BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەركىن بايعابىل ۇلى: وتاندىق تەلەكەڭىستىككە وزگە ەلدەن 1-2 ارنا عانا ەنگىزۋىمىز كەرەك

استانا. 27 ماۋسىم. baq.kz – «وتاندىق باق سالاسىنداعى وزەكتى ماسەلەلەردىڭ بىرەگەيى – اقپاراتتىق قاۋىپسىزدىك جايى». بۇل تۋرالى بۇگىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وتكەن «الەمدىك اقپاراتتىق كەڭىستىك: قازاقستاندىق باق-تىڭ باسەكەگە قابىلەتتىلىگى» اتتى دوڭگەلەك ۇستەل وتىرىسى كەزىندە تەلەجۋرناليست ەركىن بايعابىل ۇلى ايتتى، - دەپ حابارلايدى baq.kz ٴتىلشىسى.  

«ٴقازىر قازاقستاندىق تەلەارنالارداعى بەلگىلى كابەلدى تەلەارنالاردىڭ بارلىعىندا وتاندىق تەلەكومپانيادان گورى رەسەيلىك ارنالاردىڭ سانى كوپ. بۇل ەلىمىزدىڭ تەلەۆيزيا سالاسىن دامىتۋعا جان-جاقتى تۇساۋ بولۋدا. وسى كەدەرگىلەردىڭ سەبەبىنەن ٴبىز ەڭ الدىمەن، ٴوز كورەرمەندەرىمىزدەن ايىرىلساق، ٴبىر جاعىنان كابەلدىك جۇيەدەگى رەسەي تەلەارنالارى قازاقستاندىق تەلەكومپانيالاردى جارناما نارىعىنان تولىقتاي ىسىرىپ تاستادى. سونداي-اق، قازاقستانداعى كابەلدى تەلەۆيزيا رەسەيلىك ارنالاردى ٴوز پاكەتتەرىنە كوپ ەنگىزۋ ارقىلى، باسقا ەلدىڭ يدەولوگيالىق ناسيحات قۇرالىنا اۆتوماتتى تۇردە اينالىپ وتىر. وسىلاي ٴبىز رەسەي ارنالارىنا وتاندىق تەلەكەڭىستىگىمىزدە تىم ەركىندىك بەرۋ ارقىلى ٴوز تەلەۆيزيامىزدىڭ دامۋىنا كەدەرگى جاساپ وتىرمىز»،-دەگەن پىكىرىن ورتاعا سالعان تەلەجۋرناليست وسى ماسەلە توڭىرەگىندەگى ۇسىنىستارىن دا جەتكىزدى.
«الداعى ۋاقىتتا ەلىمىز اقپاراتتىق قاۋىپسىزدىكتى قامتامسىز ەتۋى ٴتيىس. مەملەكەتتىك قۇزىرەتتى ورگاندار وتاندىق كابەلدى ارنالاردىڭ پاكەتتەرىن رەتتەۋدى جۇيەلى تۇردە قولعا الۋى كەرەك دەپ ەسەپتەيمىن. تەپە-تەڭدىكتى ساقتاۋ ٴۇشىن جالپى پاكەتتە ٴار ەلدەن ٴبىر نەمەسە ەكى ارنادان عانا ەنگىزۋ تالابىن قوياتىن كەز كەلدى»،-دەدى ەركىن بايعابىل ۇلى.

 

مايگۇل سۇلتان،
باۋىرجان جۋاسبايەۆ (فوتو) 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي