BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بالبال تاستىڭ جۇرەگى بۇلك ەتكەندە...»

 استانا. 11 جەلتوقسان. baq.kz - بۇگىن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە بەلگىلى اقىن، «دارىن» جاستار مەملەكەتتىك سىيلىعىنىڭ لاۋرەاتى، ەكى مارتە مەملەكەتتىك ستيپەنديا يەگەرى داۋلەتكەرەي كاپ ۇلىنىڭ «بالبال تاستىڭ جۇرەگى بۇلك ەتكەندە...» اتتى جىر كەشى وتەدى.

 كەشتە اقىننىڭ قۇراستىرۋىمەن جارىق كورگەن، ٴالى سياسى كەپپەگەن «شەرتولعاق» اتتى ٴوز ايتىستارى توپتاستىرىلعان جەكە جيناعىنىڭ تۇساۋى كەسىلەدى. كەشتى حالىقارالىق «الاش» ادەبي سىيلىعىنىڭ يەگەرى باقىت بەدەلحان جۇرگىزەدى.
داۋلەتكەرەي كاپ ۇلى 1977 جىلى 9 تامىزدا تۋعان. ٴال-فارابي اتىنداعى قازمۇۋ-دىڭ فيلولوگيا فاكۋلتەتىن، (1995-1999) ل.ن. گۋميلەۆ اتىنداعى ەۇۋ-نىڭ ماگيستراتۋراسىن (2000-2002) بىتىرگەن. ٴقازىر وسى ۋنيۆەرسيتەتتىڭ phd دوكتارانتى.
ي.بايزاقوۆتىڭ 100 جىلدىعىنا ارنالعان رەسپۋبليكالىق اقىندار ايتىسى، موڭعوليانىڭ بايان-ولگەي ايماعىنىڭ 60-جىلدىق مەرەيتويىنا ارنالعان حالىقارالىق ايتىسى، ماحامبەت وتەمىس ۇلىنىڭ 200 جىلدىعىنا ارنالعان حالىقارالىق ايتىسى، داۋلەتباي باتىردىڭ 300 جىلدىعىنا ارنالعان رەسپۋبليكالىق ايتىسى، ش.قۇدايبەردى ۇلىنىڭ 150 جىلدىعىنا ارنالعان رەسپۋبليكالىق ايتىستاردىڭ باس جۇلدەگەرى. سونىمەن قاتار باسقا دا رەسپۋبليكالىق تالاي ۇلكەن ايتىستاردا توپ جاردى.
2000 جىلى «جۇلدىز» جۋرنالى جاريالاعان ا.ىبىرايەۆ اتىنداعى رەسپۋبليكالىق جازبا اقىندار ٴمۇشايراسىنىڭ باس جۇلدەسىن، ٴiii-شى حالىقارالىق شىعارماشىل جاستاردىڭ «شابىت» فەستيۆالىنىڭ پوەزيا نوميناسياسى بويىنشا گران-پري، اياگوز اۋدانىنىڭ 80 جىلدىق مەرەيتويىنا ارنالعان رەسپۋبليكالىق جازبا اقىندار سايىسىنىڭ باس جۇلدەلەرىن يەلەنگەن.
داۋلەتكەرەي كاپ ۇلىنىڭ «جىر ٴتاڭىرى»، «ولەڭگە اركىمنىڭ-اق بار تالاسى»، «جاس اقىندار جىرلارىنىڭ انتولوگياسى»، «بايبەسىك تۇمالارى»، «تاۋەلسىزدىكتىڭ نۇرلى تاڭى»، «شابىت»، «جيدەباي»، «جانارتاۋ»، «ازاتتىق تاڭىنداعى ازات جىر» ت.ب. قازاق اقىندارىنىڭ بىرىككەن جىر جيناقتارىندا ولەڭ-جىرلارى جاريالانعان. «ٴسۇتتى ٴىڭىر» (2007)، «بۇلدىرگەن اعىپ تۇسكەنشە» (2011) اتتى جەكە جىر جيناقتارى جارىق كورگەن.
سەگىز سەرى باھرام ۇلىنىڭ (مۇحاممەد-قانافيا) ولەڭ-داستاندارىن قۇراستىرىپ، شىعارماشىلىعىن سارالاپ «ەلوردا» باسپاسىنان «گاۋھارتاس» دەگەن اتپەن شىعارعان. سونداي-اق، شىعىس تۇركىستان ۇلت-ازاتتىق كوتەرىلىسىنىڭ قاھارمانى وسپان باتىر ٴىسلام ۇلى تۋرالى تانىمدىق كىتاپتى قۇراستىرىپ، باسپادان شىعارۋشى.
تالانتتى اقىن، دراماتۋرگ ە.اسقاروۆتىڭ «جۇرەكجاردى»، «ارمانىمنىڭ اق قۇسى»، «شىعىس جۇلدىزدارى» (2 توم)، ش. ابەنوۆتىڭ «شىڭعىستاۋ» اتتى كىتاپتارىن قۇراستىرعان. تۇركيانىڭ ادانا (تارسۋس) قالاسىندا وتكەن تۇركىتەكتەس حالىقتاردىڭ قاراجولان اتىنداعى سەگىزىنشى ەلارالىق پوەزيا فەستيۆالىنىڭ لاۋرەاتى.
ول ادەبيەتتەگى سىيلىقتارىنان بولەك استانا قالاسىنىڭ 10 جىلدىق مەرەكەلىك مەدالىمەن ماراپاتتالعان. موڭعوليا دەموكراتيالىق پارتياسىنىڭ «ازاتتىق» وردەنىنىڭ يەگەرى. قازاقستان جازۋشىلار وداعىنىڭ مۇشەسى.
كەش قوناقتارى اراسىندا تىنىشتىقبەك ابدىكاكىموۆ، ۇلىقبەك ەسداۋلەت، ٴجۇرسىن ەرمان، تۇرسىنعازى راقيموۆ، جاناربەك ٴاشىمجان، باۋىرجان حاليوللا، رينات زايىتوۆ، بالعىنبەك يماشەۆ، اسەم ەرەجەقىزى، جانداربەك بۇلعاقوۆ، جاس ايتىسكەرلەر مەيىربەك، ەركەبۇلان بار.
بەلگىلى ونەر يەلەرىنەن سەكەن تۇرىسبەك، جانعالي جۇزبايەۆ، ەربول ايتبايەۆ، گۇلزيرا بوكەيحانقىزى، ايگۇل ەلشىبايەۆا، زاعيپا يمانعازى ونەر كورسەتەدى. كەشتىڭ باستالۋى، 11 جەلتوقسان كۇنى ساعات 17.00دە. 

 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي