BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا كىتاپ سۇيەر قاۋىمنىڭ حالىقارالىق سيمپوزيۋمى وتەدى

«استانا ەحرو-2017» حالىقارالىق مامانداندىرىلعان كورمەسى اياسىندا قازاقستان رەسپۋبليكاسى ۇلتتىق اكادەميالىق كىتاپحاناسى يۋنەسكو جانە يسەسكو-نىڭ قولداۋىمەن «وقۋ الەمىندەگى وقىرمان ۇلت» تاقىرىبىنداعى حالىقارالىق سيمپوزيۋمىن وتكىزەدى، دەپ حابارلايدى baq.kz.

«استانا ەحرو-2017» حالىقارالىق مامانداندىرىلعان كورمەسى اياسىندا ۇيىمداستىرىلىپ وتىرعان «وقۋ الەمىندەگى وقىرمان ۇلت» تاقىرىبىنداعى حالىقارالىق سيمپوزيۋمى قازىرگى قوعامداعى كىتاپحانا ىسىمەن تانىستىرۋ جانە اقپاراتتىق قوعامداعى زاماناۋي سۇراقتارعا جاۋاپ ىزدەۋ، قوعام نازارىن كىتاپحانانىڭ دامۋىنا اۋدارتۋ مەن كىتاپحانا ٴيميدجىن كوتەرۋ بولماق" - دەيدى ۇيىمداستىرۋشىلار.

سيمپوزيۋم جۇمىسىنا قر مەملەكەتتىك حاتشىسى گۇلشارا ٴابدىحالىقوۆا، قازاقستان رەسپۋبليكاسى پارلامەنتى سەناتىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك كوميتەتىنىڭ تۇراقتى ٴتورايىمى داريعا نازاربايەۆا، قر مادەنيەت جانە سپورت ٴمينيسترى ارىستانبەك مۇحامەدي ۇلى، يۋنەسكو جانە يسەسكو ىستەرى جونىندەگى قر ۇلتتىق كوميسسياسىنىڭ حاتشىسى اسەل وتەگەنوۆا، تۇركسوي حالىقارالىق ۇيىمىنىڭ باس حاتشىسى كاسەينوۆ دۇيسەن قۇراباي ۇلى، تۇركيا ۇلتتىق كىتاپحاناسىنىڭ باس ديرەكتورى زۋلفي تومان (تۇركيا)، رەسەي ۇلتتىق كىتاپحاناسى باس ديرەكتورىنىڭ كەڭەسشىسى انتون ۆلاديميروۆيچ ليحومانوۆ (رەسەي)، «امبروزيانا» ازيا كلاسس اكادەمياسىنىڭ عالىم حاتشىسى، پروفەسسور ەدواردو كانەتتا (يتاليا)، جازۋشى، پۋبليسيست الەكساندر مەليحوۆ (روسسيا)، جازۋشى، سسەناريست سماعۇل ەلۋباي، بريتانيا كىتاپحاناسى ەۋروپالىق جانە امەريكاندىق كوللەكسيالارىن ساقتاۋشىسى زمروكزەك جانەت (انگليا)، قر ۇلتتىق كىتاپحاناسىنىڭ ديرەكتورى جانات سەيدۋمانوۆ، قر ۇلتتىق اكادەميالىق كىتاپحاناسىنىڭ ديرەكتورى ٴۇمىتحان مۇڭالبايەۆا جانە ت.ب. قوعام قايراتكەرلەرى مەن زيالى قاۋىم وكىلدەرى قاتىسادى.

ٴىس-شاراعا تۇركيا، يران، وڭتۇستىك كورەيا، قىتاي، ۇلىبريتانيا، يتاليا، گەرمانيا، ەگيپەت، اۆستريا، شۆەسيا، مولدوۆيا، ۋكراينا، باشقۇرتستان، قىرعىزستان، تاتارستان جانە ياكۋتيا ەلدەرىنىڭ باسشىلارى مەن مەملەكەتتىك مەكەمەلەرىنىڭ قىزمەتكەرلەرى، مادەنيەت پەن عىلىم جانە كىتاپحانانىڭ، حالىقارالىق ۇيىمدارىنىڭ، ديپلوماتيالىق، عىلىمي جانە شىعارماشىلىق زيالى قاۋىم وكىلدەرى، وتاندىق جانە شەتەلدىك مۋزەيلەرى مەن كىتاپحانالارىنىڭ، سونداي-اق، شەت مەملەكەتتەگى قازاقستان مادەنيەتى ورتالىقتارىنىڭ وكىلدەرى قاتىسادى.

سيمپوزيۋم اياسىندا "تۇركى ەلدەرى ۇلتتىق كىتاپحاناسى ديرەكتورلارىنىڭ ٴ5-شى حالىقارالىق كونفەرەنسياسى. تۇركى تىلدەس ەلدەر كىتاپحانالارى بازاسىنىڭ تۇساۋكەسەرى;

ۇلتتىق اقپاراتتىق ساياسات جانە حالىقارالىق ىنتىماقتاستىق كونتەكسىندەگى ۇلتتىق كىتاپحانالار;

كىتاپحانالار جانە مۋزەيلەر:الەۋمەتتىك-مادەني ورتادا ٴرولى مەن فۋنكسيالارى;

بالالار ادەبيەتى مەن قازىرگى زامانعى ٴبىلىم بەرۋ: ۇردىستەر مەن پەرسپەكتيۆالارى;

الەمدىك اقپاراتتىق كەڭىستىككە رەسۋرستاردى ىقپالداستىرۋ;

تۇركى حالىقتارىنىڭ مادەني ديالوگى;

«الەم ەستەلىگى» ۇلتتىق كوميسسيانىڭ وتىرىسى;

جازۋشىلار باقىت قايىربەكوۆ (قازاقستان) پەن الەكساندر مەليحوۆپەن (رەسەي) كەزدەسۋ;

مارجان ەرشۋدىڭ «دينا نۇرپەيىسوۆا» كىتابىنىڭ تانىستىرىلىمى قاتارلى 9 سەسسيادان تۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي