BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يران مەملەكەتى 70-كە جۋىق قازاق قالامگەرلەرىنىڭ شىعارماسىن اۋدارماقشى – ۇلىقبەك ەسداۋلەت

فوتو: Автор

الماتى، baq.kz ٴتىلشىسى. سوڭعى 5 ايدىڭ ىشىندە قازاقستان جازۋشىلار وداعىنىڭ مۇشەلەرى «ادەبي ولكەتانۋدى دامىتۋ» جوباسى اياسىندا ەلىمىزدىڭ بىرنەشە وبلىسىندا بولىپ، سول جەردىڭ رۋحاني قازىناسىمەن، كيەلى جەرلەرىمەن تانىسا وتىرىپ، پروزا، پوەزيا جانە تانىمدىق-زەرتتەۋ ماقالالار جازدى. بۇل جايىندا قازاقستان جازۋشىلار وداعىنىڭ ٴتوراعاسى ۇلىقبەك ەسداۋلەت الماتىدا ٴوتىپ جاتقان ٴى پلەنۋم بارىسىندا ايتتى.

ونىڭ ايتۋىنشا، جازۋشىلار وداعىنىڭ مۇشەلەرى وسى جوبا اياسىنادا استانا، الماتى قالالارى مەن اقمولا، قىزىلوردا، جامبىل، ماڭعىستاۋ، پاۆلودار، تۇركىستان، اتىراۋ جانە شىعىس قازاقستان وبلىستارى بويىنشا جۇمىس جۇرگىزگەن.

«ٴار وبلىسقا قازاقستان جازۋشىلار وداعىنان 3 قالامگەردەن جىبەرىلدى. بۇل جوبا الداعى جىلى قالعان وبلىستار مەن قالالاردا جالعاسىن تابادى. سونداي-اق، وسى 9 ايدىڭ ىشىندە قازاقستان جازۋشىلار وداعى وزگە ەلدەردىڭ ادەبي ۇيىمدارىمەن حالىقارالىق كەلىسىمدەرگە قول جەتكىزدى. تۇركيا، يران، وزبەكستان سىندى ىرگەلى ەلدەردىڭ جازۋشىلار قاۋىمداستىقتارىمەن ٴوزارا ىنتىماقتاستىق جونىندە مەموراندۋمعا قول قويدىق. وسى مەموراندۋمداردىڭ نەگىزىندە اتالعان ەلدەردە قازاق قالامگەرلەرىنىڭ كىتاپتارىن باسىپ شىعارۋ، انتولوگيالار قۇراستىرۋ، قازاق قالامگەرلەرىمەن كەزدەسۋلەر وتكىزۋ سىندى ىرگەلى شارۋالار قولعا الىنۋدا»، -دەيدى ول.

سونىمەن قاتار، ول قازاقستان جازۋشىلار وداعى قر كاسىپوداقتار فەدەراسياسىمەن جانە «نۇر وتان» حالىقتىق دەموكراتيالىق پارتياسىمەن ىنتىماقتاستىق جونىندەگى مەموراندۋمعا قول قويعاندارىن جەتكىزدى.

«نۇر وتان» پارتياسىمەن جاساسقان مەموراندۋم نەگىزىندە ٴقازىردىڭ وزىندە 4 ٴىرى جوبانى قولعا الدىق. 40 جاسقا دەيىنگى قالامگەرلەر اراسىندا “ ۇلى دالا” ادەبي بايقاۋىن جاريالاپ، كەلەر جاستار جىلىندا جاستاردى قولداۋعا مۇرىندىق بولىپ وتىرمىز. بايقاۋدىڭ جۇلدەلەر قورى دا جاستاردى قولداۋعا كادىمگىدەي كومەك. 1-ورىنعا - 1 500 000 تەڭگە، ەكى 2-ورىنعا - 750 000، ٴۇش 3-ورىنعا - 500 000 تەڭگە ۇلەستىرىلمەك. ىنتالاندىرۋ سىيلىقتارىن قوسقاندا ۇزىن سانى 15 جۇلدە بەرىلەدى»، -دەدى ۇ. ەسداۋلەت.

ٴتوراعا جيىن بارىسىندا سونداي-اق، «يۋتۋب» الەۋمەتتىك جەلىسىنەن ارنايى كونتەنت اشىپ، كورنەكتى قازاق قالامگەرلەرىنىڭ وي-پىكىر، تولعانىستارىن، لەكسيالارىن تۇسىرەتىن جوبانى قارجىلاندىراتىندىقتارىن ايتتى.

«استانا تەلەارناسىندا كوزى ٴتىرى كورنەكتى جازۋشىلارىمىز تۋرالى دەرەكتى فيلمدەر سيكلىن ٴتۇسىرىپ كورسەتۋ، وبلىستارداعى، اۋداندارداعى كىتاپحانالاردا قۇرىلعان كوۆوركينگ-ورتالىقتاردا جازۋشىلارمەن كەزدەسۋلەر وتكىزۋ سىندى شارۋالار دا «نۇر وتان» پارتياسىمەن جاساسقان مەموراندۋم نەگىزىندە قولعا الىنا باستادى»، -دەدى ول.

سونىمەن قاتار، ول قىتاي جازۋشىلار وداعى مەن بەلورۋس جازۋشىلار وداعى ەلىمىزدىڭ جازۋشىلار وداعىمەن ادەبي بايلانىستاردى دامىتۋ ٴۇشىن الداعى بىر-ەكى ايدا ٴوز ەلدەرىنە شاقىرىپ وتىرعاندىقتارىن جەتكىزدى.

«ولار ىنتىماقتاستىق جونىندە مەموراندۋمعا قول قويۋعا ۇسىنىس جاسادى. ال، يران مەملەكەتى اراداعى تامىزداعى فورۋم كەزىندە جاسالعان مەموراندۋمعا بايلانىستى 70-كە جۋىق قازاق قالامگەرلەرىنىڭ شىعارمالارىن اۋدارۋ ماسەلەسىن كۇن تارتىبىنە قويىپ وتىر»، -دەدى ۇ. ەسداۋلەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي