايتقاندا، قازاقستاندى جاعداي جاسايتىن جولعا اينالدىرۋ. سوندىقتان دا مەنىڭ ويىمشا، قۇراما ساپىنداعى ويىنشىلاردىڭ كەم دەگەندە 70 پايىزى قازاق ازاماتتارى بولۋى كەرەك. بۇل باس باپكەرگە قويىلاتىن نەگىزگى تالاپ بولۋى ٴتيىس»، – دەگەن بولاتىن. دەپۋتاتتىڭ بۇل ٴسوزىنىڭ جانى بار. قازاق فۋتبولىن ورگە سۇيرەيتىن تەك ٴوز فۋتبولشىلارىمىز عانا.
ارداگەر فۋتبولشى قۇرالبەك وردابايەۆتىڭ ايتۋىنشا، شەتەلدەن باپكەر شاقىرۋدىڭ دا قاجەتى شامالى. «فۋتبول كلۋبتارىنا شەتەلدەن باپكەر شاقىرۋدىڭ ەش قاجەتى جوق. شەتەلدىك باپكەرلەر تەك ٴوزىنىڭ پايداسى ٴۇشىن، قالتاسىنىڭ قامى ٴۇشىن عانا كەلەدى. ولار شەت مەملەكەتتە جۇمىسسىز جۇرگەن ادامدار. سونداي جانداردى بىزدە اۋليە تۇتىپ، قازاقستانعا الدىرىپ، جاعدايىن جاساپ قويادى. ولار ٴبىزدىڭ قازاقستاندىق باپكەرلەردەن ارتىق ەشنارسە ۇيرەتە دە المايدى. ونىمەن قويماي، ولار وزدەرىنىڭ شتابىمەن كەلەدى. جانىنا ٴوزىنىڭ جاقىندارىن جيناپ الىپ، ەكى جىل قازاقستان فۋتبولىن كوتەرۋدىڭ ورنىنا، تومەن تۇسىرەدى»، – دەگەن بولاتىن ارداگەر فۋتبولشى. بۇل دا شىندىق. ويىنشىلاردى عانا ەمەس، باپكەرلەردى دە شەتەلدەن شاقىرتۋدى سانگە اينالدىرعالى دا تالاي جىلدىڭ ٴجۇزى بولدى. ٴبىر قۋانتارلىعى، بيىلعى جىلى ەلىمىزدىڭ فۋتبول كوماندالارىن ٴبىرقاتار وتاندىق جاتتىقتىرۋشىلار جاتتىقتىرۋ ۇستىندە.
وتكەن جىلدىڭ سوڭىندا اقتوبە وبلىسىنىڭ باسشىسى بەردىبەك ساپاربايەۆ جەرگىلىكتى «اقتوبە» فۋتبول كلۋبىنا ٴوز فۋتبولشىلارىمىز بەن باپكەرلەرىمىزدىڭ سانىن كوبەيتۋ تۋرالى تالاپ قويعان. «ٴبىر عانا شارت – كلۋبقا جەرگىلىكتى فۋتبولشىلار مەن باپكەرلەر تارتىلۋى ٴتيىس. فۋتبولشىلاردىڭ جۇرەگىندە ەلىنە، جەرىنە دەگەن سۇيىسپەنشىلىك بولۋى ٴتيىس، فۋتبولشى ٴوز جەرىمىزدە تۋىپ-وسكەن ۇلتجاندى ازامات بولۋى كەرەك. وسى ايتىلعاندار فۋتبولشىنىڭ بويىنان تابىلماسا، وندا ونىڭ ويلاعانى تەك اقشا بولماق. مەن لەگيونەرلەردىڭ سىرىن جاقسى بىلەمىن. كەلىسىمشارت جاساسقان ۋاقىتتا جاقسى كورىنۋگە تىرىسادى. العاشقى 5 ماتچتا ٴتاپ-تاۋىر ويناپ جۇرەدى. كەيىننەن ٴبارى بەلگىلى بولا باستايدى. بىردە دەنساۋلىعى سىر بەرەدى، بولماسا تاعى ٴبىر سىلتاۋ تابادى. ٴسويتىپ ٴۇي مەن جۇمىستىڭ اراسىن جول قىلۋمەن ۋاقىتتارىن وتكىزەدى. ولاردىڭ نەسى كەتەدى: كەلىسىمشارت جاسالدى، اي سايىن 30-60 مىڭ دوللار قالتادا، ەندى باستى قاتىرىپ نە كەرەك؟!»، – دەپ قاداپ ايتقان بەردىبەك ماشبەك ۇلى. بەردىبەك ساپاربايەۆتىڭ ايتقان سىن-ەسكەرتپەلەرى تەك «اقتوبە» كلۋبىنداعى عانا جاعداي ەمەس. بارلىق فۋتبول كوماندالارىنىڭ باسشىلارى نازارعا الاتىن-اق جايت. حالىق قالاۋلىلارىنىڭ لەگيونەرلەردىڭ جالاقىسىن رەتكە كەلتىرۋدى سۇراعاندىعىنىڭ سىرى دا وسىندا.
اۋىلداعى دوپ تەۋىپ جۇرگەن قازاق بالالارىن سپورتقا تارتۋ قاجەتتىگى دە كۇن تارتىبىنەن ٴبىر تۇسكەن ەمەس. ولاردى شىڭداپ، ٴارى قاراي جول كورسەتىپ، باعىت سىلتەيتىن باپكەرلەر مەن جاتتىقتىرۋشىلار قاجەتتىگى كۇن تارتىبىندەگى ەڭ وتكىر ماسەلە. ٴبىراق بۇگىنگى جاتتىقتىرۋشىلاردىڭ باسىم بولىگى وزگە ۇلت وكىلدەرى. مەملەكەتتىك ٴتىلدى بىلمەيتىن مۇنداي باپكەرلەر اۋىلدان كەلگەن قاراكوزدەردى باۋلۋعا نيەتتى مە؟ سپورتتا جۇرگەن قازاقتىڭ قىز-جىگىتتەرى ٴوزىمىزدىڭ ۇلتتىق قۇرامالاردا وگەيلىك كورمەسە ەكەن دەپ تىلەيمىز.
p.s. لاتىن تىلىندە «veni، vidi، vici» دەگەن ٴسوز بار. سەزار ايتتى دەلىنەدى. قازاقشا ايتساق، «كەلدىم، كوردىم، جەڭدىم» دەگەن ماعىنادا. سپورتتاعى شەتەلدىك لەگيونەرلەر دە قازاقستانعا كەلدى، كوردى، اقشا الدى… از اقشا ەمەس.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي