BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دجون كاستلدىڭ ورىنبور ەكسپەديسياسى جايىنداعى كۇندەلىگى جارىق كورەدى

استانا. 20 مامىر. baq.kz – ۇلىبريتانيادا قازاقستاننىڭ رەسەي يمپەرياسىنا قوسىلعان ۋاقىتىندا ٴابىلقايىر حانمەن كەلىسسوز جۇرگىزگەن پرۋسسيالىق ساياحاتشى دجون كاستلدىڭ كۇندەلىگى كىتاپ بولىپ شىعارىلماقشى، - بۇل جايىندا بريتان-قازاق قاۋىمداستىعىنىڭ باسشىسى گاۋحار براملەي-فەنتون مالىمدەدى.

ول قاۋىمداستىقتىڭ ٴابىلقايىر حان جايىنداعى كىتاپتىڭ جارىق كورۋىنە ۇلكەن ۇلەسىن قوسقاندىعىن ايتىپ: «قازاقستان تۋرالى ەڭبەكتەر، اسىرەسە ەلدىڭ تاريحىن بەينەلەيتىن ٴتۇپنۇسقالار كوپتەگەن ۋاقىت تولىق زەرتتەلمەي جاتتى. بريتان-قازاقستان قاۋىمداستىعى بريتانيالىق مامانداردىڭ بۇل سالاداعى قىزىعۋشىلىعىن جان-جاقتى قولداۋدا»، - دەيدى.


دجون كاستلدىڭ كۇندەلىگىنىڭ اۆتورى تاۋەلسىز بريتانيالىق زەرتتەۋشى بەاتريس تيەزيە. كىتاپ نەگىزى نەمىس تىلىندە جازىلعان دەيدى. كىتاپتا 1734 جىلعى ورىنبور ەكسپەدياسياسى جايىندا ايتىلعان. بۇل ەكسپەديسيانىڭ ماقساتى – ورىنبور قالاسىن قۇرۋ، قازاق جانە باشقۇرت كوشپەندىلەرىنىڭ شەكاراسىنا باشقۇرتتاردىڭ كوتەرىلىسىن باسۋ مەن كوشپەندىلەر اراسىنداعى ساۋدا-ساتتىقتى كەڭەيتۋ ٴۇشىن بەكىنىس سالۋ بولعان. قۇجاتتارعا سۇيەنسەك، ٴابىلقايىر حان كەلىسسوز جۇرگىزگەن ساياحاتشى رەسەي يمپەرياسىنىڭ اتىنان سويلەگەن. ەۋروپالىق اۋدارماشىنىڭ كومەگىنە جۇگىنگەن. «كۇندەلىك سول ۋاقىتتاڭ قيىن ساياساتى، ەتنوگرافياسى، گەوگرافياسى جانە قازاقستاننىڭ قازبا بايلىقتارى جانە ولاردىڭ رەسەي يمپەرياسىمەن قيىن قارىم-قاتىناسىن باياندايدى»، - دەپ اتاپ ٴوتتى.


كىتاپقا كاستلدىڭ بىرەگەي سىزبالارى دا كىرگەن. ساياسحاتشىنىڭ بيوگرافياسى جايىندا اقپارات وتە از ەكەندىگىن ايتا كەتكەن ٴجون. ٴتۇرلى دەرەككوزدەر بويىنشا ول گامبۋرگتە اسكەري وتباسىندا دۇنيەگە كەلگەن جارتىلاي پرۋسس، جارتىلاي اعىلشىن بولعان. قازاقستانعا جاساعان ساياحاتى تۋرالى جازبالارىن ول سانكت-پەتەربۋردا تانىستىرىپ، ارتىنان پەرسياعا جول ٴجۇرىپ كەتكەن. ٴابىلقايىر حان ەۋروپالىقتىڭ كوزىمەن سۋرەتتەلگەن كىتاپ ۇستىمىزدەگى جىلدىڭ 2014 جىلى جارىق كورەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي