BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«امبەباپ جۋرناليست» جارىققا شىقتى

 استانا. 13 اقپان. baq.kz – جازۋشى، جۋرناليست ايتمۇحامبەت قاسىم ۇلىنىڭ «امبەباپ جۋرناليست» اۋدارما كىتابى جارىق كوردى. بۇل كىتاپ – تانىمالبريتان ٴجۋرناليسى دەۆيد رەنداللدىڭ جۋرناليستيكا سالاسىنا ارناعان ۇزاق جىلعى ەڭبەگىنىڭ جەمىسى.. رەندالل الەمنىڭ بىرنەشە ەلدەرىندە، سونىڭ ىشىندە قازاقستان مەن رەسەيدە جۋرناليستيكالىق، رەداكتورلىق جانە ٴدارىس وقۋ قىزمەتتەرىمەن شۇعىلدانعان.

 شەكارامەن شەكتەلمەيتىن، ٴناسىل مەن ۇلتقا بولىنبەيتىن جۋرناليستيكا ٴىلىمى بويىنشا قازاق تىلىندە عىلىمي-تەوريالىق، ادىستەمەلىك وقۋلىقتار ٴالى دە بولسا ازدىق ەتىپ جاتقاندىعى شىندىق. سول جاعدايدى ەسكەرە وتىرىپ، ٴوزى دە ٴبىراز ۋاقىت س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ جۋرناليستيكا بولىمىندە ساباق بەرگەن، قىرىق جىلعا جۋىق وبلىستىق «ديدار» گازەتىندە قىزمەت ىستەگەن تاجىريبەلى جۋرناليست، بەلگىلى قالامگەر، قر جازۋشىلار وداعىنىڭ مۇشەسى، فيلولوگيا عىلىمدارىنىڭ كانديداتى ايتمۇحامبەت قاسىموۆ سول بريتاندىق قالامگەر دەۆيد رەنداللدىڭ جۋرناليستيكاعا، ٴوزىنىڭ جاس ارىپتەستەرىنە ارناعان كىتابىن ورىسشادان (اعىلشىن تىلىنەن ورىسشاعا ٴتارجىمالاعان – الەكسەي پورياز) قازاق تىلىنە ىقشامداپ اۋدارىپ شىقتى.
كىتاپ جۋرناليستيكا الەمىنە ساپار شەگۋگە بەل بۋعان ستۋدەنتتەرگە، ٴسوز ونەرى سالاسىندا قالام سىلتەپ جۇرگەن جاس تالاپكەرلەرگە، جالپى جۋرناليستەر قاۋىمىنا ەلەۋلى كومەك كورسەتەدى.
«قالاي جاقسى رەپورتەر بولۋعا بولادى؟»، «سۇراق قويا ٴبىلۋ ونەرى»، «تۇپنۇسقالارمەن جۇمىس»، «جۋرناليستىك زەرتتەۋ»، «جاڭا ەتيكا»، «گازەت ٴۇشىن قالاي جازۋ كەرەك؟»، «بەتتەۋ (ۆەرستكا)» سەكىلدى تاراۋلاردان تۇراتىن بۇل كىتاپ قولىنا قالام ۇستايتىن جالپى وقىرمان قاۋىم ٴۇشىن دە قىزعىلىقتى، ويتكەنى ول – جۋرناليستىك شەبەرلىكتىڭ الىپپەسى.

 

ازامات تاسقارا ۇلى،
اقىن، قر جازۋشىلار وداعىنىڭ مۇشەسى،
قر ۇكىمەتىنىڭ «دارىن» جاستار سىيلىعىنىڭ يەگەرى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي