BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىر باۋىرجاننىڭ قاناتتى سوزدەرى

استانا. 10 مامىر. baq.kz. كۇركىرەپ وتكەن سوعىستا ەتىگىمەن سۋ كەشكەن باتىر اتامىز باۋىرجان مومىش ۇلىنىڭ ەرلىگى بۇگىنگى ۇرپاق ٴۇشىن اڭىزعا بالانادى. باۋكەڭنىڭ وشپەس مۇراسىنىڭ ٴوزى ٴبىر بولەك اڭگىمە. ايتۋلى كۇندە باۋىرجان مومىش ۇلىنىڭ ناقىل سوزدەرىن نازارلارىڭىزعا ۇسىنۋدى ٴجون كوردىك.  

• ەرلىك – تاربيە جەمىسى.
• جاۋىنگەرلىك تاربيە اسكەري كيىمدە ەمەس، جورگەكتە جاتىر.
• سولداتتىڭ اناسى – وتاننىڭ اناسى.
• اقىلدى كىسىنىڭ ٴسوزى دە، ٴوزى دە سۇيكىمدى.
• جاقسى سولدات كومانديرگە ۇستاز، ال، جامان، اقىماق گەنەرال كوماندير تۇگىلى سولداتقا ۇستاز بولا المايدى.
• سوعىستىڭ زاڭى – وتە قاتال زاڭ.
• بىرەۋدىڭ قاتەسىن ورىنسىز كەشىرۋگە بولمايدى.
• اقكوڭىل دەگەن نارسەنىڭ ەكى ٴتۇرى بار: اڭعال اقكوڭىل، اقىلدى اقكوڭىل.
• جالتاقتاردىڭ كوبى اقىماق، اكىمقۇمار كەلەدى.
• ورىندى ىسكە، پايدالى قاتالدىققا ەشكىم وكپەلەمەيدى.
• سيمۆولدىق سىيلىقتاردى قارا باستىڭ قۇلقىنىنا قۇربان ەتۋ – قاسيەتسىزدىك.
• ماقتاۋ ٴقاۋىپتى نارسە. ماقتاۋدىڭ ەكى ٴتۇرى بار: ٴبىرىنشىسى – قارا نيەتتى ماقتاۋ، ەكىنشىسى – اق نيەتتى ماقتاۋ.
• ادامنىڭ كوزقاراسى مەن ٴتۇرى – جان دۇنيەسىنىڭ رەنتگەنى.
• ورىندى زىركىلدەۋ – ساباق، ورىنسىز زىركىلدەۋ – ازاپ. ورىندى زىركىلدەۋ جاستاردى دۇرىس جولعا، ورىنسىز زىركىلدەۋ بۇرىس جولعا سالادى.
• تەرلەپ ەڭبەك ەتپەگەننىڭ تىلەگىنە جەتكەنىن كورگەنىم جوق.
• ەجەلدەن ەر تىلەگى – ەل تىلەگى. ادال ۇل ەر بوپ تۋسا – ەل تىرەگى.
• وپاسىزدا وتان جوق.
• وتاندا وپاسىزعا ورىن جوق.
• وتانىڭ ٴۇشىن وتقا ٴتۇس – كۇيمەيسىڭ.
• ايعايمەن الا المايسىڭ، اقىلمەن، ايلامەن باسقار.
• تاربيەلى – ٴتارتىپتىڭ ق ۇلى.
• ٴتارتىپتى – ەلدىڭ ۇلى.
• بەلدەسكەننىڭ بەلىن سىندىر،
• تىرەسكەننىڭ تىزەسىن بۇكتىر!
• قايراتىڭا ٴادىسىڭدى جولداس ەت،
• ادىسىڭە اقىلىڭدى جولداس ەت.
• ادىسسىزدىك – السىزدىك،
• ەپتىلىك تە ەرلىك.
• قارابەت بولىپ قاشقانشا،
• قايرات كورسەتىپ ولگەن ارتىق.
• بەرىك بولماي ەرىك جوق.
• جاقسى ٴسوز جان سۇيسىندىرەدى،
• بويعا قۋات بىتىرەدى.
• تاياقتان تايسالماساڭ،
• سەمسەردەن سەسكەنبەسەڭ،
• جەڭدىم دەي بەر...
• ٴومىر ٴۇشىن ولگەنشە كۇرەس.
• تارتىپكە باس يگەن قۇل بولمايدى،
• ٴتارتىپسىز ەر بولمايدى.
• وجەتتىلىكتەن نە پايدا،
• ەرلىگى مەن اقىلى
• كوپتى باتىر ەتپەسە.
• ەرلىك ەلەۋسىز قالماسىن.
• جاۋىڭدى جاپىرا ٴبىل،
• باۋداي تۇسىرە ٴبىل.
• قيىن ساتتە تىزگىنىڭدى بوساتپاي، شاپشاڭ دا شەبەر قيمىلدا.
• جىگىت بولساڭ، جىگەرىڭدى جاسىتپا، قايراتىڭا قايتا ٴمىن.
• ۇرىستا تاۋەكەل ەتۋ دە – ەرلىك.
• ٴارقاشان اسكەري ار-نامىسىڭدى ساقتا،
• سولداتتىق بورىشىڭا ادال بول.
• حالىقتىڭ ىزگى ٴداستۇرى – ٴبىزدىڭ ەڭ اسىل مۇرامىز.
• ادامنىڭ كوتەرىڭكى كوڭىل-كۇيى – ۇرىستا ەڭ ايبارلى قارۋ.
• التىن باستى بولساڭ دا، اردان ارتىق ەمەسسىڭ.
• اشۋىڭا اقىلىڭدى جەڭدىرمە، ٴوز ساباڭنان شىعىپ كەتپە.
• ٴاربىر بۇيرىقتىڭ ورىندالۋى – بۇلجىماس شارت.
• جەرگە تەر توگىپ، حالىققا قان توگىپ قىزمەت ەتۋدەن ايانبا.
• انامىزدىڭ اق سۇتىمەن بويىمىزعا دارىعان ٴتىلىمىزدى ۇمىتۋ – بۇكىل اتا-بابامىزدى، تاريحىمىزدى ۇمىتۋ.
• حاس باتىر ۇرپاعى باردىڭ ولسە دە ارمانى جوق.
• جەڭىس شايقاسقا دەيىن شىڭدالادى.
• وسەر ەلدىڭ بالاسى اكەدەن دە اسىپ تۇسەر.
• كىشىپەيىلدىلىك – ادامگەرشىلىك كوركى.
• جاۋىنگەرلىك بورىشتى وتەۋ – جەڭىسپەن بىردەي.
• تەكسىزدەن تەزەك ارتىق، ارسىزدان ايۋان ارتىق.
• ٴوزىن اياعان – دۇشپانعا دوس.
• جانىن اياعان – تانىنە جاۋ.
• قىراعىنىڭ ٴوزى دە، كوزى دە باتىر.
• اركىم ٴار جاعدايدا ولەدى، اقىماق تا، اقىلدى دا ولەدى.
• ٴبىراق، قالاي ٴولۋ باسقاشا.
• باتىرعا سىردىڭ سۋى سيراعىنان كەلمەيدى،
• قورقاققا باتپاق تا كەدەرگى، شالشىق تا بوگەت.
• قاناتتى ٴسوزدىڭ قاراپايىم سوزدەن ايىرماسىن سەرگەك قۇلاق،
• العىر وي اجىراتادى.
• ٴوزىنىڭ ۇلتىن سىيلاماعان، ۇلتىن ماقتانىش تۇتا دا المايدى،
• ول ٴسوز جوق ارامزا، تەكسىز ٴارى قاڭعىباس.
• جاقسى كوماندير جاۋىنگەرىن زور ەتەدى،
• جامان كوماندير وفيسەرىن قور ەتەدى.
• ٴار ادامنىڭ مىنەزى – استىنداعى تۇلپارى.
• سونىڭ اعىنىمەن ادامدار ومىردەن زىمىراپ ٴوتىپ جاتادى.
• ويلى باستىق ۇقىپتى قىزمەتكەردى ادام ەتەدى.
• ويسىز باستىق وقىپ كەلگەن ماماندى نادان ەتەدى.
• جاسىق جان ەرجۇرەك بولا المايدى.
• ول جانقيارلىق ەرلىك جاساۋعا دا قابىلەتسىز.
• ويلاۋ دەگەنىمىز – العان اسەردى بىرتىندەپ ەندەي وتىرىپ،
• وبەكتيۆتى شىندىقتى بەينەلەيتىن تانىمنىڭ جوعارعى ساتىسى.
• سەنىمدىلىك تابىسقا جەتۋگە دەگەن قۇلشىنىستى ارتتىرادى،
• بويعا قۋات بەرەدى، دەرەۋ ارەكەت جاساۋعا يتەرمەلەيدى.
• زەرىگۋ قىزمەت ورنىنا، تابيعاتى كەلمەيتىن جۇمىسقا بەيىمدىلىگىنە،
• قابىلەتىنە قاراماي تاعايىنداي سالۋشىلىقتان كەلىپ تۋادى.
• ەكىجۇزدىلىك – جالعان جانى اشۋشىلىق، تۇسىنۋشىلىك، ۇعىنۋشىلىق،
• پىكىرلەستىك، وتىرىك نارسەنى شىن دەپ، شىندى جاسىرىپ كورسەتۋشىلىك.
• پارىز العا قويعان مىندەتتەن تۋادى، ياعني، مىندەت ادامعا پارىزدى جۇكتەيدى.
• سوندىقتان دا پارىز بەن مىندەت ادامنىڭ قىزمەت ارەكەتىندە دە ٴار ٴتۇرلى.
• ادامنىڭ جان-تانىنە تۇسەتىن ٴجونسىز سىن مەن اۋىرتپالىقتان،
• ارىپ-اشۋ مەن قاجۋدان مۇمكىندىگىنشە اۋلاق بولعان ٴجون.
• ٴتارتىپ – ٴتان ٴۇشىن، ىنتىماق – جان ٴۇشىن كەرەك.
• تىزە بۇگىپ، ٴتىرى جۇرگەننەن، تىكە تۇرىپ، ولگەن ارتىق.
• انا ٴۇشىن ايانبا – انت ۇرادى،
• بالا ٴۇشىن ايانبا – بەتىڭ كۇيەدى.
• ەل ٴۇشىن ايانبا – جىگىتتىلىگىڭە سىن.
• ەل دەگەندە – ەزىلىپ، جۇرت دەگەندە – جۇمىلىپ ىستە.
• باتىر – باتىر ەمەس، باتىرلاردى باستاعان باتىر.
• اشۋ-ىزاسىز جەك كورۋ مۇمكىن ەمەس.
• سىرتقى تارتىپسىزدىك – ادامنىڭ ىشكى كەمشىلىگى.
• ۇشقىنسىز وت تۇتانباس.
• قاشۋ – جاۋدان قۇتىلۋدىڭ جولى ەمەس، ولىمنەن دە جامان، اۋىر وپاسىزدىق.
• مەيىرىم بولماسا سۇيە دە المايسىڭ.
• بۇيرىق – العىر باسشىنىڭ وي-ارمانى.
• اسكەرسىز–قولباسشى قاۋقارسىز، باسشىسىز – اسكەر ٴالسىز.
• سىن ەردى شىڭدايدى،
• قورقاقتى قينايدى.
• ادامزاتقا ومىردەن ار قىمبات، ولىمنەن دە ۇيات كۇشتى.
• قورقاق – دورەكى ٴارى اقىماق.
• اتقا ٴمىنىپ جۇرە المايتىنعا جۋاس تا اساۋ، جەبە دە قىسقا، تارتپا دا بوس، ەردىڭ ٴۇستى دە قولايسىز، تىزگىن دە ۇزىن كورىنەدى – بارلىق سىلتاۋدى جايىپ سالادى.
• العىرلىق ويدىڭ ىشكى مازمۇنىن نۇرلاندىرىپ تۇرادى.
• اقىلگويلىك كەيدە ونەگەسىزدىككە تىرەيدى.
• ٴتارتىپ كەيدە تارتىپسىزدىكتى تۋدىرادى.
• ەكىجۇزدىلىكتىڭ بالىن تاتىپ جۇرگەننەن، ادىلدىكتىڭ اششى ۋىن ىشكەن ارتىق.
• وتىرىكتىڭ قاناتىن قومداعانشا، اۋىرتپالىقتىڭ جۇگىنەن بۇگىلگەن ارتىق.
• ٴوزىن سىيلاماعان باسقانى سىيلاۋعا قابىلەتسىز.
• بارلىق حالىق بارلىق ۇلى جانە تاماشا نارسەلەردى جاساۋعا قابىلەتتى.
• ۇرلىق، وپاسىزدىق – بۇل ۇلتتىق داستۇرلەر ەمەس، ۇلتتىڭ ىشىندە كوركەۋدەلىك.
• ۇلتتىق ماقتانىش – سول ۇلتتىڭ ادامى ٴۇشىن قاسيەتتى ٴارى بۇزىلماس زاڭ.
• تاۋەكەلسىز – جەڭىس جوق.
• جاۋدان قاشىپ ەمەس، قورعانىپ جانە شابۋىلعا شىعىپ قۇتىلا الاسىڭ.
• ۇلتتىق رۋح – بۇل، اسىل قاسيەت، ۇلتشىلدىق – بۇل ۇلت ىشىندەگى جەكە ادام بويىنداعى كوركەۋدەلىك.
• باقانىڭ باعىنان، سۇڭقاردىڭ سورى ارتىق.
• وپىنعانىڭدى ايتپا، ودان كەيىنگى ويلانعانىڭدى ايت.
• ىزاڭدى ايتپا، ىزادان سوڭعى ىندىنىڭ مەن ىقىلاسىڭدى جەتكىز.
• الجىعاندا كەلگەن اتاق ابىروي اپەرمەيدى.
• جاقسى باستىق – جارتى باقىت.
• ەركەكتى بۇزاتىن ەكى قۇمارلىق – اراق پەن ايەل.
• ۇلىنى ۇلى ۇعادى، دانانى دانىشپان عانا تۇسىنەدى.
• ەلىن سۇيگەن جاۋىنگەر ەر بولادى.
• جىگەرسىز ٴسوز جۇرەككە جەتپەيدى.
• باسقا جازۋشىلار سيامەن جازسا، ٴبىز قانىمىزبەن جازامىز.
• ٴتارتىپ – جاۋىنگەردىڭ ٴبىرىنشى قارۋى.
• انانىڭ ٴالديىن بىلمەگەن – ۇل بولمايدى،
• ۋستاۆتى بىلمەگەن – سولدات بولمايدى.
• ورىنسىز ەرلىك – ادامدى وكىندىرمەي قويمايدى.
• قايرات – قامال بۇزادى.
• قار ەرىگەنمەن، قاراتاۋ ەرىمەيدى.
• ەر ولەدى، ەل قالادى.
• ەسىمى ەل جۇرەگىندە ساقتالعان ەر عانا باقىتتى.
• ەل قورعاۋ جولىندا ەرلىكپەن ولگەن ەرلەردىڭ جازىعى جوق.
• اقىلدىڭ ارتىقتىعى، كەڭەستىڭ كوپتىگى جوق.
• ٴبىر جارالىعا جاردەم بەرىپ، ونى امان الىپ قالعان جاۋىنگەر – ون ۇل تاپقان انادان ارتىق.
• ۇلكەندى – ىزەتتە، كىشىنى – كۇزەتكە.
• ايدىندانا شاپقاننان اجال دا سەسكەنەدى.
• قاتالدىقتىڭ ەكى ٴتۇرى بولادى: اقىلدى قاتالدىق، ەسەرسوقتىق قاتالدىق.
• ٴبىزدىڭ زاماندا بەيقام كىسى عانا ٴتۇرىن جاسقا بەرمەيدى. كۇرەس، بەينەت، وي كۇيىگى، اشۋ-ىزا ادامداردىڭ بەتىنە قاشان دا ٴىز تۇسىرەدى.
• دۇرىس اۋدارما جاساۋ ۇلكەن ونەر. ٴتىلدىڭ نازىك سىرلارىن بىلمەي اۋدارۋ مازمۇندى جۇدەتەدى، شىعارمانىڭ ەكپىنىن، ىشكى تىنىسىن تارىلتادى.
• ولىمنەن قورقۋعا بولمايدى. ەڭبەككە قابىلەتتىلىكتەن ايىرىلۋدان قورقۋ كەرەك.
• ومىردەن قايتكەندە كوپ قارپىپ الۋ دەگەنىمىز – توعىشارلىق، ال قوعامعا قايتكەندە كوپ بەرۋ – بۇل كۇرەسكەردىڭ ٴىسى.
• ٴومىردىڭ قۋانىشى كوپ الۋىڭدا ەمەس، باسقالارعا كوپ بەرۋىڭدە، ٴبىلىم مەن تاجىريبەڭدى حالىققا تاراتۋىڭدا.
• ۇلكەن باستىقتىڭ قاتاڭ سوككەنىنەن گورى دە ادامدى ٴوزىنىڭ ارى سوگۋى كۇشتى.
• زاتتار مەن قۇبىلىستاردى تانيتىن كۇش-اقىل دەپ اتالادى. اقىلدىڭ جۇمىسى ادامنىڭ ىشكى سەزىم كۇيىن بەينەلەيدى.
• سەنىمدىلىك تابىسقا جەتۋگە دەگەن قۇلشىنىستى ارتتىرادى، بويعا قۋات بەرەدى، ابدەن ايقىندالعان ٴامىر بەرۋگە نەمەسە جەكە ٴىس-قيمىلعا شاقىرادى – ياعني، دەرەۋ ارەكەت جاساۋعا يتەرمەلەيدى.
• العان اسەرلەردى جالعان، جاساندى تۇردە كورسەتۋ – سوعىستا ەڭ سوراقى باقىتسىزدىق، ٴقاۋىپتى وتىرىك.
• وتانعا دەگەن سۇيىسپەنشىلىك قانا سوعىس كەزىندەگى ٴولىمدى مورالدىق تۇرعىدان اقتاپ، سوعىس ٴىسىنىڭ ادامگەرشىلىك نەگىزى بولا الادى.
• ولجا – ەلگە ساۋعا، اتاق – ەرگە ساۋعا.
• ماقتان سۇيگىشتىككە قارسى قولدانىلاتىن بىردەن-بىر قۇرال – قارا قىلدى قاق جارار ادىلدىك، ەرلىكتى وتە سەزىمتالدىقپەن ايىرا ٴبىلىپ، تاۋىپ، كورە بىلۋشىلىك.
• جالپى مىقتى ەرىك-جىگەر – جەڭىس سەرىگى.
• ٴالسىز ەرىك-جىگەر – جەڭىلىسكە ۇشىراۋدىڭ حابارشىسى.
• مىنەزسىزدىك – ويلاۋدىڭ ايقىن ەمەستىگى.
• ناعىز جاۋىنگەرلەردى تاربيەلەۋدە ٴداستۇردىڭ الاتىن ورنى زور.
• بيلىك تە ٴقاۋىپتى. ەگەر بيلىك اقىلدى ادامنىڭ قولىنا بەرىلگەن بولسا – وندا اقىلدى باسشىعا، ال ەگەر اقىماققا بەرىلگەن بولسا – وندا ەسەرسوققا اينالادى.
• سوعىس – ٴومىر مەن ٴولىمنىڭ اراسىنداعى قىل كوپىر.
• ەل دەگەندە ەمىرەنىپ، جۇرت دەگەندە جۇگىنىپ قىزمەت ەتكىن.
• ادال بولماي ازاماتپىن دەمەگىن.
• اتاعىڭا اقىلىڭ ساي كەلسە عانا سىيلى بولاسىڭ.
• وتىرىكتىڭ بالىن جالاپ ٴتىرى جۇرگەنشە، شىندىقتىڭ ۋىن ٴىشىپ ولگەن ارتىق.
• تىلەككە ەڭبەك تىرەك بولماسا، ويعا ومالىپ، قىردان اسا المايسىڭ.
• ەرلىك – ەلدىڭ قاسيەتى، جۇرەكتىلىك – جىگىتتىڭ قاسيەتى.
• سابىرلىلىق الدىندا دۇشپان ساسادى، سابىرسىزدان بەرەكە قاشادى.
• ٴۇمىت ورگە تارتادى، ۇمىتسىزدىك كورگە تارتادى.
• ٴوز ۇلتىن سىيلاماۋ، ونى ماقتانىش ەتپەۋ – ساتقىندىق!
• ٴدامدى، ٴداستۇردى سىيلاماي وسكەن بالالاردىڭ قولىنا قىلىش بەرسە، كىمدى دە بولسا شاۋىپ تاستاۋعا دايار.
• جاياۋ اسكەر – ۇرىستا شەشۋشى كۇش.
• سولداتتىڭ العاشقى ەرلىگى – بۇل وفيسەردىڭ ەركىنە مويىن ۇسىنۋ، باعىنۋ. وفيسەردىڭ العاشقى ەرلىگى – حالىقتىڭ اتىنان، مەملەكەتتىڭ اتىنان ٴامىر ەتە ٴبىلۋ.
• حالىقتىڭ اتىنان اسكەري ەرلىگى ٴۇشىن العىس ايتىپ، جىگەرلەندىرە ٴبىلۋ – جاۋىنگەرلىك قۇرمەت كورسەتۋ.
• ارمياداعى ەڭ قيىن شارۋا – مويىنسۇنۋ، باعىنا بىلۋشىلىك. ٴامىر ەتۋ – مويىنسۇنۋعا قاراعاندا ودان دا قيىنىراق ٴىس.
• ويلانىپ تۇجىرىم جاساۋ ويلاعان نارسەنى ورىنداعاننان كۇردەلىرەك.
• جاۋىنگەرلىك باقىت ۇرىستا كومانديرگە كەزدەيسوق كەلمەيدى، جەڭىسپەن كەلەدى.
• ٴوز مىندەتىن ويلى كوزبەن قاراۋ – كوماندير قىزمەتىنىڭ تۆورچەستۆولىق نەگىزى.
• قاتالدىق ٴادىل بولسىن، ەشۋاقىتتا ادامنىڭ بويىنداعى ادامگەرشىلىك سەزىمىنە، نامىسىنا ٴتيىپ، قورلامايتىنداي بولسىن.
• قاتالدىق ازاماتتىق مىنەز-ق ۇلىق نورماسى شەگىنەن اسىپ كەتپەۋى قاجەت.
• كوماندير –جەڭىستىڭ اتاسى، تاباندىلىقتىڭ جان-جۇيەسى، تۇتقاسى، كوللەكتيۆتىڭ ابىرويى.
• كوزسىزدىك – باتىرلىق ەمەس، ەسەرسوقتىق.
• كوماندير كوزسىزدىك جاساپ باتىلدىق، باتىرلىق، تاباندىلىق كورسەتپەي، ەستى بولا الماسا كەرەك.
• ٴتۇسىنۋ تالداۋدان گورى الدەقايدا كۇردەلىرەك.
• ەڭ قيىنى – شىدامدىلىق، توزىمدىلىك، بايسالدىلىق پەن سابىرلىلىق كورسەتۋ، تۆورچەستۆولىق تۇرعىدان دۇرىس، پاراساتتى ويلاي ٴبىلۋ.
• ۇلتتىق رۋح – ۇلى ادامنىڭ جانە تۇتاستاي العاندا ۇلتتىڭ دا اسىل قاسيەتى.
• ۇلتتىق ماقتانىش – ۇلت ىشىندەگى جەكە ادام ٴۇشىن مىزعىماس ٴارى قاسيەتتى زاڭ.
• حالىقتاردىڭ باۋىرمالدىعى ۇلتتىق ماقتانىشقا نەگىزدەلگەن.
• ايبارلى ادام تەك ايبارلى ادامدى عانا سىيلاي السا كەرەك، ونىڭ جاسىق جاندى قۇرمەتتەمەسى ابدەن زاڭدى.
• كىر-قوقىس ادامدى ازدىرىپ، توزدىرادى.
• جەكە ماقتانىش سەزىمى ەرلىكتى تۋدىرادى.
• تاربيە ادام بويىندا جاقسى مىنەز-ق ۇلىق قالىپتاستىرادى.
• كونتەرىلىلىك، كونبىستىك – اسقاق ادامنىڭ سەرگەك ويىنا تۇساۋ.
• كۇدىك – قورقىنىشتىڭ ٴبىر ٴتۇرى.
• جەكە تاجىريبە – ۇلى ٴىس، ول سانادا تەرەڭ ٴىز قالدىرادى.
• اسكەري ىستە ەس تاجىريبەنى نەگىزدەۋگە قىزمەت ەتەدى.
• پارىزدى ٴتۇسىنۋ ار-ۇيات دەپ ايتىلادى.
• ار – پارىزدىڭ باقىلاۋشىسى، ادام قىزمەتىن رەتتەپ وتىرۋشى.
• ابىرويدى، جوعارى مورالدىق رۋحتى ساقتاۋ جولىندا ٴوز ٴومىرىن قييۋعا دەيىن بارۋعا نيەت ەتۋ – نامىس دەپ اتالادى.
• نامىسقا كىر كەلتىرۋشىلىك، مورالدىق رۋحتىڭ اسقاقتىعىن قورلاۋ – ماسقارا بولۋشىلىق.
• جىگەرلەندىرۋ دەگەنىمىز – رۋحاني كۇش بەرۋ، كۇش-قۋاتتىڭ تاسۋى، سەرگەكتىك كۇي.
• ادامنىڭ باسىنا تۇسكەن قايعىنى بولىسە بىلۋشىلىك ادامنىڭ بويىندا كوللەكتيۆشىلدىك سەزىمدى تاربيەلەۋدىڭ ناتيجەسى.
• ەشقاشان ومىردە ۇمىتتەنە الماعان ادام عانا ٴۇمىتىن ۇزە الادى.
• ۇلتتىق رۋح پەن ۇلتتىق پاتريوتيزم – بۇل ۇلتتىڭ ىشىندەگى جەكە ادامنىڭ اسىل بەلگىسى مەن قاسيەتى.
• ۇلتشىلدىقتىڭ نەگىزىندە باسقا حالىقتارعا ٴوزىن قارسى قويۋشىلىق، انتوگونيزم جاتادى، ال ۇلتتىق رۋحتىڭ تابيعاتىنا ٴوز حالقىنا دەگەن سۇيىسپەنشىلىك ارقىلى باسقا حالىقتاردى ٴسۇيۋ مەن قۇرمەتتەۋ ٴتان.
• كىمدە-كىم مادەنيەتتىڭ نەگىزىن بولشەكتەۋگە جول بەرسە، ول ادامعا بارلىق جاعىنان ايىپ پەن ٴادىل كىنا تاعىلۋعا ٴتيىس.
• باسقالاردىڭ تاسىنىڭ ورگە دومالاۋى، كۇش-قۋاتىنىڭ، قايراتىنىڭ ارتىقتىعى، سونداي-اق، ماتەريالدىق يگىلىگى كۇنشىلدىك سەزىمىن تۋدىرادى.
• كۇنشىل ٴوزىنىڭ كەسكىن كەلبەتى جاعىنان ٴارقاشان دا ٴوزى كۇندەپ جۇرگەن ادامنان تومەن تۇرادى.
• ٴسوز تاسۋشى ادام وسەكتەپ جۇرگەن ادامىنىڭ تىرناعىنا دا تۇرمايدى.
• كۇنشىل – قوعامدا جەكسۇرىن دا زياندى ادام، ويتكەنى ول ادامگەرشىلىككە، جات قىلىققا، ٴتىپتى قىلمىسقا دا بەيىم.
• توبىر – ارميا ەمەس، ارميا دا – توبىر ەمەس.
• ۇيىمشىلدىق بىرلەسىپ ورتاق مىندەت پەن ماقساتتى ورىنداۋعا اقىلدى، ەرىك-جىگەردى جۇمىلدىرۋعا مۇمكىندىك جاسايدى.
• ۇرىس دالاسىندا باسشى – ٴسوزدىڭ ادامى ەمەس، تىكەلەي ٴىس-قيمىلدىڭ ادامى بولۋى كەرەك.
• جالپى مىقتى ەرىك-جىگەر – جەڭىس سەرىگى.
• ٴالسىز ەرىك-جىگەر – جەڭىلىسكە ۇشىراۋدىڭ حابارشىسى.
• ەرىك دەگەنىمىز – قوزعاۋشى كۇش، ماقساتقا جەتۋ جولىنداعى كەدەرگىلەردى جەڭۋشى قۇرال.
• كەز كەلگەن ادامعا باتىرداي بولسام دەگەن نيەت، ەلىكتەۋ ٴتان.
• جۇرتتىڭ كوبىنە اقىل بەرىلگەنىمەن، جۇرەك بارىنە بىردەي بەرىلمەگەن.
• اسكەري ٴبولىمنىڭ كۇشى جاۋىنگەرلىك دوستىق پەن جولداستىق بىرلىكتە، ىنتىماقتا.
• جاۋىنگەرلىك دوستىقتاعى باستى نارسە – ٴوزارا تۇسىنىستىك، ادامنىڭ ادامگەرشىلىگىن قۇرمەتتەپ سىيلاي بىلۋشىلىك.
• قاراپايىمدىلىق ەكى جاقتى ٴمان-ماعىنا بەرەدى: قاراپايىم دەگەن ٴسوز ٴبىر جاعىنان – تەرەڭدىكتى، ەكىنشى جاعىنان – بوس، قۋىس دەگەن ۇعىمدى، باسقاشا ايتقاندا، قاراپايىم ٴارى اقىلدى نەمەسە قاراپايىم ٴارى اقىماق دەگەندى بىلدىرەدى.
• ٴبىر جاقتىلىق – وفيسەردىڭ ٴمىنى، كەمشىلىگى.
• قوستاي بەرۋشىلىك – السىزدىك.
• ٴوزىڭ مەرت بولعاننان گورى ٴولتىرۋ قيىنىراق.
• اشۋمەن ەمەس، اقىلمەن ۇيرەتۋ كەرەك.
• اقىلدىلار ٴۇشىن اتاق-داڭق – بۇل ٴزىل باتپان جۇك.
• اتاق-داڭق بارىپ تۇرعان اقىماق بولۋعا يتەرەدى.
• ەگەر اتاق-داڭقتى كوتەرە الماي اقىماقتانا، ەسىرە تۇسسە، بۇل ادامنىڭ جاعىمسىز كولەڭكەلى جاعى.
• ەگەر ادام بەلگىلى، تانىمال بولا باستاسا، ول وبرازعا، ٴوزىنىڭ جەكە “مەنى” ەندى وزىنە ٴتان بولمايتىن ادامعا اينالا باستايدى.
• قالىڭ سولدات تا ابدەن قالىپتاسقان حالىق.
• ولىمگە اسىقپاي، ۇرىس جۇرگىزۋدى ۇيرەن.
• ۇرىس جۇرگىزە ٴجۇرىپ ۇيرەن، شىڭدالا، ٴارى باتىلدانا ٴتۇس.
• جەكە ۇلگى-ونەگە ۇرىستا باسقارۋ قۇرالى بولىپ تابىلادى.
• ادامداردى شابۋىلعا باستاپ كوتەرۋدەن ەڭ اۋىر مىندەت جوق.
• ناعىز سولدات بولۋ وڭاي ەمەس.
• ادىلەتسىزدىك اشۋ-ىزا تۋعىزادى.
• عاسىرلار بويى سەڭى بۇزىلمايتىن وتىرىك بولادى. ٴبىراق تا، ٴبارى ٴبىر وتىرىك اشكەرەلەنەدى.
• ەرجۇرەكتىلىك پەن باتىلدىق جۇرەكتەن شىعۋعا ٴتيىس.
• كىتاپ – الەمنىڭ ازاماتى.
• شىندىق – سۋرەتكەردىڭ ۇلى مىندەتى.
• كەز كەلگەن كىتاپتىڭ باستى ماقساتى – اعارتۋ.
• وتىرىك – زيان، كەسىر.
• ەرلىكتىڭ اتاۋسىز كەتۋى – حالىقتىڭ تراگەدياسى.
• ۇيرەنۋ، شىنىعۋ ٴارى ەسەيۋ ٴۇشىن سوعىسا ٴبىل.
• ٴوزىن-وزى دارىپتەۋشىلىك – ٴوز كۇشى مەن قابىلەتىن تىم اسىرا باعالاۋشىلىق.
• ماداقتاۋ مەن جازالاۋدى ٴقادىرىن كەتىرىپ ٴجونسىز قولدانبا.
• سوعىستا زيان الىپ كەلۋشىلىك – بۇل ٴجونسىز توگىلگەن قان، اقتاۋسىز كىسى ٴولىمى.
• سىن ساعاتتا، اۋىر كۇندەردە باۋىرمالدىق پەن ىنتىماقتاستىق نىعايادى، بەكيدى، قاتايا تۇسەدى.
• تەحنيكا قانشاما دامىپ جەتىلگەنمەن، ويلايتىن، پاراساتتى ادامنىڭ ورنىن اۋىستىرا المايدى.
• سوعىس ۇزاق جىلدارعا وتاننىڭ تاعدىرىن، سوعىسىپ جاتقان حالىقتىڭ تاعدىرىن شەشەدى.
• حالىق ولمەيدى.
• سوعىس – حالىقتىڭ كۇش-قۋاتىن، ەرلىك-جىگەرىن سىنايتىن ۇلى ەمتيحان.
• ادەبيەت، مۋزىكا، جيۆوپيس – بارلىق ۇلى دا تاماشا نارسەلەردى ناقتى بەينەلەيدى، ول اتا-بابالارىمىزدىڭ دانالىق سوزدەرى مەن ولاردىڭ ەڭبەكتەرى – ٴومىردى تانۋداعى ناقتى، كۇشتى، مىقتى قۇرال، كۇرەستىڭ كۇشتى قارۋى بولىپ تابىلادى.
• تەحنيكا قانشاما جەتىلگەنمەن، دامىعانىمەن، ٴبارىبىر كۇرەستىڭ قۇرالى رەتىندە قالادى.
• ادامنىڭ جان-دۇنيەسى – ۇرىستا ەڭ قاتەرلى، كوزگە كورىنبەيتىن قارۋ. جان دۇنيەسىنە زاڭ بويىنشا ٴبىرىنشى ورىن تيەسىلى، وعان كۇش-قۋاتى جاعىنان تەڭەسەر كۇرەس قۇرالى جوق جانە بولمايدى دا.
• ادام بويىنداعى باستى سەزىم – پارىز سەزىمىن ۇشتاپ، تاربيەلەۋ.
• ونەر ەرتەدەن-اق حالىقتىڭ ومىر-تىرشىلىگىن، كۇرەسى مەن جاقسىلىققا دەگەن ٴارمان-ۇمىتىن بەينەلەي وتىرىپ، حالىقتىڭ سانا-سەزىمىن دامىتۋدا ەرەكشە ٴمانى بولعان.
• الەمدە پارىزدان ارتىق قۋاتتى قوزعاۋشى كۇش جوق ٴارى بولمايدى دا.
• كوزسىز باتىر دا، شەكتەن شىققان قورقاق تا جوق.
• قورقاقتىق بولماسا، ەرلىك تە بولماعان بولار ەدى.
• ەرلىك دەگەنىمىز اسكەري تاربيەنىڭ، شيرىققان ىشكى كۇرەستىڭ، ەڭ الدىمەن ادامنىڭ ٴوزىن جەڭە بىلگەن كۇرەسىنىڭ ناتيجەسى.
• وتىرىك – بارىپ تۇرعان زياندى ۋ.
• شىندىق – پارىز سەزىمىن، ەرلىككە، ادامگەرشىلىك جاعىنان كىرشىكسىز بولۋعا، مۇقالماس ەرىك-جىگەردى شىڭداۋعا، ٴوز پارىزىنا دەگەن سەنىمدىلىككە تاربيەلەۋدە ەڭ ٴبىر قۇنارلى قۇرال بولىپ تابىلادى.
• ٴوز پارىزىن سانالى تۇردە ٴتۇسىنۋ عانا سولداتتى بارىنەن دە جوعارى قويادى.
• پارىزدى سانالى تۇردە ٴتۇسىنۋ عانا بارلىق يگىلىكتى ىستەرگە اسپانداعى باعدار سىلتەر جۇلدىز سياقتى، ادام نەگە قابىلەتتى بولسا، سوعان، بارلىق ۇلى جانە تاماشا نارسەلەرگە قابىلەتىن ارتتىرا تۇسەدى.
• پارىزدان بيىك شىڭ جوق.
• پارىز – ارمان مەن داڭق شىڭى.
• بولعان وقيعانى شىن مانىندە بولعان كۇيىندەگىدەي ەتىپ سۋرەتتەۋ، كورسەتۋ – بۇل تۇرپايىلىق، ۇستىرتتىك ەمەس، بۇل دا ونەر.
• كۇرەستىڭ ٴمان-ماعىناسىن تەرەڭ كوركەمدىكپەن اشىپ كورسەتۋ – حاس سۋرەتكەردىڭ ۇلى مىندەتى مەن پارىزى.
• قاتال سوعىستاعى ادامدار – شىعارمانىڭ ماتەريالى. ولاردىڭ بەينەلەرى مەن پورترەتتەرى – عاسىرلار بويى ٴوزىنىڭ تەرەڭ ٴمانىن جويمايتىن ٴداۋىر مەن حالىقتىڭ مۇسىندىك بەينەسى، سەبەبى ولار قايتالانبايتىن ۋاقىت پەن جاعدايلاردا جاسالىنعان.
• سوعىس ٴوزىمىزدى ٴوزىمىز جانە باسقالاردى تانۋعا بەينەبىر تانىم ايناسى بولدى.
• ساقتىق جاساي وتىرىپ، باتىل تۇردە قيمىلداۋ – باتىردىڭ باستى قاسيەتى.
• سوعىستىڭ ماڭگىلىك تاقىرىبى قاسيەتتى توگىلگەن قان بولىپ قالا بەرەدى.
• تەك ادىلدىكتىڭ كۇشىنىڭ ارقاسىندا عانا ٴادىل جانداردىڭ ادىلەتتىلىگى ومىردەن ورىن الادى.
• ٴبىزدىڭ جەرىمىزدە ەركەك – دىڭگەك، ايەل – گۇل. دىڭگەك – جاپىراقسىز، گۇلسىز، قازاقشا ايتقاندا “قۋ باس” دەگەن ٴسوز. ايەل – قۇنارلى توپىراق، وندا ادامزات ٴدانى ٴوسىپ، جەتىلەدى. ٴبىز سول ٴداننىڭ جەمىسىمىز. ايەلسىز ادامزات “جەمىسى” ەشقاشان دا بولمايدى.
• ەرلىكتى ونىڭ مەرت بولۋىنان ىزدەمەي، ونىڭ وزىنەن ىزدەۋ كەرەك.
• قىزعانىشتىڭ ٴۇش ٴتۇرى بار: جەكە باستىڭ قىزعانشى، ۇلتتىق قىزعانىش سەزىمى جانە وتانعا دەگەن سۇيىسپەنشىلىكتەن تۋاتىن قىزعانىش سەزىمى.
• ۇرىس يدەالى دەگەنىمىز – بۇل ۇرىستى شىعىنسىز جەڭىپ شىعۋ.
• ۇرىس ونەرى دەگەنىمىز – بۇل ۇرىستى ازىراق شىعىنمەن جەڭىپ شىعۋ دەگەن ٴسوز.
• قانى تامىپ تۇرعان شىندىقتى تابۋ وڭاي ەمەس، ال ونى جيناقتاۋ ودان دا قيىن.
• ۇرىستا ٴبارى تەكسەرىلەدى، ادامنىڭ بارلىق جەكە قاسيەتتەرى سىنعا تۇسەدى.
• جالعاندىق وقتىڭ استىندا شىداس بەرمەيدى.
• قورقىنىش سەزىمى بارلىق تىرشىلىك يەسىنە ٴتان جانە بارلىق جەردە بار.
• ٴوز ەركىمەن قورقىنىشتى ەشكىم دە جەڭە المايدى، تەك قانا ٴماجبۇر ەتۋ جولىمەن عانا جەڭۋگە بولادى.
• ار ومىردەن قىمبات، ماسقارالىق پەن ابىرويسىزدىق ولىمنەن جامان – ناعىز سولداتتىڭ ار-ۇياتى كەز كەلگەن سىرتقى ٴماجبۇر ەتۋدەن دە قاتال.
• قورقىنىشپەن كۇرەستە ەرلىك، جەڭىستىڭ ناتيجەسىندە پارىز سەزىمى تۋادى.
• ۇرىستا ٴومىر ەشكىمگە سىيعا بەرىلمەيدى، جەڭىپ الىنادى.
• ٴوزىن-وزى ساقتاۋ ينستينكتىنىڭ ەكى جاعى بار: ول قورقاقتىقتى دا تۋدىرۋى ىقتيمال، ٴبىراق كوپشىلىك جاعدايدا ول ەرلىكتى تۋدىرادى.
• تاباندىلىق – باتىلدىق قالقانى.
• كىم قورعانا الماسا، سول ولەدى.
• ٴومىر ٴۇشىن كۇرەس – ۇرىستاعى قورعاۋشى كۇش.
• شىندىق – بۇل ەرلىككە تاربيەلەۋدەگى ەڭ ٴبىر قۇنارلى قۇرال.
• وتىرىك – اقىرىندا ٴتىپتى ناعىز شىندىققا سايكەس كەلەتىن رەسمي ماتەريالدارعا دا سەنىمسىزدىك تۋدىراتىن ەڭ زياندى ۋ.
• ٴابسوليۋتتى باتىر دا، ٴابسوليۋتتى قورقاق تا جوق.
• بۇگىنگى ىس-ارەكەتىمىزدىڭ ساتسىزدىك تاجىريبەسى، ەرتەڭگى كۇنگى ٴساتتى ٴىسىمىزدىڭ حابارشىسى بولۋعا ٴتيىس.
• ٴبىزدىڭ ناقتى بولمىسىمىز – شىندىق.
• شىندىق اقيقاتتى ٴتۇسىندىرۋشى.
• شىندىق – باس شاباتىن ايبالتا، بۇل وتىرىكتىڭ تامىرىن شاباتىن ايبالتا.
• جەڭىس وزدىگىنەن كەلمەيدى.
• ٴتىل بايلىعى، ٴتىل تازالىعى – ۇلت قاسيەتىنىڭ، سالت-ساناسىنىڭ نەگىزگى ونەگە، ناعىز باستى بەلگىسى.
• انا ٴتىلىن سۇيمەگەندىك، بىلمەگەندىك، ۇلت سەزىمىن جويا وتىرىپ، ۇلت بەزەرلىك تۋدىرادى.
• زەرتتەپ بىلمەيىنشە ٴبىلۋ دە، ىستەي الۋ دا مۇمكىن ەمەس.
• جەكە جانە قوعامدىق ومىردە ادام قاسيەتتەرىنە سوعىس اسەر ەتپەي قويمايدى.
• ۇرىس جالعان باتىرلىقتىڭ بەت پەردەسىن سىپىرىپ تاستايدى.
• كوكپار، بايگە، اۋدارىسپاق – باتىلدىققا، ەپتىلىككە باۋليتىن، بۇلشىق ەتتى شىنىقتىراتىن، قۇمارلىقتى وياتار، ەسەپپەن تاۋەكەلگە بەل بايلاۋعا، ٴتىپتى ٴوزىنىڭ ارى مەن تاعى ٴۇشىن ولىمگە باس تىگۋگە دەيىن باراتىن ٴداستۇرلى سپورتتىق ويىندار. بۇل ويىنداردىڭ يگىلىكتى ەكەندىگىنە ەشقانداي كۇدىك بولماۋعا ٴتيىس.
• شىن دوس سىرتىڭنان ماقتايدى.
• سايقال عانا بەتىڭە قاراپ قىلمىڭدايدى.
• ايەلدىڭ سايقالى ٴبىردى عانا اربايدى، ادەبيەت سايقالىنىڭ مىڭعا زيانى تيەدى.
• ساۋاتسىز جازۋشىنىڭ كەيىپكەرى نادان بولىپ شىعادى.
• ماقال، ماتەل – ٴومىر تاجىريبەسى.
• جاس ادامعا جۇرەك – بي.
• يت – اۋىل ەسىگىنىڭ قوڭىراۋى.
• قازىرگى انشىلەر قايعىنى بيگە، قاسىرەتتى ارزان كۇلكىگە، مۇڭدى قۋانىشقا اينالدىرىپ جىبەردى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي