BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن اقىن ۇلىقبەك ەسداۋلەتتىڭ تۋعان كۇنى

استانا. 29 ٴساۋىر. baq.kz – بۇگىن بەلگىلى اقىن، قازاقستان مەملەكەتتىك سىيلىعىنىڭ لاۋرەاتى، "قۇرمەت" وردەنىنىڭ يەگەرى ۇلىقبەك ەسداۋلەتتىڭ تۋعان كۇنى! قالامگەرگە زور دەنساۋلىق، قاجىماس قايرات، سارقىلماس شابىت تىلەيمىز! 

ۇلىقبەك ورازباي ۇلى ەسداۋلەت - قازاقتىڭ اقىنى، جۋرناليست.
1954 جىلى 29 ساۋىردە شىعىس قازاقستان وبلىسى زايسان اۋدانى ۇلكەن قاراتال اۋىلىندا دۇنيەگە كەلگەن.
اكەسى - ەسداۋلەتوۆ ورازباي (1921-1998)، ۇوس ارداگەرى، ەڭبەك ارداگەرى، ورتا مەكتەپتىڭ حيميك-بيولوگى بولعان.
اناسى - سالىقبايەۆا روزا سەيىتجانقىزى (1929 جىلى تۋعان )، زەينەتكەر، فيلولوگ-تىل مامانى.
س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن (1977) جۋرناليست ماماندىعى بويىنشا، م.گوركيي اتىنداعى ادەبيەت ينستيتۋتى جانىنداعى جوعارى ادەبي كۋرستاردىڭ پوەزيا ٴبولىمىن (ماسكەۋ قالاسى، 1985) ادەبيەتشى ماماندىعى بويىنشا بىتىرگەن. گۋمانيتارلىق عىلىمدار اكادەمياسىنىڭ قۇرمەتتى اكادەميگى (2004 جىلدان). قازاقستان جۋرناليستيكا اكادەمياسىنىڭ تولىق اكادەميك-مۇشەسى. م. اۋەزوۆ اتىنداعى سەمەي ۋنيۆەرسيتەتىنىڭ قۇرمەتتى پروفەسسورى (2007 جىلدان).
«قانات قاقتى» (1974)، «جۇلدىزجارىعى» (1977)، «اپتايدىڭ التىنتامىرى» (1979)، « ۇلىستىڭ ۇلى كۇنى» (1982)، «اق كەرۋەن» (1985)، «جاراتىلىس» (1989)، «جۇرەكتەگى جارىلىستار» (1995)، «التاي اسۋلارى» (1988)، «زامان-اي» (1999)، «كيىز كىتاپ» (2001) كىتاپتارىنىڭ; «احيللەستىڭ وكشەسى» ولەڭدەر جيناعىنىڭ (2003); قازاق تىلىندەگى 5 تومدىق شىعارمالار جيناعىنىڭ (2006)، «ىنتىق زار» (2009)، «ٴابىلحايات» (2009) اۆتورى. «سەمەي-نەۆادا» قوزعالىسىنىڭ ٴانۇرانى «زامان-اي» ٴانى سوزدەرىنىڭ اۆتورى.
اقىننىڭ شىعارمالارى شەت تەلدەرىنە اۋدارىلعان. ٴۇندى، تۇرىك، فين، افريكا، الجير، ۋكراين، ٴازىربايجان، قىرعىز، ابحاز، مونعول، ساحا-ياكۋت جانە باسقا حالىقتاردىڭ اقىندارىنىڭ ولەڭدەرىن; سونداي-اق م.لەرمونتوۆتىڭ، ا.بلوكتىڭ، د.كەدريننىڭ، ن.رۋبسوۆتىڭ جانە ت.ب. ٴبىرقاتا شىعارمالارىن قازاق تىلىنە اۋدارعان. قازاق، ورىس جانە تۇرىك تىلدەرىن بىلەدى.
1971 جىلدان - شىعىس قازاقستان وبلىستىق گازەتىنىڭ كوررەكتورى. 1977 جىلدان - رەسپۋبليكالىق «قازاقستان پيونەرى» گازەتىنىڭ ٴبولىم مەڭگەرۋشىسى. 1979 جىلدان - «جازۋشى» باسپاسىنىڭ رەداكتورى (الماتى قالاسى). 1985 جىلدان – قازاق تەلەۆيزياسى جاستار رەداكسياسىنىڭ رەداكتورى. 1986 جىلدان - «قازاق ادەبيەتى» گازەتى رەداكسياسى سىن ٴبولىمىنىڭ ٴتىلشىسى. 1988 جىلدان - قازاقستان جازۋشىلار وداعى باسقارماسىنىڭ حاتشىسى. 1991 جىلدان - «جاس قازاق» گازەتىنىڭ باس رەداكتورى. 1993 جىلدان - قر سىرتقى ىستەر مينيسترلىگىندە ٴبولىم مەڭگەرۋشىسى. 1997 جىلدان – قر قوعامدىق كەلىسىم، اقپارات جانە مادەنيەت مينيسترلىگىنىڭ ٴبولىم مەڭگەرۋشىسى. 2000 جىلدان - قر پرەمەر-مينيسترىنىڭ كەڭسەسىندە مادەنيەت سەكتورىنىڭ مەڭگەرۋشىسى. 2002 جىلدان - «قازاق ادەبيەتى» گازەتى رەداكسياسىنىڭ باس رەداكتورى.
2008 جىلدان بەرى - «جۇلدىز» ادەبي جۋرنالىنىڭ باس رەداكتورى.
قازاقستان جازۋشىلار وداعى باسقارماسىنىڭ حاتشىسى. مەملەكەتتىك سىيلىقتى تاعايىنداۋ جونىندەگى قر مەملەكەتتىك كوميسسياسىنىڭ، ەسكەرتكىشتەر مەن مونۋمەنتتەر جونىندەگى مەملەكەتتىك كوميسسياسىنىڭ، تۇركى الەمىنىڭ ادەبي جۋرنالدارى كونگرەسىنىڭ تۇراقتى كەڭەسىنىڭ مۇشەسى.«اقبار» بيليارد كلۋبىنىڭ مۇشەسى. «قۇرمەت» وردەنىمەن (2001); «قازاقستان كونستيتۋسياسىنا 10 جىل» (2005)، «استانانىڭ 10 جىلدىعى» (2008) مەدالدارىمەن ماراپاتتالعان. قازاقستان لەنين كومسومولى (1986)، «جىگەر» شىعارماشىل جاستار بايقاۋلارىنىڭ (1979)، تۇركى تىلدەس ەلدەر پوەزياسى بايقاۋىنىڭ (1995)، حالىقارالىق «الاش» (2000)، قر مەملەكەتتىك سىيلىقتارىنىڭ (2003) لاۋرەاتى. رەسەيدىڭ التىن ەسەنين مەدالىنىڭ كاۆالەرى (2007). «قارا پيما» پوەماسى «جالىن» رەسپۋبليكالىق (جابىق) ادەبي سايىسىنىڭ جەڭىمپازى اتانعان (1982). «ٴمۇشايرا»اقىندار سايىستارىنىڭ بىرنەشە مارتە جەڭىمپازى.
اسكەري اتاعى - زاپاستاعى لەيتەنانت.
ساياسي قايراتكەر رەتىندەگى يدەالى - ابىلاي حان.
قازاقستاننىڭ بولاشاعى تۋرالى بولجامى - «رەسپۋبليكانىڭ وركەندەۋى».
ٴحوببيى - كىتاپتار، بيليارد، كومپيۋتەر.
ۇيلەنگەن. جۇبايى - ەسداۋلەتوۆا بەيسەنگۇل كەنجەبەكقىزى، دارىگەر-زەرتحاناشى. قىزى - ەسداۋلەت نازىم (1980 جىلى تۋعان )، حالىقارالىق جۋرناليست، «قازاقستان» ۇلتتىق تەلەارناسىنىڭ جۇرگىزۋشىسى; ۇلى - ەسداۋلەت روللان (1982 جىلى تۋعان )، مۇناي بيزنەسىنىڭ حالىقارالىق ەكونوميسى، ينۆەستيسيالىق كومپانيادا اكتيۆتەردى باسقارۋشى. نەمەرەلەرى - اييا، نۇراييا،ٴاليحان.
ەسداۋلەت "جالىن" جۋرنالى ۇيىمداستىرعان جابىق بايگەسىنىن جەڭىمپازى (1982)، قازاقستان جاستار وداعى سىيلىعىنىڭ (1986)، قازاقستان مەملەكەتتىك سىيلىعىنىڭ (2002) لاۋرەاتى. "قۇرمەت" وردەنىمەن ماراپاتتالعان (2001).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي