BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينتەرنەتتى پايدالانۋ ٴۇشىن ٴبىلىمدى، ۇلتجاندى بولۋ كەرەك

استانا. 30 ماۋسىم. baq.kz – قوعامدا ينتەرنەت جۋرناليستيكانىڭ ٴباسپاسوزدى تۇبەگەيلى اۋىستىراتىن ۋاقىتى جاقىنداپ كەلەدى دەگەن پىكىر بار. الايدا، جۋرناليستيكانىڭ مايتالماندارى بۇل پىكىرگە قارسى.  

بولات كومەك، اكادەميك:
– ينتەرنەتتى پايدالانۋ ٴۇشىن ادام ٴبىلىمدى، ۇلتجاندى بولۋى كەرەك. ويتكەنى ينتەرنەتتىڭ ىشىندە نەشە ٴتۇرلى ماعلۇماتتار جاتىر. سونىڭ جاقسى-جامانىن جۇرتشىلىق ايىرا ٴبىلۋى ٴۇشىن ٴجۋرناليستىڭ ٴرولى ەرەكشە.


قايرات ساق، ل.ن.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى:

– قازىرگى ۋاقىتتا ٴباسپاسوزدىڭ كەرەگى جوق دەگەن دە پىكىر تۋا باستادى. شىندىعىنا كەلسەك، مۇنداي كوزقاراس وتكەن عاسىردا-اق باستاۋ العان. تەلەارنا شىققان كەزدە گازەت-جۋرنالدىڭ كۇنى قاراڭ دەگەندى ايتۋشىلار بولعان ەدى. ودان بەرى ٴبىر عاسىرعا جۋىق ۋاقىت ٴوتتى. ونىڭ ٴبارى قۇر ساۋەگەيلىك ەكەنىن ٴومىر ٴوزى دالەلدەپ بەردى. ٴدال ٴقازىر ينتەرنەت جۋرناليستيكانىڭ وتانى سانالاتىن امەريكانىڭ وزىندە ٴداستۇرلى ٴباسپاسوز بۇرىنعىشا جۇمىسىن جالعاستىرىپ جاتىر. ولاردىڭ وزىندە ينتەرنەت جۋرناليستيكا ٴباسپاسوزدى الماستىرا العان جوق. ويتكەنى ەكەۋىنىڭ قىزمەتى ەكى بولەك. بۇلار قوعامدا قاتار ٴارى باسەكەلەس ٴومىر سۇرە الاتىنىن كورسەتتى. سول جاعدايدى تەرەڭ تۇسىنبەي، ٴقازىر گازەت-جۋرنالداردى جاۋىپ، ونىڭ ورنىنا ونلاين باسىلىمدار شىعارۋ كەرەك دەگەن قيالعا ەرىك بەرە باستاعان سەكىلدىمىز.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي