BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قارا ورامال» كىتابىنىڭ تۇساۋكەسەرى ٴوتتى

قاراعاندىدا قازاقستان جازۋشىلار وداعى باسقارما ٴتوراعاسىنىڭ ٴى ورىنباسارى، حالىقارالىق «الاش» ادەبي سىيلىعىنىڭ لاۋرەاتى، قازاقتىڭ بەلگىلى اقىنى عالىم جايلىبايدىڭ «قارا ورامال» كىتابىنىڭ تۇساۋكەسەر كەشى ٴوتتى.
 

اقيىق اقىننىڭ ناۋبەت جىلداردى ارقاۋ ەتىپ، ساياسي قۋعىن-سۇرگىن قۇرباندارىنا ارنالعان «قارا ورامال» ازا داستانى «بولاشاق» باسپاسىنان ورىستىڭ بەلگىلى اقىنى نادەجدا چەرنوۆانىڭ اۋدارماسىمەن ەكى تىلدە جارىق كورىپ، وقىرماندارعا جول تارتقان بولاتىن.
قازىرگى قازاق ولەڭىنىڭ تىڭ ٴورىسىن، بۇگىنگىنىڭ ٴبۇتىن ٴسوزىن كورسەتكەن اتالمىش كىتاپتىڭ تۇساۋىن قازاقتىڭ قازىنالى قارتتارىنىڭ ٴبىرى، بەلگىلى قوعام قايراتكەرى قاسىمبەك مەدي ۇلى كەسىپ، اقىنعا شالقار شابىتتار تىلەدى. 
وبلىس اكىمىنىڭ ورىنباسارى بەيسەنباي جۇمابەكوۆ، قازاقستان جازۋشىلار وداعى وبلىستىق فيليالىنىڭ ديرەكتورى، اقىن سەرىك اقسۇڭقار ۇلى پوەما-رەكۆيەم جايىندا وردالى وي قوزعاپ، شىرايلى شىعارمانىڭ قۇندىلىعىن ٴسوز ەتتى. 
ساياسي قۋعىن-سۇرگىن قۇرباندارىن ەسكە الۋ كۇنى قارساڭىندا وتكەن اتالمىش كەشكە عالىم اقىننىڭ قالامداس اعا-باۋىرلارى، ارقا جۇرشىلىعىنا اتى ٴمالىم بەلگىلى ونەر مايتالماندارى قاتىستى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي