BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «شاھناما» داستانىنىڭ cd نۇسقاسى تانىستىرىلدى

استانا. 13 جەلتوقسان. baq.kz - بۇگىن استاناداعى نازاربايەۆ ورتالىعىندا قىزىلوردا وبلىسىنىڭ اكىمدىگى ٴفيردوۋسيدىڭ ايگىلى «شاحناماسىنىڭ» 48 تاسپاعا باسىلعان اۋديونۇسقاسىنىڭ تۇساۋىن كەستى. 

«2013 جىلى قىزىلوردا وبلىسى اكىمدىگىنىڭ باستاماسىمەن سىر سۇلەيى، جىر جامپوزى تۇرماعامبەت اۋدارعان، 39 411 جولدان تۇراتىن شىعىستىڭ جەتى الىبىنىڭ ٴبىرى ٴفيردوۋسيدىڭ «شاھناماسىن» مۋزىكالىق انتولوگيا ەتىپ شىعارۋ قولعا الىنىپ، سىر ٴوڭىرىنىڭ تانىمال 22 جىرشى-جىراۋلارىنىڭ ادەمى ماقام-سازدارى ارقىلى جارىق كورگەن قۇندى دۇنيە قىزىلوردالىقتاردىڭ تاۋەلسىزدىك مەرەكەسىنە ۇلكەن تارتۋى بولىپ وتىر»، - دەپ اتاپ ٴوتتى بەلگىلى جىراۋ، قر ەڭبەك سىڭىرگەن قايراتكەرى الماس الماتوۆ.

ال وبلىس اكىمىنىڭ ورىنباسارى اقمارال ٴالنازاروۆانىڭ ايتۋىنشا، بۇل جوبا تۇركىتىلدەس حالىقتار ٴۇشىن اسىل قازىنا. «بۇگىندە «شاھنامانى» تەك وقىپ قانا ەمەس، تىڭداۋعا دا بولادى. ايگىلى داستاندى قازاق تىلىنە اۋدارعان جەرلەسىمىز تۇرماعامبەت ىزتىلەۋوۆ. سونىمەن قاتار، سىر وڭىرىندە بۇل داستاندى ناقىشىنا كەلتىرىپ ورىندايتىن جىرشىلار دا كوپ»، - دەدى ول.

ونىڭ ايتۋىنشا، كىتاپ نازاربايەۆ ورتالىعى مەن قر تۇڭعىش پرەزيدەنتىنىڭ مۇراجايىنا ٴبىر-بىر دانادان بەرىلەدى. ال قالعاندارى مۇمكىندىگىنشە ەل كىتاپحانالارىنا تاراتىلادى.

ايتا كەتۋ كەرەك، كىتاپ 1000 دانامەن شىعىپ وتىر. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي