BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا جىل سايىنعى لومونوسوۆ وقۋلارى وتەدى

استانا. 4 ٴساۋىر. baq.kz - 15 ساۋىردە م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالىنىڭ عيماراتىندا «لومونوسوۆ - 2016» حالىقارالىق كونفەرەنسياسىنىڭ سالتاناتتى اشىلۋى وتەدى. 

ستۋدەنتتەر، ماگيسترانتتار جانە جاس عالىمداردىڭ «لومونوسوۆ-2016» ٴحىى كونفەرەنسياسى قازاقستان رەسپۋبليكاسى تاۋەلسىزدىگىنىڭ 25 جىلدىعىنا جانە ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالىنىڭ 15 جىلدىعىنا ورايلاستىرىلىپ وتىر.

كونفەرەنسيا ەۋرازيالىق كەڭىستىكتە حالىقارالىق جانە ۋنيۆەرسيتەتتەر اراسىنداعى بايلانىستى نىعايتۋعا ىقپال تەتىن عىلىم مەن مادەنيەت سالاسىنداعى ماڭىزدى شارا بولىپ تابىلادى. قازىرگى كەزدە قازاقستان، رەسەي جانە بەلارۋس مەملەكەتتەرىنەن 400 استام ادام وقۋلارعا قاتىسۋعا ٴوتىنىم بەرگەن.

«عىلىمي كونفەرەنسيانىڭ نەگىزگى ماقساتى - ستۋدەنتتەر، ماگيسترانتتار جانە جاس عالىمداردىڭ شىعارماشىلىق بەلسەندىلىگىن ارتتىرۋ، جاڭا زامان عىلىمىنىڭ وزەكتى ماسەلەلەرىن شەشۋ جولدارىن ىزدەستىرۋ ىسىنە جاس عالىمداردى جۇمىلدىرۋ، قازاقستان مەن رەسەي ستۋدەنتتەرى اراسىنداعى عىلىمي بايلانىستى نىعايتۋ»، – دەيدى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالى ديرەكتورىنىڭ ورىنباسارى، پروفەسسور نۇرسۇلۋ شايمەردەنوۆا.

«لومونوسوۆ-2016» كونفەرەنسياسىنا قازاقستان، رەسەي جانە ت.ب. ەلدەردەن كەلگەن 35 جاسقا دەيىنگى ستۋدەنتتەر مەن جاس عالىمدار قاتىسادى. اۆتورلار تىركەلگەن باياندامالارىن بەس سەكسيا بويىنشا ۇسىنادى: «ماتەماتيكالىق مودەلدەۋ جانە اقپاراتتىق تەحنولوگيالار»، «قازىرگى زامانعى دامۋ كەزەڭىندە تۇراقتى جانە ٴتيىمدى ەكونوميكا قالىپتاستىرۋ پروبلەماسى»، «قازىرگى زامانداعى ٴتىل مەن ادەبيەت»، «ايماقتىق ەكولوگيالىق پروبلەمالار»، سونىمەن قاتار «ەۋرازيالىق كەڭىستىك: ىقپالداستىقتىڭ قۇندىلىقتارى مەن داستۇرلەرى».

«لومونوسوۆ-2016» xii حالىقارالىق كونفەرەنسياسىنىڭ قورىتىندىسى كەلەسى كۇنى پلەنارلىق جينالىس بارىسىندا شىعارىلادى. ۇزدىك بايانداماشىلار ٴۇشىن i، ii جانە iii دارەجەلى ديپلومدارمەن ماراپاتتالادى. وسى كۇنى حالىقارالىق كونفەرەنسيانىڭ سالتاناتتى جابىلۋى وتەدى.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي