BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ۇلت اقىنى ۇلىقبەك ەسداۋلەتپەن كەزدەسۋ كەشى ٴوتتى (فوتو)

فوتو: Жандос КОКУМБАЕВ

استانا. 14 مامىر. baq.kz – استاناداعى قر ۇلتتىق اكادەميالىق كىتاپحاناسىنىڭ «ادەبي مەيمانجايىندا» بەلگىلى اقىن، قر مەملەكەتتىك سىيلىعىنىڭ لاۋرەاتى ۇلىقبەك ەسداۋلەتپەن «كيىز كىتاپتىڭ كيەسى» اتتى كەزدەسۋ كەشى بولىپ ٴوتتى.

كەشكە اقىننىڭ قالامداس اعا-ىنىلەرى، اپكە-قارىنداستارى، اتاپ ايتار بولساق تۇرسىن جۇرتباي، سەكەن تۇرىسبەكوۆ، جولتاي ٴالماش ۇلى، نۇرتورە ٴجۇسىپ، شەرۋباي قۇرمانباي ۇلى، جانات اسكەربەكقىزى، باۋىرجان قاراعىز ۇلى، قالقامان سارين جانە باسقا دا اقىن-جازۋشىلار قاتىستى.
كەش جۇرگىزۋشىسى بەلگىلى اقىن داۋلەتكەرەي كاپ ۇلى ۇلىقبەكتىڭ قازاق ادەبيەتىنە قوسقان ۇلەسىن ايتا كەلىپ، اقىننىڭ جالپى شىعارماشىلىعىنا توقتالدى.

«كيىز كىتاپ» دەگەن تاماشا جىر جيناعىمەن وقىرمان جۇرەگىنەن ورىن العان ۇلىقبەك اقىن قازاق رۋحانياتىنىڭ قاراشا ۇيىنە قارشاداي بالا بوپ كىرىپ، بۇگىندە، مىنە، قارا شاڭىراقتىڭ تورىندە وتىراتىن اقساقالىمىزعا اينالدى»، - دەپ اتاپ ٴوتتى ول.
وسىدان كەيىن ٴسوز العان ۇلىقبەك اقىن شارانى ۇيىمداستىرىپ وتىرعان ۇلتتىق اكادەميالىق كىتاپحاناعا، جالپى كورەرمەنگە العىسىن ايتا كەلىپ، ادەبيەت تۋرالى ويلارىمەن ٴبولىستى.

«جالپى، ادەبيەت پەن ادەپ دەگەن ٴسوزدىڭ توركىنى ٴبىر. ويتكەنى ادەبيەت بار جەردە ادەپ تە بولادى. حالىقتىڭ، جۇرتتىڭ، ۇرپاقتىڭ تاربيەشىسى – كىتاپ. سوڭعى جىلدارى وسى كىتاپحانا اقىن-جازۋشىلاردىڭ ادەبي كەشتەرىن تۇراقتى تۇردە ۇيىمداستىرىپ كەلە جاتىر. مۇنىڭ ٴوزى كىتاپ ورداسىنىڭ ادەبيەتكە دەگەن قامقورلىعى دەپ بىلەمىز»، - دەدى اقىن.

كەزەكتى ٴسوز العان فيلولوگيا عىلىمدارىنىڭ دوكتورى، پروفەسسور تۇرسىن جۇرتباي اقىننىڭ ەڭ العاشقى ولەڭىنەن باستاپ، بۇگىنگى كۇنگە دەيىنگى شىعارماشىلىعىنا كوز جۇگىرتىپ، اقىننىڭ ومىرىنەن ٴبىر ۇزىك سىر شەرتتى.
«مەن ۇلىقبەكتى اقىن رەتىندە شامامەن 66-67 جىلدارى تانىدىم. ول كەزدە "لەنينشىل جاستا" «وقۋشىلار تۆورچەستۆوسىنان» دەگەن ايدار بار بولاتىن. ٴبىر كۇنى سول ايداردان ۇلىقبەكتىڭ «كەش» دەگەن ولەڭىن وقىپ، قاتتى رازى بولدىم. سودان بەرى 50 جىلداي وتسە دە، سول ولەڭ كوكەيىمدە ٴالى دە سايراپ تۇر. بۇل سول كەزدە 8-9 كلاستىڭ بالاسى بولۋ كەرەك، اقىندىق اتى سودان باستاپ شىقتى. ىلە شالا ۇلىقبەكتىڭ باياندى وتە جاقسى وينايتىن باقىت دەگەن اعاسى دۇنيە سالدى. سول اعاسىن جوقتاپ جازعان ولەڭى دە «لەنينشىل جاسقا» شىقتى. سول ولەڭدەگى مۇڭ مەن زار، ٴولىم تۋرالى تولعام ەكىنىڭ ٴبىرى جازا بەرمەيتىن قۋاتى كۇشتى ولەڭ ەدى. ٴتىپتى كىتاپتارى شىققان بەلگىلى اقىنداردىڭ ٴوزى ول كەزدە ٴولىم تۋرالى سونشالىقتى مىقتى ولەڭ جازباعان بولاتىن. مىنە، وسىنداي ولەڭدەر ارقىلى ۇلىقبەكتىڭ ۇلى جولى باستالعان ەدى»، - دەپ ەسكە الدى تۇرسىن جۇرتباي.

وسىدان كەيىن قازاققا اتى ٴمالىم كۇيشى، سازگەر سەكەن تۇرىسبەكوۆ ساحناعا شىعىپ، جاقىندا عانا ۇلىقبەك ەسداۋلەتتىڭ سوزىنە جازعان ٴوز ٴانىن ورىنداپ بەرىپ، «جىگىتكە جەتپىس ونەر دە از» دەگەن ناقىلدى دالەلدەپ، كورەرمەندەردى تاڭ-تاماشا قالدىردى. سوڭىن الا ون ساۋساعىنان كۇي توگىلگەن ونەر يەسى كۇمبىرلەتە كۇي توگىپ، ونەردەگى، ومىردەگى جان جولداسى ۇلىقبەك اقىنعا دەگەن سىيلاستىعىن ٴبىلدىردى.


قالامگەردىڭ قاتارلاسى، بەلگىلى جازۋشى، دراماتۋرگ جولتاي ٴالماش ۇلى دا ساحناعا شىعىپ، كورەرمەنگە ۇلىقبەك اقىن تۋرالى اسەرلى اڭگىمەلەر ايتىپ بەردى.

«ولەڭ دەگەن وتە اساۋ ونەر عوي. وعان ەكىنىڭ ٴبىرى يەلىك ەتە بەرمەيدى. ۇلىقبەكتىڭ «قىزداردىڭ ماحابباتىن ٴتۇسىنۋ ٴۇشىن قىز بولىپ تۋۋ كەرەك» دەگەن ولەڭ جولدارى بار، سول سياقتى ولەڭدى جازۋ ٴۇشىن دە اقىن بولىپ تۋىلۋ كەرەك دەپ ويلايمىن. سوندىقتان ۇلىقبەكتى شىن مانىندە قازاقتىڭ ماڭدايىنا بىتكەن اقىنى دەپ قابىلداۋعا ٴتيىسپىز»، - دەپ اتاپ ٴوتتى جازۋشى.
كەش بارىسىندا باسقا دا قىزىقتى اڭگىمەلەر ايتىلىپ، كەش يەسىنە سۇراقتار قويىلدى. ولارعا تۇششىمدى جاۋاپتار دا الىندى. اراسىندا اقىن ٴوز ولەڭدەرىن وقىپ، كەيبىر ولەڭدەرىنىڭ شىعۋ تاريحىنا توقتالىپ، تىڭدارمانعا تاماشا اسەر سىيلاي ٴبىلدى. سونداي-اق، جۋىردا «قارعالداق» دەگەن جاڭا جىر جيناعىنىڭ شىعاتىنىمەن دە سۇيىنشىلەي ٴوتتى.

جاس اقىندار بىرىنەن سوڭ ٴبىرى ساحناعا شىعىپ، اقىننىڭ ولەڭدەرىن ناقىشىنا كەلتىرە وقىپ، سوڭىن الا وزدەرىنىڭ جىرلارىن جولداپ، انشىلەر اقىننىڭ سوزدەرىنە جازىلعان اندەردى تارتۋ ەتتى.

فوتو: جاندوس كوكۋمبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي