BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا سۇراعان راحمەت ۇلىنىڭ شىعارماشىلىق كەشى ٴوتتى

استانا، baq.kz. سوناۋ باي ولكەدە جاتىپ اسىل ٴسوزدىڭ الاۋىن جاعىپ، جىردىڭ تۇلپارىن ەرتتەپ مىنگەن سۇراپىل ولەڭ يەسى اقىن سۇراعان راحمەت ۇلىنىڭ جىر كەشى استانا تورىندە ٴوتتى.

«پوەزيا ومىرشەڭ، تىرەگى - سانالى حالىق. پوەزيا تۋرالى جونسىزدەۋ بولسا دا وي ايتقاننىڭ ٴبارى جاناشىر. ٴبىزدىڭ ٴداۋىردىڭ اقىندارى سىرەڭكەنىڭ شىرپىسىنداي بىركەلكى ويلايدى دەمەيمىز. ولاردىڭ ىشكى زەردەسى، پايىمى ٴارقيلى بولۋى زاڭدىلىق» - دەيدى سۇراعان راحمەت ۇلى.

60 تىڭ اسقار بيىگىنە شىعىپ وتىرعان اقىن كەشىن ەلوردادا ۇيىمداستىرۋعا مۇرىندىق بولعان استانا قالاسىنىڭ اكىمدىگى مەن قازاقستاننىڭ جازۋشىلار وداعى. مۇنعىل ەلىندە ٴجۇرىپ، وتتى جىرلارىمەن الەم قازاقتارىنا اتى ٴماشھۇر بولعان اقىننىڭ تالاي ولەڭدەرى باسپا بەتىن كوردى. كىتاپ بولىپ باسىلدى، تالاي ەلدىڭ تىلىنە اۋدارىلدى. ٴتىپتى قازاق پوەزياسىنىڭ جارقىن جۇلدىزى فاريزا وڭعارسىنوۆا كەزىندە سۇراعاننىڭ سۇراپىل جىرلارىن ىزدەپ ٴجۇرىپ وقىپ، ونىڭ ناسيحاتتالۋىنا، ونىڭ قازاقستان باسپالارىنا ۇزبەي جاريالانىپ تۇرۋىنا سەپتىگى تيگەن بولعان.

حوش. استاناداعى «جاستار» تەاترىندا باستالعان جىر كەشىنە الىس – جاقىنداعى اقىندار دا اقىننىڭ ومىردەگى، ولەڭدەگى دوستارى دا كوپ جينالدى. ٴبىر قۋانتارلىعى جينالعاندار سانىنىڭ باسىم بولىگى جاستار. وتتى ولەڭدەردەن رۋح الىپ وزدەرىن كەلەشەك اقىن رەتىندە ەلەسەتەتتىن جاستار كەزەكپەن شىعىپ اققىننىڭ ويلى ولەڭدەرىن كەزەكتەسە وقىدى. مانەرلەپ وقىلعان ٴماندى جىردىڭ ٴتاتتى بولاتىندىعى، ونىڭ جۇرەككە تەز ٴارى تەبىرەنگەن كەيىپتە جەتەتىندىگى جينالعانداردى جىر تۇڭعيىعىنا تارتىپ اكەتىپ، تەڭىز بەتىندەگى جاعاسىن تولقىن شايقاعان جىر ارالىنا اكەلىپ جايعاستىرعانداي كۇيگە بولەدى.

العاشقىلاردىڭ ٴبىرى بولىپ ساحناعا كوتەرىلگەن، قازاقستانعا ەڭبەگى سىڭگەن ٴارتىس، ٴانشى نۇرلان ونەربايەۆ ٴوزىنىڭ سۇراعاننىڭ اقىننىڭ جىر الەمىنە قالاي تاپ بولعاندىعى جونىندەگى ەستەلىگىمەن ٴبولىستى. ٴان ونەرىن تاعدىرىمەن توعىستىرعان سوناۋ توقسانىنشى جىلدىڭ باسىنداعى جارىق كورگەن «قازاق ادەبيەتى» گازەتىنىڭ بەتىنەن وقىعان ٴبىر شۋماق ولەڭ ٴانشىنىڭ اقىنعا دەگەن قۇرمەتىن ٴبىر ساتتەن اق اسقاقتاتىپ جىبەرگەن ەكەن. «ٴارقاشان، ٴتىپتى ۇنەمى سۇراعاندى سۇراپ جۇرەتىن كۇي كەشتىم. ٴتىپتى ٴار باسىلىمنىڭ بەتەرىن پارالاپ جىرلارىن كۇتۋشى ەدىم. مەن ەڭ العاشقى ٴان كەشىمدى سۇراعاننىڭ ولەڭىمەن باستاعانىم ەسىمدە.

سارارقانىڭ توسىنە وپەراسيا جاساتقاندارعا،
سالقىن قىمىزبەن قوسا، ساسىعان ەست اساتقاندارعا.
تالايدىڭ باسىن اڭكى – تانكى ەتكە سۇم سۇمدىقتارمەن،
تاعدىر تارازىسىنا تاسادان وق اتقاندارعا زاۋال»، - دەپ سول ٴبىر جىلدارى تاۋەلسىزدىكتىڭ تۋىن تىككەن قازاق ەلىنە كەساپات جاساعاندارعا اشىنعان اقىننىڭ ولەڭىنەن جىر وقىپ شىعارماشىلىقتاعى شالقار دوسى ٴۇشىن تاماشا ٴان ورىندادى.

كەشتى تىزگىندەپ، رەسميلىكتەن جالپاقتىققا، جايلىلىققا جالپى ايتقاندا قازاقتىققا قاراتا تارتا قايىرىپ، كادىمگى ٴبىر ارقالى، القالى وتىرىس جاساۋدى مىندەتى دەپ ساناعان اقىن، ايتىسكەر اقىن قازاقستان جازۋشىلارى وداعىنىڭ استانا فيليالىنىڭ ٴتوراعاسى داۋلەتكەرەي كاپ ۇلى بولدى. كۇيدەن مارجان توگىلىپ جىردان شۋاق شاشىلعان كەشتە تالاي ەستەلىكتەر ايتىلدى. جىر ايدىنىندا جۇزگەن اقىن دوستارى كوپ بولدى. ٴتىپتى قر پارلامەنتى ٴماجىلىسىنىڭ دەپۋتاتى باقىتبەك سىماعۇلدا اقىن ٴۇشىن ارنايى كەلگەندىگىن جەتكىزدى.

ساحىن تورىنە كوتەرىلىپ تۇرىپ، «ەلىنىڭ ەركىندىگىنە ەن سالدىرماعان، حالقىنىڭ نامىسىنا كۇيە جۇقتىرماعان ٴور رۋحتى باۋىرجان باتىر اتىندىعى ٴتوس بەلگىنى وسى سەنىڭ ەلىم دەك سوققان جۇرەگىڭنىڭ ٴدۇرسىلىن سوناۋ ٴجۇز جاسقا دەيىن اپارسىن»، دەپ قازاقستان ارداگەرلەرى قاۋىمداستىعىنىڭ اتىنان اقىن كەۋدەسىنە جارقىراتىپ وردەن تاقتى.

اقىن مەن باتىردى تابىستىرعان سول باياعى ولەڭ، سول باياعى باي ولكە بولىپ شىقتى. مۇنى ٴبىز باقىتبەك سىماعۇلدىڭ ودان كەيىنگى ەستەلىكتەرىنەن بىلدىك. باي ولكەگە ساپارلاي بارعان باۋىرىن قۇشاق جايا قارسى الىپ، كەڭدىك تانىتقانداردىڭ العاشقىسى دا اقىن سۇراعان ەكەندىگىن جاسىرمادى. كەش بارىسىندا نە ٴبىر ەستەلىكتەر ايتىلدى. ٴتىپتى كوزگە جاس العىزىپ، كوڭىل قىلىن تەربەتكەن تالاي ەستەلىكتەر اقىن جۇرەگىنىڭ سونشالىقتى نازىك ەكەندىگىن ناقتىلاي تۇسكەندەي. جىر جازا ٴجۇرىپ اۋدارمامەن، ودان قالدى عىلىمي جۇمىسپەن اينالىسىپ عالىم اتانۋ پاراساتتىلىقتىڭ بيىگى. دەپۋتات باقىتبەك سىماعۇلشا ايتقاندا «وتىزعا كەلىپ وردا بۇزباي، قىرىققا كەلىپ قىر اسپاي، ەلۋگە كەلىپ ەرى مويىنىنا كەتىپ، الپىسقا كەلگەندە جالاڭاياق تۇگى جوق مولا جاققا بەت تۇزەگەن»، تالايلاردىڭ قاسىندا اقىن جۇرەكتى سۇراعاندى سۇرايتىن جان بارشىلىق.

بەسبوعدانىڭ (بەس ٴتاڭىرى تاۋى) ەتەگىندە تۋىپ كىندىگىن جىرمەن كەسكەن اقىن سۇراعان تەبىرەنىپ تۇرىپ ٴسوز الدى. ٴسوز العاندا ٴجون الدى.

ول ٴوز سوزىندە، «ٴقادىرلى اعايىن، مەن التايدىڭ الا توپىراعىندا ٴوستىم. وسكەن جەرىم كوكسەركە. ول وتە بيىك تاۋ. تاۋ باسىندا جىر وقىپ تاۋ تورىندە ولەڭ جازدىم. الدىمەن جينالعان جاستاردىڭ وتتى كوزدەرىنەن تۇمسا جىردىڭ تۇڭعيىعىن بايقادىم. پوەزيانىڭ پاراساتىن كوردىم. مەنى اقىن دەپ اسپانعا كوتەرگەن ەلىمە، كۇللى قازاق ەلىنە مىڭ العىس! دوستارىما قوشەمەت. دوس ىزدەسەم جاقسى ىزدەدىم، جاقسى ىزدەسەم ناق ىزدەدىم. پوەزيانىڭ قۇدىرەتتىلىگى تاعى مەنى شابىتتاندىردى.» دەپ ٴوزىنىڭ تىڭدارماندارىنا العىس ايتتى.

سۇراعان راحمەت ۇلى «جان جۇرەگىم راۋشان» اتتى مەرەيتويلىق جىر كەشىن قويىنىنداعى جىر جاۋھارمەن قورىتىندىلادى.

ەستەرىڭىزدە بولسا، بۇعان دەيىن شىعارماشىلىق كەشى وتەتىنى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي