BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا اقىن سۇراعان راحمەت ۇلىنىڭ كەشى وتەدى

استانا، baq.kz. استانادا موڭعوليالىق تانىمال اقىن، جازۋشى، موڭعوليا مادەنيەتىنە ەڭبەك سىڭىرگەن قايراتكەر، «التىن جۇلدىز» وردەنىنىڭ يەگەرى سۇراعان راحمەت ۇلىنىڭ شىعارماشىلىق كەشى وتەدى.

«جان عۇمىرىم – راۋشان» دەپ اتالاتىن جىر كەشى اقىننىڭ 60 جاسقا تولۋ مەرەيتويىنا ارنالىپ وتىر.

سۇراعان راحمەت ۇلى 1958 جىلى موڭعوليانىڭ بايان-ولگيي ايماعىندا دۇنيەگە كەلگەن. اسكەري مەكتەپتى جانە قورعانىس مينيسترلىگىنىڭ قاسىنداعى اسكەري ساياسي ۋنيۆەرسيتەتتىنەن تاريح، فيلوسوفيا ٴمۇعالىمى ماماندىعىن يگەرگەن. سونىمەن قاتار موڭعوليانىڭ مەملەكەتتىك باسقارۋ اكادەمياسىن – مەملەكەتتىك مەنەجەر ماماندىعى بويىنشا بىتىرگەن.

موڭعوليا جۋرناليستەر وداعىنىڭ، موڭعوليا جانە قازاقستان جازۋشىلار وداعىنىڭ، قازاقستان تاريحشىلار قوعامىنىڭ مۇشەسى.

1990 جىلدان 1992 جىلدارى بايان-ولگەي ايماقتىق جاستار ەرىكتى وداعىندا حاتشى، «تەمىرقازىق» گازەتىنىڭ باس رەداكتورى، 1992-1996 جىلدارى ايماقتىق قازاق راديوسىندا رەداكتور-تىلشىسى، 1996-2000 جىلدارى ايماق اكىمىنىڭ ٴىس باسقارماسىنىڭ باستىعى، 2000-2005 موڭعوليا قازاق قالامگەرلەر كەڭەسىنىڭ ٴتوراعاسى، «شۇعىلا» جۋرنالىنىڭ باس رەداكتورى قاتارلى قىزمەتتەر اتقاردى.

2005-2016 جىلدار ارالىعىندا ايماقتىق بۇقارالىق اقپارات قۇرالدارىنىڭ، "جاڭا ٴداۋىر" گازەتى، «شۇعىلا» جۋرنالىنىڭ ديرەكتورى.

موڭعوليا قازاقتارىنىڭ «قازاق ەتنوس» كلۋبىنىڭ، موڭعوليا جازۋشىلار وداعى بايان-ولگيي فيليالىنىڭ ٴتوراعاسى.

«جۇلدىزدىڭ لاعىل ەلەسى» (2000 ج)، «اق تەگەرشىك» (2001 ج)، «ورەن جۇيرىكتىڭ سىلەكەيى» (2006 ج)، «تۇسكە ورانعان كۇز» (2011 ج)، «كوگىلدىر شابىت» (2011 ج) ت.ب. جىر كىتاپتارىنىڭ جانە «قۇجىرتى قۇرباندارى» (2004 ج)، «قوبداعا اسقان قوڭىر ەل» (2014 ج)، «وسپان مەن چويبالسان» (2016 ج.) ت.ب. قاتارلى تاريحي ەڭبەكتەردىڭ اۆتورى.

ونىڭ قىتاي، موڭعول، ورىس، نەمىس ت.ب. تىلدەردەن اۋدارعان ەڭبەكتەرى دە ٴبىرشاما. سۇراعان راحمەت ۇلىنىڭ ٴوز ولەڭ-جىرلارى دا الەمنىڭ بىرنەشە تىلىنە اۋدارىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي