BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋداندىق گازەتكە جاسالعان كومەككە العىسىمىز شەكسىز

استانا. 2 تامىز. baq.kz – «اقپاراتتىق قازاقستان – 2020» مەملەكەتتىك باعدارلاماسى بويىنشا، 2017 جىلعا دەيىن باسپا باق-تىڭ ينتەرنەتكە كوشۋى قاراستىرىلعان. بۇل جاعىنان كەلگەندە مەملەكەت تاراپىنان بارلىق جاعداي جاسالىپ وتىر دەسەك بولادى. قوستاناي وبلىسى تايىنشا اۋدانىنىڭ «قۇلاعى، كوزى، ٴھام ٴتىلى» بولا بىلگەن «تايىنشا تاڭى» گازەتى سول مەملەكەتتىك باعدارلاما اياسىندا ينتەرنەت نۇسقاسىن وقىرمان نازىرىنا ۇسىنىپ وتىر. جاڭا مەديا تالاپتارىنا ساي جۇمىستى قولعا العان اۋداندىق گازەت تاعى ٴبىر تۇلەپ، كوپشىلىكتىڭ كوز ايىمىنا اينالدى. نازارلارىڭىزعا «تايىنشا تاڭى» گازەتى ينتەرنەت-رەداكسياسىنىڭ رەداكتورى ايگۇل تاشەتوۆانىڭ رەداكسيا رەفورماسى تۋرالى پىكىرىن بەرىپ وتىرمىز.

جاھاندىق عالامتور جۇيەسى بۇگىنگى زاماندا باسىلىم مەن وقىرمان اراسىنداعى بايلانىستى ودان سايىن ارتتىرا ٴتۇستى دەسەك قاتەلەسپەسپىز. «تايىنشا تاڭى» قوعامدىق-ساياسي گازەتىنىڭ دە رەسمي سايتى ٴوز جۇمىسىن ٴساتتى اتقارىپ كەلەدى. ٴتىپتى، جاريالانعان ٴار ماقالانىڭ استىندا پىكىر جازىپ، وقىرمان رەداكسيا جۇمىسىنا قىزۋ ارالاسا باستادى.

www.taynshatany.kz ٴقازىر ٴوز اۋديتورياسىن جيناپ كەلەدى. وسى ورايدا، ەڭ الدىمەن «قازكونتەنت» اق-نا العىسىمىز شەكسىز. بۇگىندە بۇل كومپانيا «باسپا باق-تىڭ ينتەرنەتكە كوشۋى» جوباسى اياسىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن وڭىر-وڭىرلەردەگى باسپا گازەتتەردىڭ ينتەرنەت نۇسقالارىن جاساپ بەرىپ، قازاقستانداعى ينتەرنەت رەسۋرستاردىڭ دامۋىنا زور ۇلەس قوستى. مۇنى ايتىپ وتىرعان سەبەبىم، سول جوبا ارقىلى ٴبىزدىڭ اۋداندىق گازەتتىڭ ينتەرنەت الەمگە جول اشۋىنا مۇرىندىق بولدى.

گازەتتىڭ رەسمي سايتى پايدا بولعاننان باستاپ، رەداكسيا مەن وقىرمان اراسىنداعى بايلانىس ٴتۇرى ەلەۋلى وزگەرىسكە ۇشارادى. ماسەلەن، گازەت بەتىندە جارىق كورگەن ماتەريالدارعا وقىرمان لەزدە ٴۇن قاتىپ، پىكىر بىلدىرەدى. بۇگىنگى تاڭدا وقىرمان نازارى تۇسكەن ماقالاعا قاتىستى ٴوز ويىن ٴبىلدىرۋ ٴۇشىن حات جازىپ، ونى كونۆەرتكە سالىپ، جاقىن اراداعى پوشتا بولىمشەسىن ىزدەپ جاتپايدى. ٴبىز رەداكسيا تاراپىنان الەۋمەتتىك ساۋالناما جۇرگىزدىك. ودان بايقاعانىمىز، «تايىنشا تاڭى» گازەتى مەكتەپ جاسىنداعى جاسوسپىرىمدەردەن باستاپ، الپىستان اسقان اقساقالدار اراسىندا ۇلكەن سۇرانىسقا يە، اۋداندا بەدەلدى ٴارى جاڭاشىل باسىلىم دەپ باعالانىپ، گازەتتىڭ نەگىزگى اۋديتوياسىنىڭ ەلۋ پايىزى گازەتتىڭ ينتەرنەت نۇسقاسىن وقيدى ەكەن.

گازەتىمىزدىڭ سايتى بەزەندىرۋدىڭ سوڭعى ۇلگىلەرى مەن ناۆيگاسيالىق قولايلى جۇيەمەن جابدىقتالعان، جەڭىل دە تارتىمدى ينتەرفەيس سايتتى بۇرىنعىسىنان ەداۋىر جاقسارىپ، وقىرمانعا جاقىنداي ٴتۇستى.

تاعى ٴبىر ايتا كەتەتىنى، گازەتتىڭ سايتى — دەربەس ينتەرنەت باسىلىم. باسىلىم بەتىندە جارىق كورگەن ماقالالار ينتەرنەتتە دە جاريالانادى. سونىمەن قاتار، ەركىن تاقىرىپتاردا دا وقىرمان ٴۇشىن ماقالالار جايارالاي الامىز.

بۇگىنگى تاڭدا بۇقارالىق اقپارات قۇرالدارىنداعى ٴداستۇرلى گازەت بەتتەرىن ينتەرنەت نۇسقاسىنا كوشىرۋ جوباسى ينتەرنەت تۇتىنۋشىلارى تاراپىنان ٴوزىنىڭ وڭ باعاسىن الىپ وتىر. ەلباسىنىڭ «قازاقستان-2050 ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى جولداۋىندا مونوقالالاردى دامىتۋ باعدارلاماسىن جۇزەگە اسىرۋ مىندەتتەلگەن. مەنىڭشە، تايىنشا ىسپەتتەس شاعىن قالالار مەن كەڭ بايتاق مەملەكەتىمىزدىڭ اۋىلدىق ەلدى-مەكەندەرىندە ينتەرنەت رەسۋرستارىن دامىتۋ جانە جەتىلدىرۋ وسى جوبانىڭ ٴبىر ماڭىزدى تەتىگى دەپ بىلەمىن. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي