BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەتەكتيۆ جانرىنىڭ ۇزدىكتەرى ماراپاتتالدى

الماتى، baq.kz. الماتى قالالىق سوتىنىڭ 50 جىلدىق، «زاڭ» مەديا-كورپوراسياسى» ٴجشس-نىڭ 25 جىلدىق مەرەيتويىنا وراي ۇيىمداستىرىلعان شىتىرمان وقيعالى شىعارمالار بايقاۋىنىڭ جۇلدەگەرلەرىن ماراپاتتاۋ ٴراسىمى ٴوتتى.

قازاق پروزاسىنىڭ كەنجەلەپ قالعان بۇل جانرىن وقىرماندار تىلەگى بويىنشا الماتى قالالىق سوتىنىڭ قولداۋىمەن – «زاڭ» مەديا-كورپوراسياسى» ٴجشس-ى ۇيىمداستىردى. جۇلدە قورى – 1 000 000 (ٴبىر ميلليون) تەڭگەنى قۇرايتىن بۇل بايقاۋعا ەلىمىزدىڭ تۇكپىر-تۇكپىرىنەن 70-تەن استام ۇمىتكەر ٴوز شىعارمالارىن جولدادى. ولارعا اقىن، پۋبليسيست، «اقيقات» ۇلتتىق قوعامدىق-ساياسي جۋرنالىنىڭ باس رەداكتورى امانحان ٴالىم، «زاڭ گازەتىندە» ۇزاق جىل جۇمىس ىستەپ، قۇقىق تاقىرىبىنا قالام تەربەپ، دەتەكتيۆ جانرىنداعى شىعارمالارىن جيناق ەتىپ جاريالاعان بەلگىلى جۋرناليست ەلەۋسىز مۇرات پەن اقىن، جۋرناليست-جازۋشى سەرىك سارىبايەۆ قازىلىق جاسادى.

بايقاۋ ناتيجەسىندە جۇلدەلى ٴۇشىنشى ورىن اسەم جۇماحان، ەركەعالي بەيسەنوۆ جانە قۋاندىق شاماحاي سىندى اۆتورلارعا بەرىلسە، ەكىنشى ورىن /200 000 تەڭگە/، جانار جاناپيانوۆانىڭ ەنشىسىنە بۇيىردى. ال 1-ورىنعا /500 000 تەڭگە/ بەلگىلى جۋرناليست، جاس دراماتۋرگ، «قازاق ادەبيەتى» گازەتىنىڭ قىزمەتكەرى الىبەك بايبولدىڭ «ميلليون» اتتى شىعارماسى لايىق دەن تانىلدى. سونداي-اق 5 ۇمىتكەرگە ىنتالاندىرۋ سىيلىقتارى تابىس ەتىلدى.

ٴوزىنىڭ 25 جىلدىق مەرەيتويىن وسىلاي وقىرماندارىنا سىيلىق ۇيلەستىرۋ ارقىلى اتاپ ٴوتۋدى ۇيعارعان «زاڭ» مەديا-كورپوراسياسى» ٴجشس-ى – 1994 جىلى قۇرىلعان بولاتىن. ول ەلىمىزدەگى قۇقىقتىق سالاعا ارنالعان بىردەن-بىر رەسپۋبليكالىق ەكى گازەت («زاڭ گازەتى» جانە «يۋريديچەسكيي گازەتا») پەن ەكى عىلىمي جۋرنالدىڭ («زاڭ» جانە «فەميدا») شىعارۋشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي