BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «باقىتتى جۇلدىز استىندا» اتتى مەديافەستيۆال باستالدى

استانا. 26 ناۋرىز. baq.kz – بۇگىن استانادا «باقىتتى جۇلدىز استىندا» اتتى بالالار مەن جاستاردىڭ بۇقارالىق اقپارات قۇرالدارى xi حالىقارالىق مەديافەستيۆالى باستالدى.  

«جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگى مەن ل.ن.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتى بىرلەسە ۇيىمداستىرعان شارانىڭ بيىلعى تاقىرىبى «بالالاردىڭ اقپاراتتىق كەڭىستىگى: كاسىبيلىك، شىعارماشىلىق، رەسۋرستار» دەپ اتالىپ، وعان قازاقستان مەن رەسەيدىڭ ٴارتۇرلى ايماقتارىنان كەلگەن جاس تىلشىلەر، كاسىبي جۋرناليستەر، بالالار مەن جاستار ۇيىمدارىنىڭ، الەۋمەتتىك جەلىلەردىڭ وكىلدەرى، جاس فوتوتىلشىلەر، تەلەجۋرناليستەر، بەينەوپەراتورلار، پەداگوگتار، پسيحولوگتار، الەۋمەتتىك قىزمەتكەرلەر، زەرتتەۋشىلەر مەن اتا-انالار قاتىسۋدا.

بۇل ٴداستۇرلى شارانىڭ ماقساتى جايلى ل.ن.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق بىلاي دەدى:
«مەديافەستيۆالدىڭ ماقساتى – بالالار مەن جاستارعا ارنالعان باق ارقىلى وسكەلەڭ ۇرپاقتى رۋحاني-مادەني قۇندىلىقتارمەن سۋسىنداتۋ، ولاردىڭ مادەنيەتتىلىگىن ارتتىرىپ، ازاماتتىق كوزقاراستارىنىڭ قالىپتاسۋىنا اسەر ەتۋ. سونىمەن قاتار، اقپاراتتىق-تانىمدىق دۇنيەلەردى الەمدىك تالاپقا سايكەستەندىرە وتىرىپ جاس جەتكىنشەكتەردىڭ بويىندا ۇلتجاندىلىق قاسيەتتى قالىپتاستىرۋ، ولاردى كاسىبيلىككە باۋلۋ بولىپ وتىر».

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 4-كورپۋسىندا 29 ناۋرىزعا دەيىن جالعاساتىن فەستيۆالدىڭ باعدارلاماسى اياسىندا «ححi عاسىرداعى بالالاردىڭ اقپاراتتىق كەڭىستىگى» اتتى فورۋم جانە «جۇلدىز» بقۇو قب-نىڭ بۇقارالىق اقپارات قۇرالدارىنىڭ كورمەسى ۇيىمداستىرىلىپ، قر اتا زاڭىنىڭ 20 جىلدىعىنا، قازاقستان اسسامبلەياسىنىڭ 20 جىلدىعىنا ارنالعان «قازاقستان بالالارى: لايىقتى ٴومىر سۇرۋگە دەگەن قۇقىق» اتتى دوڭگەلەك ۇستەل وتپەك. سونداي-اق، شارا بارىسىندا «جاس ٴتىلشى – 2015» جانە «جاس مەديا kz: بالالاردىڭ/جاستاردىڭ ۇزدىك مەدياورتالىعى» بايقاۋلارىنىڭ جەڭىمپازدارى دا انىقتالاتىن بولادى. جەڭىستىڭ 70 جىلدىعىنا ارنالعان «ٴبىز بەيبىتشىلىك ٴۇشىن داۋىس بەرەمىز» اتتى ەسكە الۋ اكسياسى مەن كاسىبي جۋرناليستەر جانە جاس تىلشىلەردىڭ قاتىسۋىمەن وتەتىن «بالالاردىڭ قوعامدىق اقپارتتىق كەڭىستىگى: احۋالى مەن دامۋى» اتتى بريفينگ تە باعدارلاماعا ەنگەن. مەديافەستيۆال قاتىسۋشىلارى جۋرناليستيكا نەگىزدەرى، اقپاراتتىق مەنەدجمەنت پەن اقپاراتتىق رەسۋرستار تۋرالى شەبەرلىك سىنىپتارىنا قاتىسىپ، ەڭ دارىندى جاس تىلشىلەر ل.ن. گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنە وقۋعا شاقىرىلاتىن بولادى. ال، «جاس ٴتىلشى – 2015» بايقاۋىنىڭ جەڭىمپازدارى «جۇلدىز» بقۇو قب-نىڭ بۇقارالىق اقپارات قۇرالدارىنىڭ رەداكسيالارىندا جۇمىس جاساۋعا مۇمكىندىك الماق.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي