BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا «دۇنيەگە كەلەر ٴالى تالاي قاسىم» رەسپۋبليكالىق جىر بايگەسى مارەسىنە جەتتى

فوتو: Автор

قاراعاندى، baq.kz ٴتىلشىسى. قازاق پوەزياسىنىڭ اسا كورنەكتى وكىلى، حالقىمىزدىڭ دارىندى اقىنى قاسىم امانجولوۆ اتىنداعى «دۇنيەگە كەلەر ٴالى تالاي قاسىم» اتتى جىل سايىنعى جىر بايگەسى بيىلعى جىلى رەسپۋبليكالىق دەڭگەيدە ٴوتتى. بايگەنىڭ باس جۇلدەسى 500 مىڭ تەڭگە قاراعاندىلىق جاس اقىن جانىبەك ٴاليمانعا بۇيىردى.

قاراعاندىدا وبلىستىق تىلدەردى دامىتۋ جونىندەگى باسقارماسىنىڭ ۇيىمداستىرۋمەن، وبلىس اكىمدىگىنىڭ قولداۋىمەن وتكەن ٴمۇشايراعا ەلىمىزدىڭ تۇكپىر-تۇكپىرىنەن اقىندار جينالدى. ەركىن ەلدىڭ جارقىن جەتىستىكتەرىن، وتكەن تاريحى مەن كەمەل بولاشاعىن قارا ولەڭنىڭ قۇدىرەتىمەن قالىڭ جۇرتشىلىققا پاش ەتۋ ماقساتىندا، اقىننىڭ مۇراسىن ناسيحاتتاي وتىرىپ، پوەزيانىڭ دامۋىنا ىقپال ەتۋ، جاس اقىنداردىڭ شىعارماشىلىعىنا قولداۋ كورسەتۋ باعىتىندا جىل سايىن ۇيىمداستىرىلاتىن ٴمۇشايراعا 18 بەن 40 جاس ارالىعىنداعى اقىندار قاتىستى.

جىر بايگەسىنە ەلىمىزدىڭ اقىندارى، جازۋشىلارى مەن ەڭبەك سىڭىرگەن قايراتكەرلەرى قازىلىق جاسادى. ولاردىڭ اراسىندا سەرىك اقسۇڭقار ۇلى، سەرىك ساعىنتاي، عالىم جايلىباي، رىمبالا كەنجەبالاقىزى، جانات اسكەربەكقىزى بولدى. ٴمۇشايرانىڭ اقتىق سىنىندا ىرىكتەۋ تۋردان وتكەن 17 اقىن باق سىناپ، ۇزدىكتەر انىقتالدى. بيىل وبلىس شەڭبەرىندە شەكتەلىپ قالماي، رەسپۋبليكا دەڭگەيىندە وتكەن اقىندار سايىسىنىڭ جۇلدە قورى دا قوماقتى. باس جۇلدەنى يەلەنگەن وبلىستىق «ورتالىق قازاقستان» گازەتىنىڭ ٴجۋرناليستى، جاس اقىن جانىبەك ٴاليمان 500 مىڭ تەڭگەمەن ماراپاتتالدى. ٴبىرىنشى ورىندى «ورتالىق قازاقستان» گازەتىنىڭ ٴتىلشىسى راۋان قابيدولدين قانجىعاسىنا بايلاپ، وعان 350 مىڭ تەڭگە بەرىلدى. ٴىى ورىن يەلەنگەن قاراعاندىلىق اقىن جانات جاڭقاش ۇلى مەن ماڭعىستاۋلىق اسىلبەك جاڭبىربايعا 250 مىڭ تەڭگەدەن بەرىلدى. ٴىىى ورىن العان ٴۇش اقىننىڭ ٴارقايسىسى 150 مىڭ تەڭگە كولەمىندەگى اقشالاي سىيمەن ماراپاتتالدى. سونداي-اق، ون قاتىسۋشىعى ىنتالاندىرۋ سىيى تابىس ەتىلدى.

«داۋىلپاز اقىن قاسىم امانجولوۆ اتىنداعى ٴمۇشايراعا قاتىسۋ ٴاربىر جاس اقىننىڭ ارمانى بولار. تالانتتاردى ايقىنداپ، جاس اقىنداردىڭ شىعارماشىلىعىنا قولداۋ كورسەتىپ، سونداي-اق قاسىم اقىننىڭ مۇراسىن ناسيحاتتاۋ ماقساتىندا وتەتىن جىر ٴمۇشايراسىنىڭ بەرەرى مول، ەلباسىنىڭ «رۋحاني جاڭعىرۋ» باعدارلاماسىنىڭ اياسىندا وتكىزىلگەن ٴمۇشايرادا جاستاردى پوەزياعا باۋلۋ، ولاردى ولەڭ الەمىنە تارتۋ باستى نازاردا. ٴمۇشايرا جوعارعى دەڭگەيدە ٴوتتى دەگەن ويدامىن. ەلىمىزدىڭ ٴار وبلىسىنان كەلگەن اقىندار قاسىم اتامىزعا ارناۋ ارناپ، «رۋحاني جاڭعىرۋعا» بايلانىستى ولەڭدەرىن وقىدى. سونداي-اق، ەركىن تاقىرىپتا، وزدەرىنىڭ جىر جولدارىن وقىپ، تىڭدارمانداردى ٴتانتى ەتتى»، - دەيدى جىر دوداسىندا ىنتالاندىرۋ سىيىن يەلەنگەن قارمۋ ستۋدەنتى اقەركە ابدىكارىم.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي