BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەرليندە م.ماقاتايەۆتىڭ «اققۋلار ۇيىقتاعاندا» اتتى نەمىس تىلىندەگى كىتابىنىڭ تۇساۋكەسەرى ٴوتتى

استانا. 30 ٴساۋىر. baq.kz - ۇستەمىزدەگى جىلى 29 ساۋىردە بەرليندە قازاقستاننىڭ ەكونوميكا جانە مادەنيەت ورتالىعىندا «قازاق كىتاپحاناسى» جوباسىنىڭ اياسىندا مۇقاعالي ماقاتايەۆتىڭ «اققۋلار ۇيىقتاعاندا» اتتى نەمىس تىلىندە شىققان كىتابىنىڭ تۇساۋكەسەر ٴراسىمى ٴوتتى. بۇل شاراعا گەرمانيا بۋندەستاگىنىڭ دەپۋتاتتارى، جەرگىلىكتى مەملەكەتتىك ورگاندارىنىڭ وكىلدەرى، زياتكەرلىك توپتارى، قازاق دياسپوراسى جانە ديپلوماتيالىق كورپۋس قاتىستى دەپ حابارلايدى قر ٴسىم ٴباسپاسوز قىزمەتى  

قر گفر-داعى ەلشىسى نۇرلان ونجانوۆ ٴوز سالەمدەمە سوزىندە قوناقتاردى قازاقستاننىڭ باي مادەنيەتى جانە تاريحىمەن تانىستىرىپ، «قازاق كىتاپحاناسى» جوباسىنىڭ ماقساتتارى مەن مىندەتتەرى، ونىڭ گەرمانيانىڭ باسپا كومپانياسىمەن بىرگە جۇزەگە اسىرىلۋى تۋرالى بايانداپ بەردى. ديپلومات كىتاپ اۆتورى قازاق حالقىنىڭ مادەنيەتى مەن ادەبي مۇراسىنا سالماقتى ۇلەس قوسقاندىعىن ەرەكشە اتاپ ٴوتتى.

شارا بارىسىندا "قازاق كىتاپحاناسى" جوباسىنىڭ ىرگەتاسىن قالاعاندار، ايگىلى نەمىس ادەبيەتتانۋشىلارى لەونارد كوشۋت پەن كريستينە ليحتەنفەلد باياندامالارىن وقىپ، ويلارىمەن ٴبولىستى. گەرمانيانىڭ اتاقتى ادەبي سىنشىلارى گفر مەن قر مادەني-گۋمانيتارلىق جوبانىڭ ٴىس جۇزىندەگى ماعىناسى زور، ونىڭ ارقاسىندا جىل سايىن قازاقستاننىڭ مادەني يگىلىگىنىڭ بىردەن-بىرى گەرماندىق جانە ەۋروپالىق قوعامدا قولجەتىمدى بولا الاتىندىعىن اتاپ ٴوتتى. سونىمەن قاتار، ولار جوبا اياسىندا گەرمانيادا شىعارىلعان جانە تۇساۋى كەسىلگەن كىتاپتاردىڭ اۆتورلارى، قازاق جازۋشىلارىمەن كەزدەسۋلەرى جانە اسەرى تۋرالى ٴبولىستى.

ٴوز كەزەگىندە، م.ماقاتايەۆتىڭ كىتابىن نەمىس تىلىندە باسىپ شىعارعان ماريو پشەرا تۇساۋكەسەر ٴراسىمىن جۇرگىزىپ، اقىننىڭ پوەتيكالىق ەرەكشەلىگىنىڭ ماعىناسىن، قازاقتىڭ ولەڭ قۇرىلىسىنىڭ ەرەكشە نىساندارى تۋرالى باياندادى.

گۋمبولدت اتىنداعى بەرلين ۋنيۆەرسيتەتىنىڭ قازاق ٴتىلى لەكتوراتىندا وقيتىن نەمىس ستۋدەنتتەرى تەاترلاندىرىلعان كورىنىس ۇيىمداستىرىپ، اقىننىڭ ولەڭدەرىن قازاق جانە نەمىس تىلدەرىندە وقىپ شىقتى.

«قازاق كىتاپحاناسى» جوباسى 2006 جىلدان باستاپ قازاقستاننىڭ گەرمانيادا ەلشىلىگىمەن جۇزەگە اسىرىلۋدا، ونىڭ اياسىندا قازاق اۆتورلارىنىڭ 20 استام كىتاپتارى نەمىس تىلىندە باسىلىپ شىعارىلدى. ولاردىڭ اراسىندا ەلباسىنىڭ «ەۋرازيا جۇرەگىندە»، «قازاقستان جولى»، «بەيبىتشىلىك كىندىگى»، سونىمەن قاتار م.اۋەزوۆ، ت.احتانوۆ، ٴى.ەسەنبەرلين، ا.نۇرپەيسوۆ، و.سۋلەيمەنوۆ، د.دوسجان جانە ت.ب قازاقتىڭ كورنەكتى اۆتورلارىنىڭ كىتاپتارىن ەرەكشە اتاپ وتۋگە بولادى. جوبانىڭ ماقساتى قازاقستاننىڭ قازاق مادەنيەتىن جانە قازاق جازۋشىلارىنىڭ شىعارماشىلىعىمەن گەرمانيا مەن ەۋروپادا ەلدەرىن تانىستىرۋ بولىپ تابىلادى. كىتاپتار «قازاق كىتاپحاناسى» اتتى لوگوتيپىمەن، ٴبىرىڭعاي ارلەنىممەن قازاق جانە نەمىس تىلدەرىندە باسىلىپ شىعادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي