BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ەلى تۋرالى جازىلعان كىتاپتار كورمەسى ٴوتتى

الماتى. 13 ٴساۋىر. baq.kz – الماتىنىڭ جاستارى مەن قوعام قايراتكەرلەرى شاھار تۇرعىندارىن سايلاۋعا سالعىرت قاراماۋعا شاقىرۋدا. ەل اعالارى تاۋەلسىز قازاق ەلى تۋرالى جازىلعان كىتاپتار كورمەسىنە ۇيىتقى بولسا، جاستار قاۋىمى سايلاۋ بولاتىن كۇندى سۋرەتتەپ، فلەشموب ۇيىمداستىردى.

بۇل كورمە تاۋەلسىز قازاقستاننىڭ سىندارلى كەزەڭىنەن سىر شەرتەدى. كىتاپتاردا ەلدىڭ دەربەستىك الۋى، ەڭسەسىن تۇزەپ، ادىمىن الشاڭ باسۋى كورىنىس تاپقان. وتكەندى قاپەرگە العىزاتىن "عاسىرلار توعىسىندا"، "سىندارلى ون جىل" سىندى ٴماندى ادەبيەتتەر.

سول ەڭبەكتەردىڭ قالاي جاريالانعانى، قاي كەزەڭدەگى وقيعاعا ەلباسى قالاي باعا بەردى؟ «نۇرلى جول» باعدارلاماسى، «ماڭگىلىك ەل» يدەياسىنا ٴبىز قالاي جەتتىك؟ سونى حرونولوگياسى قالاي ەدى؟ وسىنىڭ ٴوسۋ بەلەستەرى قالاي ەدى؟ مۇنىڭ ٴبارىن وسى ەڭبەكتەردەن كورۋگە بولادى،- دەدى "نۇر وتان" پارتياسى الماتى قالالىق فيليالى ٴتوراعاسىنىڭ ورىنباسارى كەنجەحان ماتىجانوۆ.

ال، الماتىلىق جاستار مامانداندىرىلعان حالىققا قىزمەت كورسەتۋ ورتالىعىنا كەلگەن تۇرعىنداردى سايلاۋعا شاقىردى. 200 ستۋدەنت سايلاۋ بولاتىن 26 ٴساۋىر كۇنىن سۋرەتتەپ، ورتالىققا كەلگەن تۇرعىندار ٴۇشىن توپتاسا بي بيلەدى. جارتى ساعاتتىق فلەشموبتى ۇيىمداستىرۋعا ٴبىر اپتا ۋاقىت كەتكەن.

- ٴبىز قازاقستان ازاماتى بولعاندىقتان، ٴوز قۇقىعىمىزدى ٴبىلۋىمىز كەرەك. وسى سايلاۋدا داۋىس بەرىپ، ٴوز تاڭداۋىمىزدى جاساۋىمىز كەرەك. سوندىقتان حالىقتى سايلاۋعا كەلسىن دەپ ۇگىتتەپ جاتىرمىز. 18-گە تولدىم. كامەلەتتىك جاستان استىم. ٴوز داۋىسىمدى بەرەمىن. مەن - قازاقستاننىڭ ازاماتىمىن،- دەدى ستۋدەنت ايبەك قالمىرزا.

ستۋدەنتتەردىڭ مۇنداي شارانى قولعا العاندىعىنىڭ وزىندىك سەبەبى بار. مۇنداعى 200 جاستىڭ بارلىعى 18-گە ەندى تولعان ورەندەر. ولار 26 ٴساۋىر كۇنى العاش رەت ەل بولاشاعى ٴۇشىن ٴوز تاڭداۋلارىن جاساماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي