BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايرات ساق: قازاق جۋرناليستيكاسىندا جانر جويىلىپ بارادى

استانا. 30 ماۋسىم. baq.kz – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى، جۋرناليستيكا جانە ساياساتتانۋ فاكۋلتەتىنىڭ دەكانى قايرات ٴومىرباي ۇلىنىڭ پىكىرى وسىنداي.  

«ەلىمىزدە باسقا سالانىڭ ماماندارى جۋرناليستيكادا ٴجۇرۋى جەتىستىك ەمەس، كەرىسىنشە كەمشىلىك دەپ بىلەمىن. سەبەبى، كەز-كەلگەن سالادا كاسىبي مامان جۇرمەسە، ول سالانىڭ جۇمىسى اقسايدى. كاسىبي جۋرناليست ساپالى ٴونىم شىعارادى. سوندا عانا باسەكەگە قابىلەتتىلىك ارتادى. ٴقازىر باق-تا تاريحشىلار دا، اگرارلار دا، ارتىستەر دە ٴجۇر. ولار باق تەحنولوگياسىن، تەحنيكاسىن بىلسەك جۇمىس ىستەپ كەتە بەرەمىز دەپ ويلايتىن شىعار. ٴبىراق، جۋرناليستيكانىڭ فۋنكسياسىن، جاۋاپكەرشىلىگىن، جانرلارىن، ٴتىلى مەن ٴستيلىن، ولاردىڭ ەرەكشەلىكتەرىن تەرەڭ بىلمەي، قالاي جۋرناليست بولىپ جۇرگەنىنە تاڭ قالامىن»،-دەگەن پروفەسسور باق ساپاسىن ارتتىرۋدىڭ تاعى ٴبىر جولىن جانرمەن دە بايلانىستىردى.
«كەز-كەلگەن مامان يەسىنىڭ جۋرناليست بولۋىنان بۇقارالىق اقپارات قۇرالدارىندا جانر دەگەن جويىلدى. قويىرتپاق دۇنيەلەر كوبەيىپ بارادى. ٴار جانردىڭ ٴوزىنىڭ فۋنكسياسى، ەرەكشەلىگى بار. جانرلاردىڭ كوپ بولۋى باق-تىڭ شىرايىن كەلتىرەدى. وقىرماندار مەن كورەرمەن، تىڭداۋشىلاردىڭ قىزىعۋشىلىعىن ارتتىرادى. جانرلاردىڭ جۇتاڭدىعى باق-تىڭ تارتىمدىلىعىنا ايتارلىقتاي نۇقسان كەلتىرەدى. كەزىندە شەرحان مۇرتازا سياقتى مىقتى رەداكتورلارىمىز گازەتتىڭ ٴار نومىرىندە بارلىق جانرلاردىڭ قامتىلعانىن قاداعالاپ وتىراتىن ەدى. قازىرگى كەزدە ايتا بەرسەك، جازا بەرسەك بولدى عوي دەگەن قاعيدا قالىپتاسىپ كەلە جاتقان سياقتى. ول جۋرناليستيكاعا زيانىن تيگىزىپ جاتقان بىردەن-بىر فاكتور. جانرلاردى اجىراتىپ قانا قويماي، ولاردى ٴساتتى قولدانىپ، ەرەكشەلىكتەرىنە ساي ماتەريالدار بەرسە، باق-تىڭ ساپاسى ارتادى»،-دەيدى ول.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي