BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

د.يسابەكوۆتىڭ "ٴبىز سوعىستى كورگەن جوقپىز" كىتابى اعىلشىن تىلىنە اۋدارىلدى

استانا. 22 ٴساۋىر. baq.kz – ٴساۋىر ايىنىڭ 23-26 كۇندەرى ۇلىبريتانيانىڭ استاناسى لوندون قالاسىندا قازاق مادەنيەتىنىڭ كۇندەرى وتپەك. بۇل مادەني ٴىس-شارا اياسىندا بۇگىن قازاق دراماتۋرگى، قر مەملەكەتتىك سىيلىعىنىڭ لاۋرەاتى دۋلات يسابەكوۆتىڭ «ٴبىز سوعىستى كورگەن جوقپىز» اتتى اعىلشىن تىلىندەگى جاڭا كىتابىنىڭ تۇساۋ كەسىلمەك. قازاق وقىرمانىنا كەڭىنەن تانىس د.يساكەبوۆتىڭ ايتۋلى تۋىندىسىنىڭ اعىلشىن تىلىندە جارىققا شىعۋى جەڭىستىڭ 70 جىلدىعىنا ارنالىپ وتىر.

25-ساۋىردە ۇلىبريتانيانىڭ كورولدىك تەاترىندا قىزىلوردا وبلىستىق ن.بەكەجانوۆ اتىنداعى قازاق مۋزىكالىق دراما تەاترى ۇجىمى د.يسابەكوۆتىڭ «وكپەك جولاۋشى» («ەسكى ۇيدەگى ەكى كەزدەسۋ») اتتى سپەكتاكلىن اعىلشىن كورەرمەنىنە ۇسىنباق.

قازاق مادەنيەتىنىڭ كۇندەرى لوندون قالاسىنداعى «ايتماتوۆ اكادەمياسىنىڭ» ۇيىمداستىرۋىمەن جانە قىزىلوردا وبلىستىق اكىمشىلىگىنىڭ قولداۋىمەن وتپەك. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي