BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالاردىڭ ۇزدىك شىعارماسى ٴۇشىن 6 ملن. تەڭگە بەرىلەدى

استانا. 22 ٴساۋىر. baq.kz - ەلىمىزدە بالالارعا ارنالعان ۇزدىك شىعارمالارعا اراسىندا ح حالىقارالىق «دارابوز» بايگەسى باستالدى. بۇل تۋرالى egemen.kz ٴتىلشىسى حابارلادى.

بيىل ونىنشى رەت ۇيىمداستىرىلىپ وتىرعان بايقاۋدىڭ باستى ەرەكشەلىگى – قالامگەرلەر شىعارمالارىن بۇرىنعىداي لاقاپ اتپەن ەمەس، ٴوز اتى-جوندەرىمەن جانە ەكى تىلدە (قازاق، ورىس)، ٴۇش ٴتۇرلى جانر (پوەزيا، پروزا، ەرتەگىلەر) بويىنشا ۇسىنا الادى. اقىن-جازۋشىلاردى بالالار تاقىرىبىنا تارتۋعا «باۋىرجان» قايىرىمدىلىق قورى مەن قازاقستان جازۋشىلار وداعى تىكەلەي ۇيىتقى بولىپ، «zhersu» ينۆەستيسيالىق-وندىرىستىك كورپوراسياسى قارجىلاي دەمەۋ كورسەتپەك. قازىرگى تاڭدا قازاقستان جازۋشىلار وداعىندا 760 ادام بولسا، سونىڭ 16-سى بالالار جازۋشىسى. ول قازاقستان جازۋشىلارىنىڭ 2 پايىزى عانا بۇلدىرشىندەر تاقىرىبىنا، ياعني بالالار ادەبيەتىنە قالام تارتادى دەگەن ٴسوز. ۇلتتىق مەملەكەتتىك كىتاپ پالاتاسىنىڭ كورسەتكىشى بويىنشا ەلىمىزدە 1 335 مەمەلەكەتتىك جانە جەكە-مەنشىك باسپالار بار. ٴبىراق سولاردىڭ ىشىندە بالالار ادەبيەتىنە دەن قويعانى نەكەن-ساياق. سوڭعى 10 جىل ىشىندە ەلىمىزدە 8 523 ادەبي كىتاپ باسىلىپ شىقتى. سونىڭ ىشىندە بالالارعا ارنالعان ادەبي كىتاپتار سانى بار بولعانى 220. وسى جايتتاردى ەسكەرە كەلىپ، بالالار ادەبيەتىنە ارنالعان «دارابوز» حالىقارالىق ادەبي بايگە 2006 جىلدان باستاپ «zhersu» ينۆەستيسيالىق وندىرىستىك كوپوراسياسى مەن قازاقستان جازۋشىلار وداعىنىڭ قولداۋىمەن ون جىل بويى ۇيىمداستىرىلىپ كەلەدى. وسى كونكۋرستىڭ جەڭىمپازى دەپ تانىلعان شىعارمالار ەكى تىلدە «كاۋسار بۇلاق» جانە «چيستىي رودنيك» اتتى كىتاپتار سەرياسىن جىل سايىن جارىققا شىعارىپ، مەكتەپ كىتاپحانالارىنا تەگىن تاراتىلىپ ٴجۇر. ٴار جەڭىمپاز كولەمدى اقشالاي جۇلدەگە جانە باسپالاردىڭ بىرىمەن كەلىسىم شارتقا وتىرۋ قۇقىعىنا يە بولماق. ۇزدىك شىعارمالاردىڭ جۇلدەگەرلەرىن ارنايى قۇرىلعان ٴادىلقازىلار القاسى داۋىس بەرۋ ارقىلى شەشەدى. ٴادىلقازىلار وتىرىسى ۇستىمىزدەگى جىلدىڭ 25-مامىر كۇنى وتكىزىلەدى. «دارابوز» جۇلدەسىن سالتاناتتى تۇردە تابىس ەتۋ ٴىس-شاراسى 2015 جىلدىڭ 1 ماۋسىمىندا، قازاقستان جازۋشىلار وداعىندا وتكىزۋ ۇيعارىلعان. سونىمەن، بالالار ادەبيەتىن العا سۇيرەۋدى ماقسات تۇتقان بايقاۋدىڭ جاي-جاپسارى مەن تالاپتارى تۋرالى بالالار جازۋشىسى قازاقستان جازۋشىلار وداعىنىڭ مۇشەلەرى، بالالار جازۋشىسى شاكەن كۇمىسبايەۆ، «zhersu» يوك باسقارما وكىلىنىڭ ورىنباسارى سوڭعۇل شارا، «باۋىرجان» قايىرىمدىلىق قورىنىڭ نەگىزىن قالاۋشى جۇلدىز وماربەكوۆا، س.بەگالين اتىنداعى مەملەكەتتىك بالالار كىتاپحاناسىنىڭ ديرەكتورى سوفيا رايەۆا، «الماتىكىتاپ» باسپاسىنىڭ پرەزيدەنتى گاۋھار سايماسايەۆا مەن اقىن، قازاقستان جازۋشىلار وداعىنىڭ مۇشەسى سۇلتان قالي ۇلى جان-جاقتى اڭگىمەلەپ، جۋرناليستەردىڭ ساۋالدارىنا جاۋاپ بەردى. قىسقاسى، بالالار ارنالعان شىعارماشىلىق بايقاۋدىڭ باس جۇلدەگەرى – 1 ميلليون تەڭگە يەلەنسە، ٴبىرىنشى ورىن العان 2 ۇزدىك قالامگەرگە – 700 مىڭ تەڭگەدەن، ەكىنشى ورىن العان 2 ادامعا – 300 مىڭ تەڭگە، ٴۇشىنشى ورىن العان 3 ادامعا – 200 مىڭ تەڭگەدەن بەرىلەدى. جالپى، بايقاۋدىڭ جۇلدە قورى 6 ميلليون تەڭگەنى قۇرايدى. جۇلدەگەرلەردەن قالعان قاراجات جەڭىمپاز شىعارمالاردى جيناق ەتىپ شىعارۋعا جۇمسالىپ، بۇل كىتاپتار مەكتەپتەردىڭ كىتاپحانالارىنا تەگىن تاراتىلماقشى.

ايناش ەسالي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي