BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «ٴتور» جۋرنالىنىڭ تۇساۋى كەسىلدى

استانا. 14 اقپان. baq.kz – قازاق ٴباسپاسوزى تاعى ٴبىر تىڭ باسىلىممەن تولىقتى. استانادا كەشە رەسپۋبليكالىق قوعامدىق-ساياسي «ٴتور» جۋرنالىنىڭ تانىستىرىلۋ ٴراسىمى ٴوتىپ، قالىڭ وقىرمانعا جول تارتتى. 

جاڭا جۋرنالدىڭ تۇساۋكەسەر راسىمىنە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ديرەكتورى سۇلتان سرايلوۆ، «راۋان» باسپا ٴۇيىنىڭ» باس ديرەكتورى، بەلگىلى جۋرناليست عابيت مۇسىرەپ جانە تىلشىلەر قاتىستى.

جۋرنالدىڭ باس رەداكتورى ولجاس ساندىبەكتىڭ ايتۋىنشا، قازاقى ٴسالت-داستۇر مەن ۇلتتىق قۇندىلىقتارعا باي رەسپۋبليكالىق قوعامدىق-ساياسي «ٴتور» جۋرنالىنىڭ باستى ماقساتى – قازاق حالقىنىڭ قامىن جەگەن اتا - بابالارىمىزدىڭ ونەگەلى ٴومىر جولىن جاس ۇرپاققا دارىپتەي وتىرىپ، تاۋەلسىز مەملەكەتىمىزدىڭ بىرلىگى مەن ەل ەكونوميكاسىنىڭ تۇراقتى دامۋىنا، ۇلتارالىق تاتۋلىعىنا، ۇرپاق تاربيەسىنە بەي-جاي قارامايتىن، ەل ٴۇشىن تۋعان اردا ازاماتتاردىڭ ەڭبەگىن الاش جۇرتىنا پاش ەتۋ.

وقىرمان «ٴتور» جۋرنالىنىڭ العاشقى سانىنان قازاقتىڭ كيەلى حانى كەنەسارى جانە ماعجان جۇمابايەۆتىڭ حان تۋرالى تولعاۋىن، سيدنەي وليمپياداسىنىڭ چەمپيوندارى بەكزات ساتتارحانوۆ پەن ەرماحان ىبىرايموۆقا ارنالعان اقىن جىرلارىن، ەسىمى ەلگە بەلگىلى كاسىپكەر، مەسەنات ورالبەك بوتپايدىڭ سىر-سۇحباتىن جانە تاعى باسقا قۇندى دۇنيەلەردى وقي الادى.

«ٴتور» جۋرنالىنىڭ ٴتاي-تاي باسقان قادامىنا ىزگى نيەتىن بىلدىرگەن سۇلتان سرايلوۆ بۇگىنگى تاڭدا ٴورىستىلدى ٴباسپاسوزدىڭ قاراسى قازاق تىلىندە جارىققا شىعاتىن گازەت-جۋرنالدارعا قاراعاندا اناعۇرلىم كوپ ەكەنىن تىلگە تيەك ەتىپ، اقپارات ايدىنىنا جول تارتقان جاڭا جۋرنالدىڭ جۇمىسىنا ساتتىلىك تىلەدى. سونداي-اق، ول الداعى ۋاقىتتا رەداكسيا ۇجىمىمەن قويان-قولتىق جۇمىس ىستەۋگە دايىن ەكەنىن جەتكىزسە، جۋرنالدىڭ مازمۇنى مەن ساپاسىنا جوعارى باعاسىن بەرگەن قازاق جۋرناليستيكاسىنىڭ بەلدى تۇلعاسى عابيت مۇسىرەپ مىناداي الماعايىپ زاماندا جۋرنال شىعارۋ وڭاي ەمەستىگىن العا تارتىپ، وتاندىق جۋرناليستيكا سالاسىنا مەنەدجەرلىك جۇمىستى قولعا الاتىن مەزگىل جەتكەنىن اتاپ ٴوتتى.

كوپشىلىك قاۋىم «ٴتور» جۋرنالى قازاق ٴباسپاسوزىنىڭ تورىنەن ورىن الىپ، حالقىمىزدىڭ رۋحاني شىراقشىسىنا اينالعاي» دەگەن تىلەك ايتىپ تارقاستى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي