BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ۇزدىك جاس اقىن انىقتالدى

استانا، baq.kz. شىعارماشىلىق بايقاۋعا ٴتورت جۇزگە جۋىق اقىن قاتىستى، دەپ حابارلايدى ەلوردا اكىمدىگىنىڭ رەسمي سايتى.

استانا قالاسىنىڭ قوعامدىق دامۋ ىستەرى باسقارماسى «بولاشاققا باعدار: رۋحاني جاڭعىرۋ» مەملەكەتتىك باعدارلاماسى ىسكە اسىرۋدىڭ اياسىندا استانا قالاسىنىڭ 20 جىلدىق مەرەيتويىنا وراي جاس اقىندار اراسىندا ۇيىمداستىرىلعان بايقاۋدىڭ جەڭىمپازدارىن سالتاناتتى تۇردە ماراپاتتادى.

ماراپاتتاۋ راسىمىنە پارلامەنت ٴماجىلىسىنىڭ دەپۋتاتتارى، تانىمال اقىندار مەن جازۋشىلار، استانا قالاسىنىڭ قوعامدىق دامۋ ىستەرى باسقارماسىنىڭ باسشىسى، سونداي-اق، كورنەكتى قوعام قايراتكەرلەرى قاتىستى.

«بايقاۋ جاس تالانتتاردى انىقتاپ، ولاردىڭ شىعارماشىلىعىن قولداپ، دامىتۋعا باعىتتالعان. جوبا بيىل ٴۇشىنشى مارتە وتكىزىلىپ وتىر. ٴبىز جىل سايىن جوبانىڭ دەڭگەيىن ارتتىرۋعا تىرىسامىز. بايقاۋعا قازاقستاننىڭ تۇكپىر-تۇكپىرىنەن كەلگەن اقىندار قاتىستى. سوندىقتان ٴبىز ٴارقايسىسىنىڭ شىعارماشىلىعىن باعالاۋ ٴۇشىن 10 جۇلدەگەردى انىقتادىق»، – دەيدى استانا قالاسىنىڭ قوعامدىق دامۋ ىستەرى باسقارماسىنىڭ باسشىسى دانيار ەسين.

بايقاۋ ٴۇش تاقىرىپ بويىنشا ٴوتتى: «استانا – جاستاردىڭ جۇرەگىندە»، «استانا – جيىرماداعى جاس قالا» جانە «ەركىن تاقىرىپ». بايقاۋدىڭ جەڭىمپازى اتانعان شىعىس قازاقستاننان كەلگەن دانيا ساتبەكقىزىنا 300 مىڭ تەڭگە اقشالاي سىياقى بەرىلدى. ەكىنشى ورىندى ەنشىلەگەن ورازاي جەڭىس ۇلى مەن اباي اراز 200 مىڭ تەڭگەنى يەلەندى. ٴۇشىنشى ورىننىڭ يەگەرلەرى اقىلجان ناعاشىباي، مەدەت بوجان، ايگەرىم كۇكەەۆاعا 100 مىڭ تەڭگە تابىستالدى. «ەڭ ۇزدىك 4 اقىن» نوميناسياسىنىڭ جەڭىمپازدارى 50 مىڭ تەڭگەلىك سەرتيفيكاتتارعا يە بولدى.

«مەن ٴۇشىن ٴتورت ٴجۇز اقىننىڭ اراسىندا جەڭىمپاز بولۋ – ۇلكەن باقىت. بۇل كۇتپەگەن جاعداي بولدى. مەن جارىسقا قاتىساتىنىم تۋرالى شەشىمدى اياق استىنان قابىلدادىم. ۇستازىم ايبەك قاليەۆ شاقىرىپ، وسىنداي جارىس وتەتىنىن ايتتى. ول كەزدە ٴوتىنىم بەرۋ مەرزىمىنىڭ اياقتالۋىنا ەكى كۇن قالعان بولاتىن. ولەڭدەرىمدى ەكى كۇننىڭ ىشىندە جازدىم»، – دەدى بايقاۋدىڭ جەڭىمپازى دانيا ساتبەكقىزى.

الداعى ۋاقىتتا ەڭ ۇزدىك 30 اقىننىڭ شىعارمالارى كىتاپ بولىپ باسىلىپ شىعارىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي