استانا: 
ەلباسىنىڭ "رۋحاني جاڭعىرۋ" باعدارلاماسى جانە ەلدومىزدىڭ 20 جىلدىق مەرەيتويى اياسىندا قر ۇلتتىق مۋزەيىندە رەسپۋبليكالىق، حالىقارالىق بايقاۋلاردىڭ جەڭىمپازى، "جاس داۋرەن" جىر جيناعىنىڭ اۆتورى، ۇستاز، بۇگىنگى تاڭدا ىشكى ىستەر ورگاندارىنىڭ قىزمەتكەرى ومىربەك بەكمۇراتتىڭ "قازاقتىڭ جىرى - مۇراتىم!" اتتى ادەبي-سازدى كەشى ٴوتتى، دەپ حابارلايدى baq.kz اقپارات اگەنتتىگى.
كەش باراسىندا ستۋدەنتتەر مەن وقۋشىلار جاس اقىننىڭ ليريكالىق-پاتريوتتىق تاقىرىبىنداعى ولەڭدەرىن مانەرلەپ وقىدى. سونداي-اق، اقىننىڭ سوزىنە جازىلعان بىرنەشە اندەر ورىندالدى.
كەش قوناقتارى انشى-سازگەر يبراگيم ەسكەندىر، جانىبەك بورانبايەۆ اقىندى شىعارماشىلىق كەشىمەن قۇتتىقتاپ، رۋحتى اندەرىن ونەر سۇيەر قاۋىمعا پاش ەتتى.
بۇدان بولەك ساكەنوۆ التىنبەك، سابىروۆا اقبوتا، مانات نۇرتاي، تالانت ٴماجىت ونەر كورسەتتى. بەلگىلى اقىن الماحان مۇحامەتقاليقىزى باستاعان قالامگەرلەر بەكمۇراتتىڭ "قازاقتىڭ جىرى - مۇراتىم" جىر جيناعىنىڭ تۇساۋىن كەسىپ، قازاقتىڭ سالتىمەن شاشۋ شاشتى.
جۇلدىز تويبەك، ايجان تاباراك، اجار ەربولعان، ٴابۋ-اسقار مەكەش ۇلى بەكمۇراتتىڭ بەتبۇرىسى، سىرلى دا ورەلى جىرلارى تۋرالى ٴسوز قوزعاپ، شىعارمالىق تابىس تىلەدى.
كەش تىزگىنىن ۇستاعان ەربول بەيىلحان بەكمۇراتتىڭ وقۋشى-ستۋدەنت كەزىنەن قوعامدىق شارالارعا وتە بەلسەندى ارالاسىپ، اقىندىق تالانتىمەن زامانداستارىنان وزا شاپقان ورەلىلىگىن ٴسوز ەتتى.
"بەكمۇرات ومىربەك جوو ٴبىتىرىپ، ٴوزىن ٴمۇعالىم، پەداگوگ-ۇيىمداستىرۋشىلىعىمەن قاتار، جۇرگىزۋشى، سسەناريست، اسابا رەتىندەن كوپشىلىككە تانىتا ٴبىلدى. سونىمەن قاتار ولەڭ ولكەسىندە شىنشىل ازامات. جانى جايساڭ جىگىت ەكەنىن ايتقىم كەلەدى" - دەدى ەربول بەيىلحان.
سونداي-اق، شىعارماشىلىق كەشتە بەكمۇرات ومىربەكتىڭ سوزىنە جازىلعان بەرىك يسمانوۆتىڭ "نە سۇرايدى؟ " ٴانىنىڭ تۇساۋى كەسىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3216 
0
3135
0