BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «دارابوز-2015» سىيلىعىن تابىستاۋ سالتاناتى ٴوتتى (فوتو)

استانا. 3 ماۋسىم. baq.kz - استانادا بالالار جازۋشىلارى اراسىندا وتكەن حالىقارالىق «دارابوز-2015» سىيلىعىنىڭ تابىستاۋ سالتاناتى ٴوتتى.

ونىنشى جىل قاتارىنان ٴوتىپ كەلە جاتقان «دارابوز» بايقاۋىنىڭ نەگىزگى ماقساتى بالالار قازاق ادەبيەتىن دارىپتەۋ مەن دامىتۋ بولىپ تابىلادى.

بيىل 20 ساۋىردەن باستاپ 20 مامىرعا دەيىن جالعاسقان كونكۋرسقا «بالالارعا ارنالعان ۇزدىك شىعارما» سىيلىعىنا ۇمىتكەر بولۋعا قازاق جانە ورىس تىلدەرىندە 500-دەن استام شىعارما كەلىپ تۇسكەن. ال جۇلدە قورى 3 000 000 تەڭگەنى قۇراپ وتىر. قازىلار القاسى شىعارمالاردىڭ كوركەمدىك جاعى، بايانداۋ رەتى، اۆتوردىڭ ٴتىل بايلىعى سىندى ماسەلەلەردى ەسكەرە وتىرىپ داۋىس بەرۋ مەن باعا قويۋ ارقىلى ەڭ ۇزدىك شىعارمالاردى تاڭدادى.

بالالار ادەبيەتىنە ارنالعان ح مەرەيتويلىق بايگەنىڭ ٴبىرىنشى دارەجەلى لاۋرەاتتارى «سيقىرلى كىتاپ» شىعارماسىنىڭ اۆتورى قايىربەك شاعىر جانە «مالەنكيي مۋجچينا» شىعارماسى ٴۇشىن ٴداريا جۇماگەلدينوۆا اتاندى. بايقاۋدىڭ ەكىنشى ورنىنا قازاق تىلىندەگى «ساياق» تۋىندىسىمەن مەيىرجان جىلقىباي جانە «سكازكا و پويۋششەم بارحانە» ورىس تىلىندەگى شىعارماسى ٴۇشىن ەلەنا كلەپيكوۆا ىلىكتى. ال ادىلبەك ىبىرايىم ۇلى «ماڭگىلىك فورمۋلاسى» جانە گۇلسىم نازاربايەۆا «يستوريي يز دەتستۆا» شىعارمالارى ٴۇشىن ٴۇشىنشى ورىنعا يە بولدى.

«بالالارعا ارنالعان ۇزدىك شىعارما» نوميناسياسىنداعى بايقاۋدىڭ گران-پري جۇلدەسىنىڭ يەگەرى «ەسەن-ساۋ ٴجۇرىڭىزشى اسىل اتا!» شىعارماسى ٴۇشىن پەرنەباي دۇيسەنبين اتاندى.

«دارابوز» سىيلىعىنىڭ بارلىق جەڭىمپازدارى اقشالاي سىيلىقتان بولەك ەلىمىزدىڭ الدىڭعى قاتارلى باسپالارىمەن بالالار كىتاپشاسىن شىعارۋعا ارنالعان كەلىسىمشارتقا وتىرۋ مۇمكىندىگىنە يە بولادى. ال مەرەيتويلىق بايقاۋ ناتيجەسى بويىنشا ٴتورت كىتاپ پەن ۇزدىك شىعارمالار توپتالعان ٴبىر جيناق باسىلىپ شىعادى.

ايتا كەتەيىك، ايگىلى اقىن جانە بالالار جازۋشىسى قازاقستان حالىق جازۋشىسى مۇزافار الىمبايەۆ حالىقارالىق «دارابوز-2015» سىيلىعىنىڭ بيىل العاش رەت بەكىتىلگەن «بالالار ادەبيەتىن دامىتۋعا قوسقان ۇلەسى ٴۇشىن» ارنايى جۇلدەسىن يەلەندى.

 

اينۇر راكيشەۆا، عابيت ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي