BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ب.بايبەك: «تۇركىستاننىڭ» مەرەيتويى – قازاق رۋحانياتىنىڭ مەرەكەسى

استانا. 28 ٴساۋىر. baq.kz – بيىل رەسپۋبليكالىق "تۇركىستان"گازەتى ٴوزىنىڭ جيىرما جىلدىڭ مەرەيتويىن اتاپ وتۋدە. ايتۋلى داتاعا وراي «نۇر وتان» پارتياسى ٴتوراعاسىنىڭ ٴبىرىنشى ورىنباسارى باۋىرجان بايبەك رەداكسيا ۇجىمىن قۇتتىقتادى:

قۇرمەتتى زيالى قاۋىم، ۇلت جاناشىرلارى!

اقپارات كەڭىستىگىندە وزىندىك ەرەكشە ورنى بار «تۇركىستان» گازەتىنە 20 جىل تولىپ وتىر. وسى مەرەيلى وقيعامەن باسىلىم ۇجىمىن، بارشا وقىرمانداردى شىن جۇرەكتەن قۇتتىقتايمىن!

مەن ٴۇشىن تاۋەلسىزدىگىمىزدىڭ التىن بەسىگى اسەم الماتىدا، وسىنداي مەرەكەنىڭ ۇستىندە وزدەرىڭىزدەي ۇلت زيالىلارىمەن، اعا بۋىنمەن جۇزدەسۋ – ۇلكەن مارتەبە!

ويتكەنى، جيىرما جىل ابىرويمەن جۇمىس اتقارىپ، تاۋەلسىزدىك جىلناماسىن جاساۋعا اتسالىسىپ، ياعني ەلمەن بىرگە، بيىل 15 جىلدىعىن تويلاپ وتىرعان پارتيامەن بىرگە جاساپ كەلە جاتقان «تۇركىستاننىڭ» مەرەيتويى ٴبىر باسىلىمنىڭ عانا ەمەس، جالپى قازاق ٴباسپاسوزىنىڭ تاريحىنداعى قۋانىش دەر ەدىم.

جاڭارىپ جاتقان ٴومىر، ەكونوميكامىزداعى وڭ وزگەرىستەر جانە اتاۋىنا سايكەس تەك قازاقتىڭ عانا ەمەس، ٴبۇتىن تۇركى دۇنيەسىنىڭ تىنىس-تىرشىلىگى، رۋحاني قۇندىلىقتارى، ٴبارى دە گازەت ۇدايى كوتەرىپ جۇرگەن التىن ارقاۋلى ماسەلەلەر.

ەڭ باستىسى، «تۇركىستان» گازەتى وسى جىلدار بويى ەلباسى نۇرسۇلتان نازاربايەۆتىڭ سارابدال ساياساتىن ناسيحاتتاي وتىرىپ، حالىقارالىق اقپاراتتا ٴتول بەت-بەينەمىزدى قالىپتاستىرۋعا ۇلەس قوستى. ونىڭ قازاقستاننان تىسقارى، اسىرەسە، قانداستارىمىز شوعىرلانعان رەسەيگە، موڭعولياعا، تۇركياعا، قىرعىزستانعا تارايتىنى وسىنىڭ دالەلى بولسا كەرەك.

باسىلىمنىڭ يدەيالىق باستاماشىسى ٴارى العاشقى باس رەداكتورى – حالىق جازۋشىسى، مارقۇم قالتاي مۇحامەتجانوۆ. ەڭ العاشقى قۇرىلتايشىلارىنىڭ ٴبىرى – حالىق جازۋشىسى ٴابدىجامىل نۇرپەيىسوۆ. مۇنىڭ ٴوزى گازەتتىڭ قۇنارلى ورتادان باستاۋ العانىن كورسەتەدى.

باسىلىم تاريحى ايتۋلى وقيعالارعا تولى. ايتالىق، گازەت بەتىندە التىن بەسىگىمىز – اۋىل تاقىرىبىن كەڭىنەن كوتەرىپ جاتقان تۇستا مەملەكەت باسشىسىنىڭ رەداكسياعا تەلەفون شالىپ، قولداۋ بىلدىرگەنىن گازەت جۋرناليستەرى ٴالى كۇنگە ماقتانىشپەن ەسكە الادى.

سونىمەن قاتار، پرەزيدەنتىمىزدىڭ كەزىندە كوكەيتەستى ماسەلەلەر بويىنشا جازىلعان ٴۇش بىردەي ماقالا بويىنشا ۇكىمەتكە تاپسىرما بەرگەنى دە بەلگىلى. گازەت جۇمىسىنىڭ ۇنەمى جوعارى نازاردا بولعانىن وسىدان-اق كورەمىز.

«نۇر وتان» پارتياسى ٴۇشىن بۇقارالىق اقپارات قۇرالدارىمەن تىعىز بايلانىستا بولىپ، ٴوزارا ىنتىماقتاسۋ وتە ماڭىزدى. مۇنداعى ماقسات – حالىق مۇڭىن مۇڭداۋشى، جوعىن جوقتاۋشى باق-تار ارقىلى حالىققا جاقىن بولۋ.

وسى قاعيداتتىڭ جارقىن كورىنىسى – ەلمەن تىكەلەي قارىم-قاتىناس جاساۋ ٴۇشىن جاڭا فورماتتى قوعامدىق قابىلداۋلار جۇيەسىن جەتىلدىرىپ، ەلەكتروندىق پارتيا كەشەنىن ەنگىزدىك، ينتەرنەتتىك تاسىلدەرگە يەك ارتۋىمىز كوبەيدى.

بۇل رەتتە ٴبىز ٴۇشىن «نۇر مەديا» توبىنا قاراستى اقپارات قۇرالدارىن زامان تالابىنا ساي دامىتۋ، ٴقازاقتىلدى وقىرماننىڭ قاجەتتىلىگىن قامتۋ ماسەلەسى ايرىقشا باسىمدىققا يە. «استانا» تەلەارناسىنىڭ ٴقازاقتىلدى باعدارلامالارىنىڭ ۇلەس سالماعى وسۋدە. نۇرتورە ٴجۇسىپ، شامشيددين پاتتەەۆ سياقتى مايتالماندار باسقارعان «ايقىن» مەن «تۇركىستاننىڭ» قاتارى جاقىندا عانا اتاقتى «ارا» جۋرنالىمەن تولىقتى. قاتارىمىزعا كوپەن امىربەكوۆ سىندى اعامىز قوسىلدى. كەلەسى جىلى، وزدەرىڭىزبەن باس قوسا وتىرىپ «ارانىڭ» سوناۋ بەيىمبەت مايلين، ٴىلياس جانسۇگىروۆتەردەن باستالاتىن 100 جىلدىق مەرەيتويىن اتاپ وتەمىز دەگەن جوسپارىمىز بار.

ٴقازىر گازەت-جۋرنالدار ٴۇشىن ەلەكتروندىق نۇسقاعا، ياعني ينتەرنەتكە ٴوتۋ زامانى تۋىپ وتىر. اتاقتى ۇلىبريتانيالىق گارديان گازەتى وتكەن جىلى ينتەرنەتكە تولىق اۋىساتىنىن حابارلادى. باسقا دا اتىشۋلى باسىلىمدار وسىنى جوسپارلاپ وتىر. سوعان قاراماستان، قاراكوز وقىرمانداردىڭ اقپاراتتىق قاجەتتىلىگىن ويلاعان «نۇر وتان» ٴۇشىن سۇرانىسقا يە انا ٴتىلدى گازەتتەر قاتارىن مولايتىپ، مازمۇنىن جاقسارتىپ، ينتەرنەتپەن قاتار الىپ ٴجۇرۋ باستى باعىت بولىپ قالا بەرمەك.

جالپى قازىرگى باق قۇرالدارى ٴبىزدىڭ تۇسىنىگىمىزدە حالىققا اقپارات جەتكىزىپ قانا قويماي، بارىنشا رۋحاني باعدار بەرۋمەن، بىرلىككە، ەلدىككە شاقىرۋمەن اينالىسۋى قاجەت. پارتيالىق اكتيۆتەردىڭ ٴبىرى ەمەس بىرەگەيى سانالاتىن «تۇركىستان» گازەتىنىڭ ەلگە ٴمالىم ەرەكشەلىگى - ۇلتتىق قۇندىلىقتاردى ناسيحاتتاپ، ٴداستۇرلى دۇنيەتانىم مەن بولمىستىڭ ساقتالۋىنا ۇلەس قوسۋى. وتباسىلىق قۇندىلىقتاردىڭ دارىپتەلۋىنە بارىنشا جۇمىلا كىرىسۋى.

رۋحاني قۇندىلىقتاردى ساقتاۋ ماسەلەسى زيالى قاۋىممەن تالقىلاي وتىرا وتكەن جىلى قابىلدانعان پارتيانىڭ جاڭا دوكتريناسىندا كورسەتىلگەندەي، «نۇر وتاننىڭ» نەگىزگى باسىمدىعى بولىپ تابىلادى. وسىلايشا، ەلباسى ساياساتىن جۇرگىزۋگە ارنالعان پارتيا مەن گازەتتىڭ كۇن ٴتارتىبى ٴبىر.

«تۇركىستان» ٴجۇرىپ وتكەن جيىرما جىلدا ەلىمىز الەمدىك قوعامداستىقتا مارتەبەلى مەملەكەتكە اينالدى. بۇل - پرەزيدەنتىمىزدىڭ سىندارلى ساياساتىنىڭ ارقاسى. ەندى حالقىمىزدىڭ الدىنا «2050-ستراتەگياسىندا» وركەنيەتتى 30 ەلدىڭ قاتارىنا ەنۋ ماقساتى قويىلىپ وتىر. بۇل ماقساتقا جەتۋ دەگەنىمىز – تاۋەلسىزدىگىمىزدى نىعايتۋ، مەملەكەتىمىزدى جاسامپاز ەتۋ، بابالار مۇراتى - شىنايى ماڭگىلىك ەل بولۋ دەگەن ٴسوز. ول ٴۇشىن وزگەلەرمەن ەكونوميكالىق تەڭ تەرەزەلى تىعىز قارىم-قاتىناستا بولۋىمىز كەرەكتىگى ايعاق.

قازىرگى زاماندا ەشقانداي ەلارالىق جوبالارعا قاتىسپاي، كورشىمەن تىزە قوسپاي قارقىندى دامۋ بولمايتىنىن حالىقارالىق ستاتۋستى «تۇركىستاننىڭ» وقىرماندارى جاقسى بىلەدى. جاھاندانۋ جاعدايىندا مۇمكىندىگىمىزدى سارالاي وتىرىپ، پايدامىزعا قاراي باسقامەن ەكونوميكالىق تۇرعىدا بىرىكپەۋ – باسەكەگە قابىلەتىمىزدى كەمىتەدى. دامىعان ەلدەردىڭ ٴبارى دە وسىنداي ٴۇردىس ارقىلى بۇگىنگى دەڭگەيىنە جەتىپ وتىر.

ەلباسى ايتقانداي، ٴبىز ٴۇشىن كورشى جۇرتپەن ەكونوميكالىق تۇرعىدا تىعىز بولۋ – ٴومىر زاڭدىلىعى، وتاندىق بيزنەسكە ۇلكەن نارىق كەڭىستىگىن اشۋ، ياعني ەكونوميكامىزدىڭ ومىرشەڭدىگىن، مەملەكەت قۋاتتىلىعىن ۇزاعىنان ەتۋ جولى.

وسى تۇرعىدان الساق، ٴبىز ٴۇشىن باستى ماسەلە – ىشكى ىنتىماعىمىز. الەمدەگى جاعدايدى ەسكەرسەك، ٴبىز ٴاردايىم بىرلىكتىڭ، ىنتىماقتىڭ ەرەكشە ۇلگىسىن كورسەتە ٴبىلۋىمىز كەرەك. ەلىمىزدە سالتانات قۇرعان بەيبىتشىلىكتى كوزدىڭ قاراشىعىنداي ساقتاۋ، شاڭىراعىمىزدىڭ شايقالماۋىن ويلاۋ الدىڭعى بۋىن اعالاردىڭ ارتىنان ەرگەن بىزدەر ٴۇشىن جاي ۇران، الدارتۋ ٴسوز ەمەس، ۇنەمى ەستە ساقتايتىن جاعداي.

ەلدىڭ يەسى رەتىندەگى نەگىزگى جاۋاپكەرشىلىك سىزدەر مەن بىزدەردىڭ مويىنىمىزدا. سوندىقتان دا، بۇگىنگى زامان بارىنشا بايىپتىلىقپەن، اتالارىمىز ايتقانداي، «ەكى شوقىپ ٴبىر قارايتىن» ۋاقىت دەر ەدىم. ەل مۇددەسى ٴۇشىن تۇسىنىستىك پەن ىمىراعا شاقىرۋ، سالماقتاپ سارا جول تابا ٴبىلۋ – «نۇر وتان» ٴۇشىن باستى ۇستانىم.

مەن جاڭا عانا شەتتەگى قانداستارىمىزدى تىلگە تيەك ەتكەنمىن. شىن مانىندە دە، قانداستار پروبلەماسىنىڭ بارشامىزدىڭ كوڭىلىمىزگە قاياۋ ٴتۇسىرىپ كەلگەنى جاسىرىن ەمەس. مۇنى پارتيا ۇيىمداستىرعان الامان ايتىستاردا اقىندارىمىز تالاي مارتە جىرلاعان بولاتىن. وزدەرىڭىز بىلەسىزدەر، كۇنى كەشە ازاماتتىق الۋ مەرزىمىن 7 جىلدان 1 جىلعا دەيىن ازايتۋ، قانداستارىمىزدى قونىستاندىرۋ، الەۋمەتتىك تۇرعىدان قولداۋ ماسەلەلەرىن بارىنشا جەڭىلدەتۋ بويىنشا ساياسي شەشىم قابىلداندى. ۇزاعىنان بولسىن دەي وتىرا، بۇل تۇستا ەلدەگى وقىرمانىن شەتتەگى قازاقپەن بايلانىستىرىپ، التىن كوپىر قىزمەتىن اتقارىپ وتىرعان «تۇركىستاننىڭ» قىزمەتى دە ەرەكشە دەر ەدىم.

قۇرمەتتى اعالار، باۋىرلار!

بۇگىنگى مەرەيتوي - قازاق رۋحانياتىنىڭ مەرەكەسى. ٴتۇبى ٴبىر تۇركىنىڭ ٴۇنى بولسىن دەگەن نيەتپەن باستالعان ٴىستىڭ ٴوزىنىڭ بەرەكەلى جولىن تاپقانىنا كۋا بولىپ وتىرمىز.

باسىلىمنىڭ جەتىستىكتەرى – قازىرگى تاڭدا ٴىس باسىندا جۇرگەن جانە وعان دەيىنگى ىسكەر ازاماتتاردىڭ، بارشا ۇجىمنىڭ ەڭبەگى.

الاش قايراتكەرى احمەت بايتۇرسىنوۆ ايتقانداي «حالىقتىڭ كوزى، قۇلاعى ٴhام ٴتىلى» بولۋ، ارينە، ەرەكشە جاۋاپكەرشىلىك جۇكتەيدى. تيىسىنشە، ادىلدىگىن تىكەسىنەن ايتا ٴجۇرىپ، كەمشىلىكتەردى تۇزەۋگە باستاۋ - اسا ماڭىزدى ميسسيا.

جاقسى ىستەردىڭ جارشىسى بولىپ جۇرگەن «تۇركىستان» بۇدان ٴارى دە ابىرويىن ارتتىرىپ، ەلباسى ساياساتىنىڭ بەلسەندى ناسيحاتشىسى رەتىندەگى جۇمىسىن جالعاستىرا بەرەدى دەپ سەنەمىز. بۇل ىستە ٴبىزدىڭ ٴبارىمىز زيالى قاۋىمنىڭ، الدىڭعى بۋىننىڭ اقىل سوزىنە، سىلتەگەن ٴجون-جوباسىنا جۇگىنە بىلۋگە دايىنبىز!

بارشاڭىزعا وتانىمىزدىڭ تاۋەلسىزدىگىن نىعايتۋ جولىندا بىرلەسىپ اتقاراتىن ٴىس-قيمىلدا قاجىماس قايرات، جەمىستى ەڭبەك تىلەيمىن! 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي