BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قانشا قازاق قالامگەرى كسرو مەملەكەتتىك سىيلىعىن الدى؟

استانا. 30-جەلتوقسان. baq.kz – قازاق ادەبيەتىنىڭ الەمدىك ادەبيەتتە دە الاتىن ورنى بار. ٴبىر عانا «اباي جولى» رومان-ەپوپەياسىنىڭ ٴوزى دۇنيەجۇزى حالىقتارىنىڭ 116 تىلىنە اۋدارىلعان. ال كەڭەستىك كەزەڭدە كىمدەر كسرو مەملەكەتتىك سىيلىعىنا يە بولدى؟ قالامگەردىڭ قاي شىعارماسى لايىق دەپ تانىلدى؟

قازاقتان تۇڭعىش كسرو مەملەكەتتىك سىيلىعىن العان مۇحتار اۋەزوۆ. العاشقى ەكى كىتاپتان تۇراتىن «اباي» رومانى ٴۇشىن 1949 جىلى جازۋشىعا كسرو مەملەكەتتىك سىيلىعى بەرىلدى. ال، ٴتورت تومدىق «اباي جولى» رومان-ەپوپەياسى جارىق كورگەننەن كەيىن 1959 جىلى ول لەنيندىك سىيلىقتىڭ لاۋرەاتى اتاندى.

 

1974 جىلى قازاقتىڭ تاعى ٴبىر قالامگەرى كسرو مەملەكەتتىك سىيلىعىنا يە بولدى. «قان مەن تەر» تريلوگياسى ٴۇشىن ٴابدىجامىل نۇرپەيىسوۆ ەڭ ۇلكەن اتاقپەن ماراپاتتالدى. جازۋشىنىڭ بۇل شىعارماسى الەمنىڭ 35 تىلىنە اۋدارىلعان. دەگەنمەن «قان مەن تەردىڭ» 1-كىتابى «ىمىرت» دەگەن اتاۋمەن 1961 جىلى جارىققا شىقتى. كەيىن «سەرگەلدەڭ»، «كۇيرەۋ» بولىپ ٴۇش كىتاپ بىرىگىپ تريلوگياعا اينالدى.

كسرو مەملەكەتتىك سىيلىعىنا قازاقتان شىققان تاعى ٴبىر قالامگەر يە بولدى. قۇرمانعازىنىڭ كۇيلەرىن زەرتتەپ، ونى پوەما تىلىندە سويلەتكەنى ٴۇشىن 1978 جىلى اقىن جۇبان مولداعاليەۆتە وسى ماراپاتقا يە بولدى.

قازاقستاننىڭ حالىق جازۋشىسىنىڭ قالامىنان تۋعان «كىسەن اشقان»، «قىران دالا» پوەمالارى جوعارى اتاققا لايىق دەپ تانىلىپتى. كسرو مەملەكەتتىك سىيلىعىنان بولەك، جۇبان اقىن 1970 جىلى قازاق كسر-نىڭ مەملەكەتتىك سىيلىعىندا العان ەدى. ٴدال وسى ٴۇش قازاق قالامگەرلەرى كەڭەس وداعى تۇسىندا كسرو مەملەكەتتىك سىيلىعىنا قول جەتكىزگەن بولاتىن...

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي